ຮາແວດ ອາດລາ ເຊວຊີ ຫາກບໍ່ໄດ້ໄປ UCL ໃນລະດູການໜ້າ, ບາເຍີນ ລໍຖ້າຮັບ

ສະກາຍ ສະປອດ ເຢຍລະມັນ ສື່ກິລາຊື່ດັງ ລາຍງານວ່າ ໄຄ ຮາແວດ ກອງໜ້າຕົວເກັ່ງຂອງ ເຊວຊີ ອາດຈະອອກຈາກທີມໃນລະດູການໜ້າ ຖ້າຫາກສະໂມສອນບໍ່ໄດ້ໄປຫລິ້ນໃນ ຢູຟາ ແຊ້ມປຽນລີກ.

ສິງໂຕນ້ຳເງິນຄຣາມ ສ້າງຜົນງານບໍ່ໄດ້ດີໃນລະດູການນີ້. ໂດຍຕົກລົງໄປຢູ່ອັນດັບ 10 ຂອງຕາຕະລາງຄະແນນພາຍຫລັງຜ່ານໄປ 20 ນັດ, ສຸ່ມສ່ຽງທີ່ຫລຸດອັນດັບ 4.

ໂດຍ Florian Plettenberg ນັກຂ່າວ Sky Germany ກ່າວວ່າ ຮາແວດ ມີແນວໂນ້ມສູງທີ່ຈະອອກຈາກ ເຊວຊີ ຖ້າຫາກບໍ່ໄດ້ໄປເຕະໃນ ແຊ້ມປ້ຽນລີກໃນລະດູການໜ້າ, ໂດຍມີ ບາເຍີນ ມິວນິກ ຕິດຕາມສະຖານະການຢ່າງໃກ້ຊິດ.