ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ

ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - 328 - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ
ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - kitchen vibe - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ

ວັນທີ 21 ມັງກອນ 2023, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ພ້ອມຄະນະ ເຄື່ອນໄຫວຢ້ຽມຢາມ ແລະ ໂອ້ລົມນາຍ ແລະ ພົນທະຫານ ກອງພົນທີ 3 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ (20/1/1949-20/1/2023) ໂດຍການຕ້ອນ ຮັບຂອງ ສະຫາຍ ບຸນຄົງ ຫລ້າຈຽມພອນ  ເຈົ້າແຂວງແຂວງອຸດົມໄຊ, ມີຄະນະພັກ-ຄະນະບັນຊາ ກອງພົນທີ 3, ກຳລັງທ້ອງຖິ່ນ, ປກສ, ຕະຫລອດຮອດ ນາຍ ແລະ ພົນທະຫານ ເຂົ້າຮ່ວມ.

ໂອກາດນີ້, ສະຫາຍ ທອງລຸນ ສີສຸລິດ ໄດ້ຕີລາຄາສູງຕໍ່ໝາກຜົນຂອງການປະຕິວັດ ແລະ ມູນເຊື້ອອັນພິລະອາດຫານຂອງກອງທັບປະຊາຊົນລາວ ຕະຫລອດໄລຍະ 74 ປີ ໂດຍສະເພາະຜົນສຳເລັດທີ່ນາຍ ແລະ ພົນທະຫານ ກອງພົນ ທີ 3 ຍາດມາໄດ້, ພ້ອມທັງຍົກໃຫ້ເຫັນສະພາບການພົ້ນເດັ່ນທີ່ເກີດຂຶ້ນ ຢູ່ພາຍໃນ ແລະ ຕ່າງປະເທດ, ສະພາບການພັດທະນາເສດຖະກິດ-ສັງຄົມ ແຫ່ງຊາດ ໂດຍສະເພາະຄວາມພະຍາຍາມຂອງພັກ-ລັດຖະບານ ແລະ ພາກສ່ວນທີ່ກ່ຽວຂ້ອງມີຜົນສຳເລັດ, ຂໍ້ສະດວກ-ຫຍຸ້ງຍາກ ແລະ ສິ່ງທ້າທາຍ ຕໍ່ການປົກປັກຮັກສາ ແລະ ສ້າງສາພັດທະນາປະເທດເຮົາ ໃນປັດຈຸບັນ.

ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - Visit Laos Visit SALANA BOUTIQUE HOTEL - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ

ຕໍ່ສະພາບການດັ່ງກ່າວ, ສະຫາຍ ທອງລຸນ ສີສຸລິດ ໄດ້ມີຄຳເຫັນເນັ້ນໃຫ້ຄະນະພັກ-ຄະນະບັນຊາຕະຫລອດຮອດພະນັກງານ-ນັກຮົບ ທົ່ວກອງພົນທີ 3 ຍົກສູງດ້ານຄຸນທາດການເມືອງໃຫ້ໜັກແໜ້ນເຂັ້ມແຂງ ໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນ ຮອບດ້ານຂອງພັກ ຕິດພັນກັບການຈັດຕັ້ງສອງວາລະແຫ່ງຊາດຂອງພັກ ແລະ ລັດຖະບານ ວ່າດ້ວຍການແກ້ໄຂເສດຖະກິດ-ການເງິນ ແລະ ບັນຫາຢາເສບຕິດໃຫ້ຂາດຕົວໄປສົມຄູ່ກັບການຫັນເອົາກໍາລັງ ລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ, ສ້າງທ່າສະໜາມຕາໜ່າງປ້ອງກັນຊາດເຂັ້ມແຂງ, ກຸ່ມບ້ານປ້ອງກັນຄວາມສະຫົງບດີຕິດພັນກັບບ້ານພັດທະນາຕາມທິດ 3 ສ້າງຂອງພັກໃນການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາຢ່າງແຂງແຮງ; ປັບປຸງແບບແຜນວິທີເຮັດວຽກ ໃຫ້ມີລັກສະນະປະຕິວັດບຸກ, ມີວິທະຍາສາດ, ແທດເໝາະກັບຕົວຈິງ ແລະ ໂປ່ງໃສ, ມີການແບ່ງວຽກ ແລະ ມອບໝາຍຄວາມຮັບຜິດຊອບຢ່າງຈະແຈ້ງ ແລະ ມີແບບແຜນນຳພາຢ່າງປະດິດສ້າງ, ກ້າຄິດ, ກ້າເຮັດ ແລະ ກ້າຮັບຜິດຊອບຕໍ່ຜົນໄດ້ຜົນເສຍໃນການຈັດຕັ້ງປະຕິບັດໜ້າທີ່ການເມືອງ ແລະ ວິຊາສະເພາະທີ່ນອນໃນຂອບເຂດຄວາມຮັບຜິດຊອບ ໂດຍຖືເອົາຜົນປະໂຫຍດລວມຂອງຊາດ, ຂອງປະຊາຊົນ ເປັນບ່ອນອີງ, ຕັ້ງໜ້າປັບ ປຸງກໍ່ສ້າງກຳລັງໃນທຸກດ້ານໃຫ້ໜັກແໜ້ນເຂັ້ມແຂງ, ເອົາໃຈໃສ່ປັບປຸງລະບອບຄຸ້ມຄອງນໍາພາ-ບັນຊາ, ປັບປຸງກຳລັງປະເພດຕ່າງໆ ໂດຍຖືເອົາຄຸນນະພາບເປັນກົກ, ສໍາຄັນແມ່ນຍົກສູງວຽກງານອົບຮົມ-ຫັດແອບການເມືອງ, ການທະຫານ, ພະລາທິການ, ເຕັກນິກການທະຫານ ແລະ ວິຊາສະເພາະເຫລົ່າຮົບເປັນປະຈໍາ.

