ແມນຢູ ກຽມປ່ອຍ ແມັກໄກວ ໃຫ້ທີມຮ່ວມພຣີເມຍລີກ ຢືມຕົວ

ສຳນັກຂ່າວ Mirror ລາຍງານວ່າ ແມນເຊສເຕີ ຢູໄນເຕັດ ອາດຕອບຮັບຂໍ້ສະເໜີໃນການປ່ອຍຕົວ  ແຮຣີ ແມັກໄກວ ກອງຫລັງຫົວໜ້າທີມ ໃຫ້ຍ້າຍໄປຫລິ້ນກັບ ເວສແຮມ ຢູໄນເຕັດ.

ເອຣິກ ເທນ ຮາກ ຜູ້ຈັດການທີມຂອງ ແມນເຊສເຕີ ຢູໄນເຕັດ ຍັງຄົງບໍ່ຄ່ອຍເລືອກໃຊ້ງານ ແຮຣີ ແມັກໄກວ ເຖິງວ່າລາວຈະສ້າງຜົນງານໄດ້ດີກັບທີມຊາດ ອັງກິດ ໃນບານໂລກ2022 ທີ່ກາຕ້າ ໂດຍໄລຍະຫລັງແມນຢູ ໃຊ້ ລຸກ ຊໍ ໃຫ້ຫຍັບຈາກກອງຫລັງຊ້າຍໄປຫລິ້ນໃນຕຳແໜ໋ງກອງຫລັງ ຕົວກາງແທນໃນ ບາງນັດ.

ຫລ້າສຸດມີການເປີດເຜີຍວ່າ ເວສແຮມ ຢູໄນເຕັດ ອີກຫນຶ່ງທີມໃນພຣີເມຍ ລີກ ອັງກິດ ຕ້ອງການຈະຂໍຢືມຕົວກອງຫລັງທີມຊາດອັງກິດລາຍ ນີ້ໄປເສີມທີມໃນຕະຫລາດຊື້ຂາຍຮອບນີ້.

ແລະ ທາງສຳນັກຂ່າວ Mirror ລະບຸວ່າ ແມນເຊສເຕີ ຢູໄນເຕັດ ອາດຕອບຮັບຂໍ້ສະເໜີດັ່ງກ່າວເພື່ອປ່ອຍໃຫ້ ແມັກໄກວ ຍ້າຍທີມແບບຢືມຕົວ ແລະ ອາດຂາຍຂາດນັກເຕະລາຍນີ້ໃນລະດູການນີ້.