ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ

ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - 20230129 1674984280 731 - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ
ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - kitchen vibe - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ

ທ່ານ ຣິຊິ ຊູນັກ ນາຍົກລັດຖະມົນຕີອັງກິດ ສັ່ງປົດທ່ານ ນັດຮິມ ຊາຮາວີ ຫົວໜ້າພັກຄອນເຊີເວທີບ ແລະ ລັດຖະມົນຕີລອຍ (Minister Without Portfolio) ເຊິ່ງບໍ່ໄດ້ສັງກັດກະຊວງໃດກະຊວງໜຶ່ງ ແຕ່ມີສິດລົງຄະແນນສຽງໃນມະຕິຂອງຄະນະລັດຖະບານໃຫ້ພົ້ນຈາກຕໍາແໜ່ງໃນລັດຖະບານຊຸດປັດຈຸບັນແລ້ວ ໃນວັນທີ 29 ມັງກອນ ຕາມເວລາທ້ອງຖິ່ນ ຫລັງຈາກຜົນການສືບສວນຊີ້ວ່າ: ທ່ານ ຊາຮາວີ ລະເມີດຈັນຍາບັນຂອງການເປັນລັດຖະມົນຕີ ໂດຍທ່ານບໍ່ເປີດເຜີຍວ່າຕົນເອງເຄີຍຖືກກວດສອບກ່ຽວກັບຄະດີການຈ່າຍພາສີ.

ທ່ານ ເຊີ ລໍຣີ ແມັກນັດ ທີ່ປຶກສາອິດສະຫລະທີ່ໄດ້ຮັບມອບໝາຍໃຫ້ສືບສວນກໍລະນີດັ່ງກ່າວຢືນຢັນວ່າ: ທ່ານ ຊາຮາວີ ລະເມີດຈັນຍາບັນຂອງການເປັນລັດຖະມົນຕີຢ່າງຮ້າຍແຮງແທ້ ໂດຍທ່ານ ຊາຮາວີ ບໍ່ໄດ້ເປີດເຜີຍລາຍລະອຽດຂອງລາຍຮັບ ແລະ ຂໍ້ມູນການຈ່າຍພາສີນັບແຕ່ໄລຍະທີ່ທ່ານໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງລັດຖະມົນຕີກະຊວງການເງິນໃນສະໄໝຂອງອະດີດນາຍົກລັດຖະມົນຕີ ບໍຣິສ ຈອນສັນ ແລະ ລົ້ມເຫລວໃນການເປີດເຜີຍຂໍ້ມູນນີ້ ຂະນະທີ່ດໍາລົງຕໍາແໜ່ງສໍາຄັນໃນລັດຖະບານຊຸດປັດຈຸບັນ ເຖິງວ່າກົມພາສີອາກອນແຫ່ງອັງກິດ (HMRC) ໄດ້ເຂົ້າມາກວດສອບປະຫວັດການຈ່າຍພາສີຂອງທ່ານດົນກວ່າ 1 ປີແລ້ວກໍຕາມ.

ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - Visit Laos Visit SALANA BOUTIQUE HOTEL - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ

ທ່ານ ແມັກນັດ ຍັງຂຽນລາຍງານສະຫລຸບຜົນການສືບສວນໃຫ້ທ່ານ ຊູນັກ ຮັບຮູ້ ໂດຍລະບຸວ່າ: ການທີ່ທ່ານ ຊາຮາວີ ຕັດສິນໃຈປິດບັງເລື່ອງນີ້ໄວ້ ເປັນສິ່ງທີ່ບໍ່ຜ່ານເກນມາດຕະຖານຈະລິຍະທໍາຂັ້ນສູງໃນຖານະລັດຖະມົນຕີ ເຊິ່ງໃນຖານະທີ່ທ່ານເປັນນາຍົກລັດຖະມົນຕີອັງກິດ ນັ້ນຄືສິ່ງທີ່ທ່ານຄາດຫວັງຈາກບັນດາສະມາຊິກທີ່ຢູ່ໃນລັດຖະບານຂອງທ່ານ.

ທ່ານ ຊາຮາວີ ຍອມຮັບວ່າ: ສິ່ງທີ່ເກີດຂຶ້ນເກີດຈາກຄວາມບົກຜ່ອງທີ່ທ່ານບໍ່ໄດ້ເປີດເຜີຍຂໍ້ມູນລາຍຮັບຕໍ່ເຈົ້າໜ້າທີ່ລັດຢ່າງຖືກຕ້ອງເໝາະສົມ. ພ້ອມທັງຢືນຢັນວ່າ: ຕົນເອງບໍ່ໄດ້ມີເຈດຕະນາຈະຫລົບຫລີກການຈ່າຍພາສີ ຫລື ຈ່າຍພາສີໜ້ອຍກວ່າທີ່ຄວນຈະເປັນ ແລະ ຊີ້ແຈງວ່າທ່ານໄດ້ຊຳລະໂທດປັບໄໝໃຫ້ HMRC ແລ້ວ.

ສ່ວນພັກຝ່າຍຄ້ານຕ່າງໂຈມຕີທ່ານ ຊູນັກ ວ່າ: ທ່ານເປັນຜູ້ນໍາປະເທດທີ່ອ່ອນແອ, ໄຮ້ຄວາມເດັດຂາດ, ເລືອກທີ່ຈະຊື້ເວລາກວດສອບບັນຫານີ້ແທນທີ່ຈະຕັດສິນໃຈປົດທ່ານ ຊາຮາວີ ໃຫ້ພົ້ນຈາກຕໍາແໜ່ງທັນທີທີ່ມີລາຍລະອຽດຂອງຄະດີພາສີນີ້ເຜີຍແພ່ອອກມາ ແລະ ເບິ່ງຄືວ່າຄວາມວຸ້ນວາຍໃນລັດຖະບານອັງກິດພາຍໃຕ້ການນໍາຂອງທ່ານ ຊູນັກ ຍັງບໍ່ຈົບລົງ ຫລັງທ່ານ ໂດມິນິກ ຣາອັບ ຮອງນາຍົກລັດຖະມົນຕີຄົນປັດຈຸບັນ ກໍາລັງຖືກກວດສອບກ່ຽວກັບພຶດຕິກໍາທີ່ບໍ່ເໝາະສົມ, ເອົາປຽບເຈົ້າໜ້າທີ່ລັດທີ່ຢູ່ໃນຕໍາແໜ່ງຕໍ່າກວ່າ ເຊິ່ງອາດນໍາໄປສູ່ການປ່ຽນສະມາຊິກໃນລັດຖະບານຊຸດນີ້ອີກເທື່ອໜຶ່ງ.

ອ້າງອີງ:

https://www.bbc.com/news/uk-64444265

https://www.aljazeera.com/…/uk-sunak-fires-conservative…

https://www.bbc.com/news/uk-politics-64434202

ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - 4 - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ
ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - 5 - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ
ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ - 3 - ນາຍົກລັດຖະມົນຕີອັງກິດສັ່ງປົດຫົວໜ້າພັກຄອນເຊີເວທີບພົ້ນລັດຖະບານ ຫລັງພົວພົນຄະດີພາສີ