ຄວາມເຊື່ອຖືໃນສາສະໜາໄປທາງບໍ່ຖືກຕ້ອງປາກົດມີຂຶ້ນ

- advert banner 728 90 728x90 - ຄວາມເຊື່ອຖືໃນສາສະໜາໄປທາງບໍ່ຖືກຕ້ອງປາກົດມີຂຶ້ນ

ຮອງປະທານສູນກາງແນວລາວສ້າງຊາດທ່ານ ຈັນທະວົງ ແສນອາມາດມົນຕີ  ໄດ້ລາຍງານຢູ່ກອງປະຊຸມຄະນະກໍາມາທິການບັນດາເຜົ່າຂອງສະພາແຫ່ງຊາດປະຈໍາປີ 2017 ນີ້ວ່າ: ແຕ່ໃດມາ, ພັກ ແລະ ລັດຖະບານເຮົາ ໄດ້ເຄົາລົບ ແລະ ຮັບປະກັນສິດເສລີພາບໃນການເຊື່ອຖື ຫລື ບໍ່ເຊື່ອຖືສາສະໜາຂອງພົນລະເມືອງ, ບຸກຄົນໃດ, ຈະຢູ່ໃນຖານະໃດ, ຈະມີຄວາມເຊື່ອໃດໆ ແລະ ຈະແມ່ນສາສະໜາໃດຢູ່ ສປປ ລາວ ກໍລ້ວນແຕ່ໄດ້ສຶກສາອົບຮົມສັ່ງສອນມະນຸດໃຫ້ມີຄວາມສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນ, ຕັ້ງໜ້າປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ທັງເຄື່ອນໄຫວເພື່ອປະໂຫຍດຂອງສາທາລະນະຊົນ. ສະນັ້ນຈຶ່ງໄດ້ສ້າງ ແລະ ປັບປຸງລັດຖະທໍາມະນູນໃຫ້ຮັບປະກັນການປົກປ້ອງສິດເສລີພາບອັນຖືກຕ້ອງຕາມລະບຽບກົດໝາຍ ແລະ ຫ້າມທຸກການກະທໍາທີ່ເປັນການແບ່ງແຍກສາສະໜາ ແລະ ແບ່ງແຍກປະຊາຊົນ ແລະ ພົນລະເມືອງລາວມີສິດເຊື່ອຖື ແລະ ບໍ່ເຊື່ອຖືສາສະໜາທີ່ບໍ່ຂັດກັບລະບຽບກົດໝາຍ.

