ເຊລຊີ ພ້ອມປ່ອຍ ຣາຮິມ ສະເຕີລິງ ເປີດທາງໃຫ້ນັກເຕະໃຫມ່ຢ່າງ ມູດຣິກ

ເວັບໄຊ Footballinside ລາຍງານວ່າ ເຊລຊີ ພ້ອມຮັບຟັງຂໍ້ສະເໜີເພື່ອປ່ອຍຕົວ ຣາຮິມ ສະເຕີລິງ ກອງໜ້າທີມຊາດອັງກິດ.

ຣາຮິມ ສະເຕີລິງ ມີບັນຫາເລື່ອງສະຫມຳ່ສະເຫມີໃນການຫລິ້ນ ແລະ ພວມຕໍ່ສູ້ກັບໄລຍະເວລາທີ່ຍາກລຳບາກເພື່ອໃຫ້ເຂົ້າກັບລະບົບການຫລິ້ນຂອງ ແກຣມ ພັອດເຕີ ຜູ້ຈັດການທີມໃຫມ່ຂອງ ເຊລຊີ.

ຂະນະດຽວກັນຈາກການທີ່ທີມດັງຈາກນະຄອນຫລວງລອນດອນຫາກໍໄດ້ຕົວ ໄມຄາໂລ ມູດຣິກ ຈາກຊັກຕາ ໂດເນັດ ເຂົ້າມາເສີມທີມ ເຮັດໃຫ້ມີການເປີດ ເຜີຍວ່າເຊລຊີ ພ້ອມຈະຮັບຟັງຂໍ້ສະເໜີເພື່ອປ່ອຍ ຣາຮິມ ອອກຈາກທີມ ເຖິງວ່າຫາກໍໄດ້ນັກເຕະລາຍນີ້ມາຈາກ ແມນເຊສເຕີ ຊິຕີ ເມື່ອລະດູການຜ່ານເທົ່ານັ້ນ.