ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641

ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - IMG 242 - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641
ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - kitchen vibe - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641

ວັນທີ 17 ມັງກອນ 2023 ນີ້, ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນ ຕີກະຊວງປ້ອງກັນປະເທດ ໄດ້ເຄື່ອນໄຫວຢ້ຽມຢາມ, ພົບປະໂອ້ລົມນາຍ ແລະ ພົນທະຫານກອງພັນໃຫຍ່ 641 ໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ.

ທ່ານ ພັນເອກ ສອນແກ້ວ ຜາລີທອງ ຫົວໜ້າການເມືອງກອງພັນໃຫຍ່ 641 ໄດ້ລາຍງານຫຍໍ້ຈຸດພິເສດ ແລະ ໜ້າທີ່ການເມືອງຂອງກົມກອງ ລວມທັງຜົນງານຕະຫລອດໄລຍະຜ່ານມາ ໂດຍຄະນະພັກ-ຄະນະບັນຊາກອງພັນໃຫຍ່ ໄດ້ເອົາໃຈໃສ່ປັບປຸງກໍ່ສ້າງກົມກອງໃຫ້ກາຍເປັນກົມກອງທີ່ມີລະບຽບວິໄນເຂັ້ມງວດ, ມີແບບແຜນທັນສະໄໝ ແລະ ສ້າງໃຫ້ກາຍເປັນກົມກອງປອດໃສ ເຂັ້ມແຂງ ໜັກແໜ້ນ ໃຫ້ສົມກັບເປັນກົມກອງແບບຢ່າງລະບຽບວິໄນ, ເຂັ້ມແຂງດ້ານການກຽມພ້ອມສູ້ຮົບ ແລະ ສູ້ຮົບມີໄຊ, ສຸມໃສ່ສຶກສາອົບຮົມການ ເມືອງນຳພາແນວຄິດເປັນກົກ, ຈັດຕັ້ງເຝິກແອບຮ່ຳຮຽນວິຊາສະເພາະ, ສິລະປະຍຸດ-ຍຸດທະວິທີໃຫ້ຊຳນານຄ່ອງແຄ້ວ, ຍົກສູງລະບຽບແບບແຜນ, ເອົາໃຈໃສ່ກໍ່ສ້າງຮາກຖານການເມືອງໃນຂອບເຂດກົມກອງຕັ້ງທັບ, ປະສານສົມທົບກັບອຳນາດການປົກຄອງບ້ານຊຸກຍູ້ຊ່ວຍເຫລືອການແກ້ໄຂຊີວິດການເປັນຢູ່ຂອງປະຊາຊົນໃນຂອບເຂດດັ່ງກ່າວໃນຍາມພົບຄວາມຫຍຸ້ງຫຍາກ. ນອກນີ້, ຍັງໄດ້ເອົາໃຈໃສ່ຄຸ້ມຄອງລ້ຽງດູທັບ ຊຶ່ງສາ ມາດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໄດ້ໂດຍພື້ນຖານ.

ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - Visit Laos Visit SALANA BOUTIQUE HOTEL - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641

ລັດຖະມົນຕີກະຊວງປ້ອງກັນປະເທດ ໄດ້ຮຽກຮ້ອງຄະນະພັກ-ຄະນະບັນຊາແຕ່ລະຂັ້ນຕະຫລອດຮອດພະ ນັກງານ-ນັກຮົບທົ່ວກອງພັນໃຫຍ່ 641 ສືບຕໍ່ຮັບປະກັນສະຖຽນລະພາບດ້ານການເມືອງ ເປັນຫລັກແຫລ່ງ ຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ເດັດດ່ຽວສະກັດກັ້ນທຸກກົນອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ, ທັບມ້າງໃຫ້ໄດ້ໜໍ່ແໜງທີ່ກໍ່ໃຫ້ເກີດຄວາມບໍ່ສະ ຫງົບເພື່ອເຮັດໃຫ້ສະພາບພາຍໃນຂອບເຂດທົ່ວປະເທດມີຄວາມສະຫງົບທາງດ້ານການເມືອງ, ສັງຄົມເປັນລະບຽບຮຽບຮ້ອຍ ແລະ ສືບຕໍ່ປະຕິບັດ 2 ວາລະແຫ່ງຊາດໃຫ້ເຂັ້ມງວດ, ສ້າງ ແລະ ປັບປຸງກົມກອງໄປຕາມທິດສ້າງກອງທັບມີແບບແຜນທັນສະໄໝເທື່ອລະກ້າວ, ເຊີດຊູສະຕິລະວັງຕົວ ແລະ ມີສະຕິປົກປັກຮັກ ສາແນວທາງນະໂຍບາຍຂອງພັກ-ລັດ, ໝາກຜົນຂອງການປະຕິວັດ, ປົກປັກຮັກສາລະບອບໃໝ່ປະຊາທິ ປະໄຕປະຊາຊົນໄວ້ໃຫ້ໝັ້ນຄົງ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງກົມກອງ, ຕັ້ງໜ້າປັບປຸງກຳລັງໃຫ້ໜັກແໜ້ນເຂັ້ມແຂງທຸກດ້ານ, ປະຕິບັດລະບອບການອົບຮົມ-ຫັດແອບເພື່ອຍົກລະ ດັບຄວາມສາມາດດ້ານສິລະປະຍຸດ-ຍຸດທະວິທີ ແລະ ວິຊາສະເພາະໃຫ້ສູງຂຶ້ນ ທັງຍົກສູງສະຕິຈັດຕັ້ງປະ ຕິບັດລະບຽບວິໄນໃຫ້ເຂັ້ມງວດ.

ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - 5 - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641
ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - 4 - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641
ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641 - 3 - ລັດຖະມົນຕີກະຊວງປ້ອງກັນປະເທດ ຢ້ຽມຢາມກອງພັນໃຫຍ່ 641