- new3 - ຄວາມເຊື່ອຖືໃນສາສະໜາໄປທາງບໍ່ຖືກຕ້ອງປາກົດມີຂຶ້ນ

ຜ່ານການຕິດຕາມສະພາບການເຄື່ອນໄຫວສາສະໜາຢູ່ລາວໃນໄລຍະຜ່ານມາເຫັນວ່າ: ຍັງມີບາງຄົນ, ສາສະນິກະຊົນຈໍານວນໜຶ່ງເຊື່ອຖືສາສະໜາຂອງຕ່າງປະເທດ (ເຢຊູຄລິສ) ແລະ ໄດ້ຈັດກິດຈະກໍາທາງສາສະໜາບໍ່ໄປຕາມຫລັກສີນທໍາຄໍາສອນຂອງພະເຈົ້າ,​ ມີການປະຕິເສດກົດເກນຂະຫຍາຍຕົວຂອງສັງຄົມມະນຸດ ແລະ ກົດເກນທໍາມະຊາດ, ຝືນຕໍ່ຫລັກວິທະຍາສາດ, ມີຄວາມໄຝ່ຝັນຕໍ່ສິ່ງເໜືອທໍາມະຊາດ, ໂດຍປາກົດການດັ່ງກ່າວເຖິງວ່າຈະເກີດຢູ່ປະເທດໃດ, ລະບອບການເມືອງໃດກໍຍ່ອມຮັບບໍ່ໄດ້ ເຊັ່ນ: ກໍລະນີເກີດຂຶ້ນເມື່ອປີ 2003 ມີປະຊາຊົນຜູ້ເຊື່ອຖືຢູ່ບ້ານແຫລ້ເມືອງຄູນແຂວງຊຽງຂວາງລົງມືຂ້າເມຍຕົນເອງເພື່ອບູຊາພະເຈົ້າ, ຕໍ່ມາມີປະກົດການມີຄົນປີນຜາແລ້ວໂດດລົງມາເພື່ອຫວັງຈະບິນໄປຫາພະເຈົ້າ, ໃນປີ 2016 ຢູ່ເມືອງວຽງຄໍາແຂວງຊຽງຂວາງມີກໍລະນີແມ່ຂ້າລູກ 3 ຄົນ ແລະ ຂ້າຕົນເອງຕາຍຕາມເພື່ອຫວັງໄປຢູ່ນໍາພະເຈົ້າ ແລະ ລ້າສຸດເມື່ອເດືອນພຶດສະພາ 2017 ນີ້, ທ້າວ ໄທຢາງ ຢູ່ບ້ານດົງເມືອງບໍລິຄັນແຂວງບໍລິຄໍາໄຊ ເປັນຜູ້ນັບຖືສາສະໜາຄລີສຕະຈັກ, ໄດ້ພາຄອບຄົວຂອງຜູ້ກ່ຽວໄປນອນເຮັດກິດຈະກໍາທາງສາສະໜາຢູ່ຖຽງສວນຢາງພາລາຂອງຕົນ ແລ້ວສ້າງວິທີລອກລວງຄອບຄົວ, ລູກເມຍແກ້ເປືອຍຕົວແລ້ວເອົາຄ້ອນທູບຫົວແຕ່ລະຄົນຈົນເສຍຊີວິດແລ້ວຈົກສະໝອງຫວ່ານເພື່ອຖວາຍພະເຈົ້າ, ເຫດການອັນຊົ່ວຮ້າຍຄັ້ງນີ້ມີຜູ້ເສຍຊີວິດ 6 ຄົນ. ນອກນີ້ຍັງມີບາງກຸ່ມຄົນຈໍານວນໜຶ່ງຫາວິທີຕົວະຍົວະປະຊາຊົນຜູ້ຮູ້ເທົ້າບໍ່ເຖິງການໃຫ້ມີຄວາມໄຝ່ຝັນຫາສິ່ງທີ່ບໍ່ເປັນຄວາມຈິງ ແລະ ກ້າວໄປສູ່ການກະທໍາທີ່ຂັດຕໍ່ລະບຽບກົດໝາຍ. ສ່ວນໃນສາສະໜາພຸດເຮົາ ກໍປາກົດວ່າມີພະສົງ, ພຸດທະສາຊະນິກະຊົນຈໍານວນໜຶ່ງທັງຢູ່ໃນຕົວເມືອງ ແລະ ທ້ອງຖິ່ນຕ່າງໆ ມີການເຄື່ອນໄຫວແຜ່ປັດໃຈຊະຊາຍຢູ່ຕາມຕະຫລາດ, ຖະໜົນຫົນທາງດ້ວຍວິທີແຈກຊອງ, ເອົາຄ້ອງ, ກອງ, ພະພຸດທະຮູບຕ່າງໆໃສ່ລົດ ແລະ ອື່ນໆ ໂຄສະນາຊວນເຊື່ອເພື່ອສວຍໂອກາດແຜ່ປັດໃຈໂດຍບໍ່ຖືກຕ້ອງ, ມີພະສົງບາງອົງເຄື່ອນໄຫວບໍ່ສອດຄ່ອງກັບຫລັກສີນທໍາມະວິໄນ, ຫາຜົນປະໂຫຍດໃສ່ຕົນເອງ ແລະ ມີການປະພຶດບໍ່ເໝາະສົມກັບສະມະນະເພດ ແລະ ນອກນີ້ຍັງມີປະກົດການເຊື່ອຖືງົມງວາຍຕ່າງໆ.

 

 

 

 

- lattana 1 - ຄວາມເຊື່ອຖືໃນສາສະໜາໄປທາງບໍ່ຖືກຕ້ອງປາກົດມີຂຶ້ນ

 

 

 

 

error: Content is protected !!