ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ

ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - IMG 7211 - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ
ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - kitchen vibe - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ

ໃນກອງປະຊຸມສະຫລຸບວຽກງານ ຖວທ ທົ່ວປະເທດ ປີ 2022 ແລະ ວາງທິດທາງແຜນການປີ 2023 ທີ່ຈັດຂຶ້ນແບບເຊິ່ງໜ້າ ແລະ ແບບອອນລາຍ ໃນວັນທີ 24 ມັງກອນ 2023 ທີ່ຫໍວັດທະນະທຳແຫ່ງຊາດ, ຜູ້ຕາງໜ້າພະແນກ ຖວທ ແຂວງ, ສະມາຄົມຕ່າງໆ ໄດ້ປະກອບຄຳຄິດເຫັນຢ່າງກວ້າງຂວາງຕິດພັນກັບຄຳຖາມເຈາະຈີ້ມຈຳນວນໜຶ່ງ ໂດຍສະເພາະການປັບປຸງກົງຈັກການຈັດຕັ້ງ-ພະນັກງານ ແລະ ການກວດກາ; ຂັ້ນຕອນການສ້າງກົດໝາຍ ແລະ ບັນດານິຕິກໍາລຸ່ມກົດໝາຍໃນຂົງເຂດວຽກງານ ຖວທ; ການບໍລິຫານຫ້ອງການ, ການພົວພັນຕ່າງປະເທດ ແລະ ການລົງທຶນຜ່ານລະບົບກົນໄກປະຕູດຽວ; ການຕອບໂຕ້ຮັບມື ແລະ ຕິດຕາມ, ຄຸ້ມຄອງສື່ແບບໃໝ່ ທີ່ມີອິດທິພົນຕໍ່ຊີວິດການເປັນຢູ່ຂອງຄົນເຮົາຢ່າງຫລວງຫລາຍໃນປັດຈຸບັນ ລວມເຖິງການພັດທະນາໂຄງລ່າງພື້ນຖານສື່ມວນຊົນ ເພື່ອຫັນເປັນທັນສະໄໝຢ່າງມີຈຸດສຸມ; ການປົກປັກຮັກສາ ແລະ ຊຸກຍູ້ສົ່ງເສີມວັດທະນະທໍາ; ການກຽມຄວາມພ້ອມດ້ານການທ່ອງທ່ຽວເພື່ອຕ້ອນຮັບນັກທ່ອງທ່ຽວພາຍຫລັງເປີດປະເທດເປັນຕົ້ນການຍົກລະດັບຄຸນນະພາບຜະລິດຕະພັນການທ່ອງທ່ຽວ, ການບໍລິການໄປຕາມທິດສີຂຽວ ແລະ ຍືນຍົງ ສາມາດເຊື່ອມໂຍງກັບພາກພື້ນ ແລະ ສາກົນ, ບັນຫາການຄຸ້ມຄອງປ້າຍໂຄສະນາຕ່າງໆ ເປັນຕົ້ນເນື້ອໃນປ້າຍໂຄສະນາຍັງຂຽນພາສາລາວບໍ່ຖືກຕ້ອງ.

ທ່ານ ຄຳພວງ ອິນທະວົງສີ ຮອງສະມາຄົມສິລະປິນລາວ ເຫັນວ່າ: ການປົກປັກຮັກສາ ແລະ ຊຸກຍູ້ສົ່ງ ເສີມວັດທະນະທຳຍັງມີບາງດ້ານທີ່ຕ້ອງເອົາໃຈໃສ່ແກ້ໄຂໂດຍໃຫ້ປັບປຸງກົດໝາຍສິລະປະການສະແດງ, ການຄຸ້ມຄອງກວດກາສິລະປະການສະແດງ ໂດຍສະເພາະສິດ ແລະ ໜ້າທີ່ແບ່ງຂັ້ນຄຸ້ມຄອງ. ພ້ອມນີ້ໃຫ້ກະຊວງ ຖວທ ຊຸກຍູ້, ສະໜັບສະໜູນ, ຊີ້ນຳ ແລະ ລົງເລິກບັນຫາບຸກຄະລາກອນກວດແກ້ບົດປະພັນ, ເພງ ທີ່ຍັງບໍ່ມີຕື່ມອີກ.

ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - Visit Laos Visit SALANA BOUTIQUE HOTEL - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ

ຂະນະທີ່ທ່ານນາງ ໝັ້ນ ເພັງຄະຕິຍະ ຫົວໜ້າພະແນກ ຖວທ ແຂວງຫົວພັນ ເຫັນວ່າ: ສຳລັບການກວດການັ້ນສະເໜີໃຫ້ຈັດຕັ້ງປະຕິບັດເປັນຂະແໜງເອກະລາດຄືເກົ່າເພາະສ່ອດຄ່ອງທີ່ສຸດ. ການສ້າງກົດໝາຍ ແລະ ບັນດານິຕິກຳລຸ່ມກົດໝາຍຂົງເຂດ ຖວທ ຕ້ອງໃຫ້ຮັດກຸມ, ລະອຽດ, ເລິກເຊິ່ງ ແລະ ມີງົບປະມານລົງເຜີຍແຜ່ເຊື່ອມຊຶມໃຫ້ທຸກຄົນໃນສັງຄົມເຂົ້າໃຈ ໂດຍສະເພາະສື່ແບບໃໝ່ ໄດ້ມີອິດທິພົນ ແລະ ມີປະໂຫຍດສູງສຸດຕໍ່ຊີວິດການເປັນຢູ່ຂອງສັງຄົມປັດຈຸບັນ ຊຶ່ງການໂຄສະນາເຜີຍແຜ່ໃຫ້ທຸກຂະ ແໜງການ ແລະ ປະຊາຊົນບັນດາເຜົ່າຮັບຮູ້ເຂົ້າໃຈເພື່ອຮັບປະກັນການເປັນກະບອກສຽງຂອງພັກ-ລັດ ແລະ ສັງຄົມ, ຮັບປະກັນລັກສະນະຂອງສື່ມວນຊົນ ແລະ ຮັບປະກັນໃຫ້ພົນລະເມືອງລາວປະຕິບັດສິດເສລີພາບ ແລະ ພັນທະຂອງຕົນດ້ານສື່ມວນຊົນ ໄດ້ຮັບການປົກປ້ອງຕາມກົດໝາຍ; ການທ່ອງທ່ຽວທີ່ປັດຈຸບັນຍັງພົບຄວາມຫຍຸ້ງຍາກ ໂດຍສະເພາະເສັ້ນທາງຄົມມະນາຄົມທັງທາງບົກ ແລະ ທາງອາກາດ, ການເຂົ້າຫາແຫລ່ງທຶນຂອງຫົວໜ່ວຍທຸລະກິດ, ຂອດການບໍລິການອຶ່ນໆເຫັນວ່າ ເປັນອຸປະສັກໃຫ້ແກ່ການທ່ອງ ທ່ຽວ ຊຶ່ງຈຳເປັນຕ້ອງປັບປຸງ ແລະ ໃຫ້ປຸກລະດົມພາກທຸລະກິດສ້າງຕັ້ງສະມາຄົມການທ່ອງທ່ຽວ ເພື່ອຮັບ ປະກັນຄວາມປອດໄພ ແລະ ຄວາມສະດວກໃຫ້ແກ່ນັກທ່ອງທ່ຽວ. ຂະນະດຽວກັນກໍຕ້ອງມີນິຕິກຳການປະຕິບັດນະໂຍບາຍເງິນນອກໂມງພະນັກງານເຕັກນິກວິທະຍຸ-ໂທລະພາບ ແລະ ສູນວັດທະນະທຳເດັກອີກ.

ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - 4 - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ
ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - 5 - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ
ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ - 3 - ມີຫລາຍດ້ານທີ່ຂະແໜງການ ຖວທ ຈະສຸມໃສ່ແກ້ໄຂໃນຕໍ່ໜ້າ