ເກີດເຫດກວາດຍິງອີກໃນລັດແຄລິຟໍເນຍ ເສຍຊີວິດແລ້ວຢ່າງໜ້ອຍ 7 ຄົນ ບາດເຈັບສາຫັດອີກ 1 ຄົນ

ວັນທີ 24 ມັງກອນ ຕາມເວລາປະເທດລາວ, ສໍານັກຂ່າວຕ່າງປະເທດລາຍງານວ່າ: ເກີດເຫດກວາດຍິງຂຶ້ນອີກໃນລັດແຄລິຟໍເນຍຂອງອາເມລິກາ ເປັນເຫດໃຫ້ມີຜູ້ເສຍຊີວິດແລ້ວຢ່າງໜ້ອຍ 7 ຄົນ ແລະ ໄດ້ຮັບບາດເຈັບສາຫັດອີກ 1 ຄົນ.

ທາງການທ້ອງຖິ່ນເປີດເຜີຍວ່າ: ເກີດເຫດກວາດຍິງຂຶ້ນຢູ່ຟາມປູກເຫັດແຫ່ງໜຶ່ງໃນຮາບມູນເບ ລັດແຄລິຟໍເນຍ ແລະ ບໍລິສັດຂົນສົ່ງໃກ້ກັບຟາມປູກເຫັດດັ່ງກ່າວ ເຊິ່ງຢູ່ຫ່າງອອກໄປປະມານ 2 ໄມ. ເບື້ອງຕົ້ນຄາດວ່າຜູ້ລົງມືກໍ່ເຫດຄືທ້າວ ຈ້າວ ຊຸນລີ່ ຜູ້ຊາຍເຊື້ອສາຍຈີນ ອາຍຸ 67 ປີ ທີ່ເຮັດວຽກຢູ່ໃນສະຖານທີ່ເກີດເຫດບ່ອນໃດບ່ອນໜຶ່ງ.

ຖືເປັນເຫດກວາດຍິງຄັ້ງໃຫຍ່ຄັ້ງທີສອງທີ່ເກີດຂຶ້ນໃນລັດແຄລິຟໍເນຍໃນຮອບບໍ່ເທົ່າໃດວັນຜ່ານມາ ຕໍ່ຈາກເຫດກວາດຍິງໃສ່ຫ້ອງບອນຣູມທີ່ກໍາລັງຈັດງານສະຫລອງກຸດຈີນໃນເມືອງມອນເທີເຣພາກ ໃນວັນທີ 21 ມັງກອນຜ່ານມາຕາມເວລາທ້ອງຖິ່ນ ເປັນເຫດໃຫ້ມີຜູ້ເສຍຊີວິດຈາກເຫດກວາດຍິງຄັ້ງນັ້ນແລ້ວຢ່າງໜ້ອຍ 11 ຄົນ.

ອ້າງອີງ:

https://edition.cnn.com/…/half-moon-bay…/index.html

https://www.theguardian.com/…/at-least-seven-dead-in…