ພ້ອມນັ້ນ, ກໍສຸມທຸກເງື່ອນໄຂທ່າແຮງບົ່ມຊ້ອນຂອງຕົນ ໃນການສ້າງເສດຖະກິດແກ້ໄຂຊີວິດການເປັນຢູ່ຂອງພະນັກງານ-ນັກຮົບ ເພື່ອກ້າວໄປເຖິງການກຸ້ມຕົນເອງຢ່າງຮອບດ້ານ. ເອົາໃຈໃສ່ວຽກງານຄຸ້ມຄອງ ພາຫະນະເຕັກນິກການທະຫານ ໃຫ້ມີຄຸນນະພາບກຽມພ້ອມສູ້ຮົບ ແລະ ສູ້ຮົບມີໄຊ; ປະກອບສ່ວນສໍາຄັນເຂົ້າໃນການສ້າງເສດຖະກິດ, ວັດທະນາທໍາ-ສັງຄົມ ຢູ່ທ້ອງ ຖິ່ນຮາກຖານໃຫ້ເຂັ້ມແຂງ ແລະ ຊ່ວຍເຫລືອປະຊາຊົນ ໃນການປັບປຸງຊີວິດການເປັນຢູ່ທາງດ້ານວັດຖຸ ແລະ ຈິດໃຈໃຫ້ນັບມື້ນັບດີຂຶ້ນດັ່ງຄໍາເວົ້າທີ່ວ່າ: ກອງທັບກັບປະຊາຊົນຄືປາກັບນໍ້າ; ຍາດແຍງເອົາການຮ່ວມມືຊ່ວຍເຫລືອກັບກອງທັບປະເທດເພື່ອນມິດຍຸດທະສາດ ແລະ ການຮ່ວມມືກັບບັນດາປະເທດສັງຄົມນິຍົມອ້າຍນ້ອງ ເພື່ອປັບປຸງກໍ່ສ້າງກອງທັບ ກໍຄື ກົມກອງພວກສະຫາຍໃຫ້ມີແບບແຜນ ແລະ ທັນສະໄໝ, ພ້ອມນັ້ນກໍຕ້ອງເສີມຂະຫຍາຍບົດບາດເປັນກໍາລັງຫລັກແຫລ່ງແກ່ນສານໃນການປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ; ກອງທັບເວລາໃດກໍນໍາໜ້າທຸກຂົງເຂດວຽກງານ, ເດັດດ່ຽວໜຽວແໜ້ນຜ່ານຜ່າທຸກອຸປະສັກເຮັດສໍາເລັດທຸກໜ້າທີ່ ສົມແລ້ວເປັນກໍາລັງແກ່ນສານຂອງການປະຕິວັດ ເປັນເຄື່ອງມືອັນແຫລມຄົມຂອງພັກຢ່າງແທ້ຈິງ.

ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - 4 - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ
ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - 3 - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ
ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ - 5 - ປະທານປະເທດ ຢ້ຽມຢາມ ນາຍ ແລະ ພົນທະຫານ ກອງພົນທີ 3 ພ້ອມເນັ້ນໃຫ້ເອົາໃຈໃສ່ວຽກງານຮອບດ້ານ