ກຳປູເຈຍຈັບກຸມຜູ້ນຳ ຝ່າຍຄ້ານໃນຂໍ້ຫາກະບົດ

- advert banner 728 90 728x90 - ກຳປູເຈຍຈັບກຸມຜູ້ນຳ ຝ່າຍຄ້ານໃນຂໍ້ຫາກະບົດ

ລັດຖະບານ​ກຳປູ​ເຈຍ​ຖະ​ແຫລ​ງວ່າ: ທ່ານ ​ແກມ ​ໂສພາ ຜູ້ນຳ​ຝ່າຍ​ຄ້ານ​ກຳປູ​​ເຈຍ ຖືກ​ຈັບ​ກຸມ​ຕົວ​ແລ້ວ​ໃນ​ເຊົ້າວັນ​ທີ 3 ກັນຍາ​ນີ້ ຕາມ​ຂໍ້​ຫາ​ເປັນ​ກະບົດ. ຖື​ເປັນ​ການ​ດຳ​ເນີນ​ຄະດີ​ທາງກົດໝາຍ​ຫລ້າ​ສຸດ​ຂອງ​ລັດຖະບານ​ທີ່​ມີ​ຕໍ່​ຜູ້​ວິຈານ​ຕໍ່ຕ້ານ ​ແລະ ກຸ່ມ​ຝ່າຍ​ຄ້ານ​ທາງ​ການ​ເມືອງ​ຂອງ​ນາຍົກລັດຖະມົນຕີ ຮຸນ​​ເຊ​ນ.

- new3 - ກຳປູເຈຍຈັບກຸມຜູ້ນຳ ຝ່າຍຄ້ານໃນຂໍ້ຫາກະບົດ

ການ​ຈັບ​ກຸມ​ຜູ້ນຳ​ຝ່າຍ​ຄ້ານ​ມີ​ຂຶ້ນຢ່າງ​ກະທັນຫັນ ພາຍຫລັງ​ລັດຖະບານ​ທ່ານ ຮຸນ​ເຊ​ນ ຈັບ​ກຸມ​ຝ່າຍ​ຄ້ານ​ທາງ​ການ​ເມືອງ, ກຸ່ມອົງການ​ນອກ​ພາກ​ລັດ, ສື່ ​ແລະ ນັກ​ວິຈານ​ ​ເພື່ອ​ດຳ​ເນີນ​ຄະດີ​ທາງ​ກົດໝາຍ​ໄປ​ກ່ອນ​ໜ້າ​ນີ້ ​ໃນ​ໄລຍະ​ໃກ້​ເຂົ້າສູ່​ການ​ເລືອກ​ຕັ້ງທົ່ວ​ໄປ​ຂອງ​ກຳປູ​ເຈຍ​ໃນ​ປີໜ້າ. ຖະ​ແຫລ​ງການ​ລັດຖະບານ​ກຳປູ​ເຈຍ​ກ່າວ​ຫາ​ວ່າ​ກຸ່ມ​ຂອງ​ທ່ານ ​ແກມ ​ໂສພາ ຜູ້ນຳ​ຝ່າຍ​ຄ້ານ ວາງ​ແຜນສົມຮູ້​ຮ່ວມ​ຄິດ​ຢ່າງ​ລັບໆ​ກັບ​ຕ່າງປະ​ເທດ ​ເພື່ອ​ທຳລາຍ​ປະ​ເທດ​ກຳປູ​ເຈຍ ​ແລະ ກ່າວ​ວ່າ: ​ໄດ້​ຈັບ​ກຸມ​ທ່ານ​ໃນ​​ເຊົ້າວັນ​ທີ 3 ກັນຍາ​ແລ້ວ ​ໂດຍ​ລະບຸ​ວ່າການ​ກະທຳ​ດັ່ງກ່າວ​ຖື​ເປັນ​ຂໍ້​ຫາ​ກະບົດ​ຕໍ່​ປະ​ເທດ, ​ແຕ່​ບໍ່​ໄດ້​ເປີດ​ເຜີຍ​ລາຍ​ລະອຽດ​ຕາມ​ຂໍ້​ກ່າວ​ຫາ.

- lattana 1 - ກຳປູເຈຍຈັບກຸມຜູ້ນຳ ຝ່າຍຄ້ານໃນຂໍ້ຫາກະບົດ
error: Content is protected !!