ທະນາຄານແຫ່ງປະເທດໄທ ປັບຂຶ້ນອັດຕາດອກເບ້ຍພື້ນຖານຕື່ມ 0,25% ຈາກ 1,25 ເປັນ 1,50% ຕໍ່ປີ

ທ່ານ ປິຕິ ດິດສະຍະທັດ ຮອງຜູ້ວ່າການ ສາຍນະໂຍບາຍງານເງິນ ທະນາຄານແຫ່ງປະເທດໄທ ຖະແຫລງ ວັນທີ 25 ມັງກອນ 2023 ນີ້ວ່າ: ຄະນະກຳມະການນະໂຍບາຍການເງິນ ມີມະຕິເອກະສັນປັບຂຶ້ນອັດຕາດອກເບ້ຍພື້ນຖານ 0,25%/ປີ ຈາກ 1,25% ເປັນ 1,50%/ປີ ໂດຍມີຜົນທັນທີ ນັບແຕ່ມື້ນີ້ເປັນຕົ້ນໄປ.
ສາເຫດການປັບຂຶ້ນອັດຕາດອກເບ້ຍຄັ້ງນີ້ແມ່ນຍ້ອນເສດຖະກິດໄທມີທ່າອ່ຽງຟື້ນຕົວຕໍ່ເນື່ອງ ໂດຍການຟື້ນຕົວຂອງຂະແໜງການທ່ອງທ່ຽວ ແລະ ການບໍລິໂພກເອກະຊົນ ອັນເນື່ອງຈາກການກັບມາຂອງນັກທ່ອງທ່ຽວຊາວຈີນ, ການຫລຸດຜ່ອນການສົ່ງອອກ ປີ 2022 ແລະ ຈະຂະຫຍາຍເພີ່ມໃນປີ 2023 ສ່ວນອັດຕາເງິນເຟີ້ທົ່ວໄປມີທ່າອ່ຽງຫລຸດລົງ ແຕ່ອັດຕາເງິນເຟີ້ພື້ນຖານຈະສູງຂຶ້ນ ທັງນີ້ ເພື່ອເຮັດໃຫ້ສອດຄ່ອງກັບທ່າອ່ຽງເສດຖະກິດ ແລະ ເງິນເຟີ້ ຈຶ່ງມີຄວາມຈຳເປັນປັບຂຶ້ນດອກເບ້ຍນະໂຍບາຍໃນຄັ້ງນີ້.
ສຳລັບການປັບອັດຕາດອກເບ້ຍຂອງທະນຄານແຫ່ງປະເທດໄທໃນຄັ້ງນີ້ ຈະມີຜົນກະທົບຕໍ່ອັດຕາແລກປ່ຽນໃນລາວເຮົາຄືແນວໃດນັ້ນຕ້ອງຕິດຕາມກັນຕໍ່ໄປ
ປັດຈຸບັນ ອັດຕາແລກປ່ຽນລະຫວ່າງເງິນກີບ ບາດ ມີທ່າອ່ຽງສູງຂຶ້ນ
ອັດຕາຊື້້ ຢູ່ທີ່ 505,16 ກີບ/1ບາດ
ອັດຕາຂາຍ 510,21 ກີບ/1ບາດ