ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ

ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ - IMG 1241 - ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ
ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ - kitchen vibe - ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ
ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມຄະນະໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມຄະນະພັກ-ອົງການປົກຄອງ ເມືອງໄຊບູລີ ແຂວງສະຫວັນນະເຂດ ເມື່ອບໍ່ດົນມານີ້, ໂດຍມີ ທ່ານ ແສນສັກ ສຸລິສັກ ຮອງເຈົ້າແຂວງສະຫວັນນະເຂດ, ມີການນຳຂອງເມືອງໄຊບູລີ, ພະນັກງານຫລັກແຫລ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ, ທ່ານ ອ່ອນລໍາພັນ ບົວສີແກ້ວ ເຈົ້າເມືອງໄຊບູລີ ລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ ໃຫ້ຮູ້ວ່າ: ໃນໄລຍະຜ່ານມາ, ການນໍາຂັ້ນແຂວງ ກໍຄືຂັ້ນເມືອງ ໄດ້ເອົາໃຈໃສ່ຊຸກຍູ້ໃຫ້ປະຊາຊົນຜະລິດກະສິກໍາເປັນສິນຄ້າເປັນຕົ້ນແມ່ນການປູກເຂົ້າ, ມັນຕົ້ນ ແລະອື່ນໆ, ເມືອງໄຊບູລີເປັນເມືອງຕົວແບບໃນການປູກເຂົ້າຂອງແຂວງ ເພື່ອໃຫ້ສາມາດຜະລິດເຂົ້າສະໜອງຕາມຄວາມຕ້ອງການຂອງທ້ອງຕະຫລາດ ແລະ ເປັນການພັດທະນາຊີວິດການເປັນຢູ່ຂອງປະຊາຊົນທ້ອງຖິ່ນໃຫ້ດີຂຶ້ນຢ່າງເປັນກ້າວໆ, ການຈັດເກັບລາຍຮັບເຂົ້າງົບປະມານຂັ້ນເມືອງປະຕິບັດໄດ້ 3,98 ຕື້ກວ່າກີບ, ເທົ່າກັບ104,75%, ສ້າງຕັ້ງກຸ່ມການຜະລິດໄດ້ 67 ກຸ່ມ.
ໂອກາດນີ້, ທ່ານ ໄຊສົມພອນ ພົມວິຫານ ໄດ້ໂອ້ລົມ ແລະໃຫ້ທິດຊີ້ນໍາຄະນະພັກ-ຄະນະນຳຂອງເມືອງໄຊບູລີໂດຍໄດ້ເນັ້ນໃຫ້ການນໍາທຸກຂັ້ນເອົາໃຈໃສ່ສ້າງ ຊຸກຍູ້ສົ່ງເສີມວິສາຫະກິດຂະໜາດນ້ອຍ ແລະ ກາງ ດ້ວຍການກໍານົດນະໂຍບາຍ ແລະກົນໄກທີ່ຈໍາເປັນໃນການເຂົ້າເຖິງແຫລ່ງທຶນ ແລະ ນະໂຍບາຍອື່ນໆ, ສຸມໃສ່ການຜະລິດກະສິກໍາທີ່ເມືອງມີທ່າແຮງ ໂດຍສະເພາະການປູກເຂົ້າເພື່ອສ້າງຖານການຜະລິດ, ການສ້າງວຽກເຮັດງານທໍາ ແລະ ສ້າງລາຍໄດ້ແກ່ປະຊາຊົນທີ່ຍືນຍົງ, ຫັນການຜະລິດກະສິກໍາໄປສູ່ຮູບແບບສະຫະກອນແບບໃໝ່ ທີ່ນໍາໃຊ້ເຕັກໂນໂລຊີທີ່ທັນສະໄໝ, ສູ້ຊົນສ້າງຂະແໜງການຜະລິດອຸດສາຫະກໍາເບົາທີ່ເມືອງມີທ່າແຮງ ເປັນຕົ້ນການປຸງແຕ່ງອາຫານ, ເຄື່ອງດື່ມ, ອຸດສາຫະກໍາປຸງແຕ່ງຜະລິດຕະພັນກະສິກໍາ ແລະ ອື່ນໆ.
ພ້ອມນີ້, ທ່ານປະທານສະພາແຫ່ງຊາດ ພ້ອມຄະນະ ໄດ້ມອບອຸປະກອນການແພດຈໍານວນໜຶ່ງ ໃຫ້ແກ່ຫ້ອງການສາທາລະນະສຸກເມືອງເພື່ອນໍາໃຊ້ເຂົ້າໃນວຽກງານວິຊາສະເພາະຂອງຕົນ, ຈາກນັ້ນ, ໄດ້ລົງຕິດຕາມເບິ່ງການກໍ່ສ້າງຄອງເໝືອງຊົນລະປະທານຢູ່ບ້ານດົງຍາງ, ການກໍ່ສ້າງຄູຕ້ານຖ້ວມບ້ານກ້າງປາ ຫາບ້ານຫາດຊາຍສູງ, ຕິດຕາມໂຄງການຈັກສູບນໍ້າຊົນລະປະທານບ້ານຕົ້ນແຫນ ແລະຕິດຕາມເບິ່ງກຸ່ມການລ້ຽງໄກ່ແບບເປັນຟາມຢູ່ບ້ານມະນີລາດຕື່ມອີກ.
ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ - 4 - ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ
ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ - 3 - ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ
ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ - 5 - ປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ເມືອງໄຊບູລີ ແຂວງສະຫວັນນະເຂດ