ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ

ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ - F230115YS42 1 e1674041701456 - ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ
ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ - kitchen vibe - ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ

ນາຍົກລັດຖະມົນຕີອິດສະລາແອນປົດໜຶ່ງໃນພັນທະມິດສໍາຄັນທາງການເມືອງພົ້ນຈາກທຸກຕໍາແໜ່ງໃນຄະນະລັດຖະບານ ເຫດສານສູງສຸດຕໍາໜິວ່າ: “ບໍ່ເໝາະສົມ ເພາະມີປະຫວັດທຸຈະລິດ”.

ວັນທີ 23 ມັງກອນ, ສໍານັກຂ່າວຕ່າງປະເທດລາຍງານວ່າ: ນາຍົກລັດຖະມົນຕີ ເບນຈາມິນ ເນທັນຢາຮູ ປົດທ່ານ ອາເຣຍ ເດຣີ ອອກຈາກຕໍາແໜ່ງລັດຖະມົນຕີປ້ອງກັນປະເທດ ແລະ ລັດຖະມົນຕີສາທາລະນະສຸກ ໃນວັນທີ 22 ມັງກອນຜ່ານມາ ຕາມຄໍາສັ່ງຂອງສານສູງສຸດ ເຊິ່ງລະບຸກ່ອນໜ້ານີ້ບໍ່ດົນວ່າ: ການແຕ່ງຕັ້ງທ່ານ ເດຣີ “ບໍ່ມີຄວາມຍຸຕິທໍາໃນທາງກົດໝາຍ” ເນື່ອງຈາກເປັນບຸກຄົນມີປະຫວັດສໍ້ໂກງພາສີ ເຖິງວ່າທ່ານໃຫ້ການຮັບສາລະພາບໃນຊັ້ນສານໃນປີຜ່ານມາ.

ຂະນະດຽວກັນ, ທ່ານ ເດຣີ ອາຍຸ 63 ປີ ກ່າວຕໍ່ຜູ້ພິພາກສາໃນຄະດີນີ້ອີກວ່າ: “ຈະວາງມືທາງການເມືອງ”. ສ່ວນເນື້ອໃນຕອນໜຶ່ງຈາກຖະແຫລງການຂອງທໍານຽບນາຍົກລັດຖະມົນຕີອິດສະລາແອນລະບຸວ່າ: “ເປັນການຕັດສິນໃຈທີ່ຍາກລໍາບາກຂອງທ່ານ ເນທັນຢາຮູ” ໃນການປົດທ່ານ ເດຣີ ຫົວໜ້າພັກຊາສ ເຊິ່ງເປັນພັກຊາດນິຍົມທາງສາສະໜາ ພົ້ນຈາກທຸກຕໍາແໜ່ງໃນຄະນະລັດຖະບານ ແລະ ກ່າວເຖິງຄໍາສັ່ງຂອງສານສູງສຸດວ່າ: “ໜ້າເສຍໃຈ” ແລະ “ເປັນການບໍ່ສົນໃຈຕໍ່ຄວາມຕ້ອງການຂອງປະຊາຊົນ”.

ເຖິງຢ່າງໃດກໍຕາມ, ຊາວອິດສະລາແອນ 100.000 ກວ່າຄົນ ຊຸມນຸມກັນໃນເຂດໃຈກາງນະຄອນຫລວງເທລອາວີບ ໃນວັນທີ 21 ມັງກອນຜ່ານມາ ເພື່ອປະທ້ວງຕໍ່ຕ້ານລັດຖະບານຂວາຈັດຂອງທ່ານ ເນທັນຢາຮູ ໂດຍສະເພາະນະໂຍບາຍກ່ຽວກັບ “ການປະຕິຮູບຂະບວນການຍຸຕິທໍາເພື່ອຮັກສາສົມດູນ” ລວມທັງການຈໍາກັດຂອບເຂດອໍານາດຂອງສານສູງໃນການພິພາກສາຕໍ່ນະໂຍບາຍຂອງລັດຖະບານ ຫລື ກົດໝາຍທີ່ບັນຍັດໂດຍສະພານິຕິບັນຍັດແຫ່ງຊາດ, ແຕ່ໃນທາງກົງກັນຂ້າມ ຝ່າຍບໍລິຫານຈະມີອໍານາດເພີ່ມຂຶ້ນ ຕໍ່ຂະບວນການຄັດເລືອກ ແລະ ແຕ່ງຕັ້ງຜູ້ພິພາກສາ.

ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ - 3 - ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ
ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ - 4 - ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ
ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ - 5 - ຜູ້ນໍາອິດສະລາແອນປົດລັດຖະມົນຕີ ຕາມຄໍາສັ່ງສານສູງສຸດ