ແຟນບານ ລີເວີພູລ ບໍ່ທົນຈີ້ສະໂມສອນປົດ ຄລອບ ພົ້ນທີມ ຫລັງຕົກຮອບເອຟເອຄັບ

ແຟນບານ ລີເວີພູລ ຮຽກຮ້ອງໃຫ້ສະໂມສອນປົດ ເຈີເກັນ ຄລອບ ພົ້ນຜູ້ຈັດການທີມ ຫລັງພາທີມຕົກຮອບ 4 ເອຟເອ ຄັບ.

ຄວັນຫລົງ ຈາກການແຂ່ງຂັນບານເຕະ ເອຟເອ ຄັບ ຮອບ 4 ເມື່ອຄືນວັນອາທິດທີ່ຜ່ານມາ ເຊິ່ງ  ລີເວີພູລ ບຸກມາເສຍໃຫ້ ໄບຣຕັນ ໄປ 1-2 ຕົກຮອບໄປ ເປັນທີ່ຮຽບຮ້ອຍແລ້ວ.

ຫລັງຈົບເກມ ມີແຟນບານ ລີເວີພູລ ບາງສ່ວນທົນບໍ່ໄຫວ ອອກມາຮຽກຮ້ອງສະໂມສອນໃຫ້ປົດ ເຈີເກັນ ຄລອບ ອອກຈາກຕຳແໜ່ງຜູ້ຈັດການທີມ ຫລັງຈາກທີ່ລະດູການນີ້ເຫລືອຫວັງແຊ໊ມພຽງ 2 ລາຍການ ນັ້ນຄື ຢູຟາ ແຊ໊ມປຽນ ລີກ ກັບ ພຣີເມຍລີກ ໂດຍສອງຂັນນີ້ ກໍເກືອບຈະເປັນໄປບໍ່ໄດ້ແລ້ວ.

“  ສະໂມສອນ ອ່ອນໄຫວໄປກັບຄວາມສຳເລັດເ່ກົ່າໆ ທີ່ ຄລອບ ເຮັດໄວ້ ຖ້າເປັນສະໂມສອນອື່ນ ຄລອບ ຖືກປົດໄປແລ້ວ ”.

“ ຄລອບ ຕ້ອງຖືກໄລ່ອອກທັນທີ ຂ້ອຍຊາບຊຶ້ງໃນສິ່ງທີ່ລາວເຮັດເພື່ອສະໂມສອນແຫ່ງນີ້ ແຕ່ເຖິງເວລາແລ້ວທີ່ຈະຕ້ອງມີການປ່ຽນແປງ ”.

“ ພວກເຮົາຈະທົນເບິ່ງທີມຫລິ້ນແບບນີຕໍ່ໄປບໍ່ ? ຮີບປົດ ຄລອບ ກ່ອນທີ່ຈະຕົກຕຳ່ໄປຫລາຍກວ່ານີ້ ”.

ນອກຈາກນີ້ ຄຳວ່າ “ ໄລ່ອອກ” ແລະ “ ຄລອບ ” ຍັງພຸ່ງຂຶ້ນຕິດເທຣນທະວິດເຕີ ໃນອັງກິດນຳອີກ.