ນາຍົກລັດຖະມົນຕີລາວ-ກໍາປູເຈຍຮ່ວມຖະແຫລງຂ່າວກ່ຽວກັບບັນຫາຊາຍແດນສອງຝ່າຍ

- advert banner 728 90 728x90 - ນາຍົກລັດຖະມົນຕີລາວ-ກໍາປູເຈຍຮ່ວມຖະແຫລງຂ່າວກ່ຽວກັບບັນຫາຊາຍແດນສອງຝ່າຍ

ຍິນດີຕ້ອນຮັບການມາຢ້ຽມຢາມກໍາປູເຈຍຂອງພະນະທ່ານນາຍົກ ທອງລຸນ ສີສຸລິດ ຄັ້ງນີ້ ແລະ ຖືວ່າເປັນກາລະໂອກາດສໍາຄັນທີ່ສອງປະເທດຈະກັບໄປສູ່ການຢຸດຕິໃນການແກ້ໄຂບັນຫາຊາຍແດນ, ຊຶ່ງໃນວັນທີ 12 ສິງຫາຜ່ານມາ, ນາຍົກທັງສອງໄດ້ພົບະກັນຢູ່ນະຄອນຫລວງວຽງຈັນ ແລະ ມື້ນີ້ວັນທີ 1 ກັນຍາ 2017 ພວກເຮົາໄດ້ພົບກັນຕື່ມອີກຢູ່ນະຄອນຫລວງພະນົມເປັນ ຢ່າງໃກ້ຊິດ ແລະ ອົບອຸ່ນ, ຊຶ່ງຖ້າບໍ່ມີການພົວພັນສ່ວນຕົວລະຫວ່າງພະນະທ່ານ ທອງລຸນ ກັບ ຂ້າພະເຈົ້າ ແລະ ລະຫວ່າງສອງຄອບຄົວຂອງພວກເຮົານັ້ນແລ້ວ. ເລື່ອງນີ້ຄືຈະແກ້ໄຂໄດ້ຍາກ. ຂ້າພະເຈົ້າກັບພະນະທ່ານ ທອງລຸນ ຮູ້ຈັກກັນຕັ້ງ 30 ກວ່າປີຜ່ານມາແລ້ວ. ດັ່ງນັ້ນເພື່ອເປັນການສ້າງເງື່ອນໄຂ, ມີຄວາມໄວ້ໃຈກັນ ແລະ ສາມາດລົມກັນໄດ້ໃນທຸກບັນຫາ.
ພາຍຫລັງທີ່ໄດ້ປຶກສາຫາລືນໍາກັນລະຫວ່າງນາຍົກທັງສອງຄັ້ງນີ້, ພວກເຮົາໄດ້ຕົກລົງກັນ 4 ບັນຫາສໍາຄັນທີ່ຈະແກ້ໄຂໃນຕໍ່ໜ້າ ຄື: (1) ອີກບໍ່ເທົ່າໃດມື້ລັດຖະມົນຕີຕ່າງປະເທດທັງສອງຈະປະຊຸມກັນຢູ່ນະຄອນຫລວງພະນົມເປັນນີ້, ເພື່ອຊອກຮູ້ການແກ້ໄຂ, ຊອກຄວາມອໍານວຍຄວາມສະດວກ ແລະ ຄວາມເຂົ້າອົກເຂົ້າໃຈກັນ. (2) ຝ່າຍເພື່ອນລາວ ກໍໄດ້ເຫັນດີຕາມການສະເໜີຂອງຝ່າຍກໍາປູເຈຍ ກວດກາຈຸດຄົງຄ້າງຕາມໜັງສືທີ່ຂ້າພະເຈົ້າແຈ້ງໃຫ້ພະນະທ່ານ ທອງລຸນ ສີສຸລິດ ໃນ 4 ຈຸດນັ້ນມີ: 033, 037/13, ອູສະວາຍ ແລະ ເວີນຄໍາ 032/1, ຊຶ່ງຈຸດນີ້, ພວກເຮົາໄດ້ຕົກລົງກັນຕ້ອງໄດ້ແກ້ໄຂກ່ອນບໍລິເວນຫ້ວຍຕະເງົ້າ, ເພາະວ່າບໍລິເວນຫ້ວຍຕະເງົ້າມີຄວາມຫຍຸ້ງຍາກຕ້ອງໄດ້ແກ້ໄຂຈຸດນີ້ກ່ອນ.
(3) ທັງສອງຝ່າຍຕົກລົງກັນໃຫ້ຄະນະກໍາມະການຊາຍແດນລົງໄປແກ້ໄຂກັນທີ່ຢູ່ພື້ນຕົວຈິງທີ່ຢູ່ບໍລິເວນຫ້ວຍຕະເງົ້າທີ່ເປັນບໍລິເວນຄົງຄ້າງ. ຕາມການຕົກລົງກັນດິນສ່ວນໃດເປັນຂອງກໍາປູເຈຍ, ສ່ວນໃດເປັນຂອງລາວ ຕ້ອງກໍານົດໃຫ້ຈະແຈ້ງ, ຊອກເຫັນຢູ່ຈຸດໃດ ໃຫ້ປັກຫລັກໝາຍໃສ່ຈຸດນັ້ນ, ອີງຕາມແຜນທີ່ນີ້ພວກເຮົາຍັງເຫລືອພຽງແຕ່ 20 ຫລັກໝາຍຢູ່ໃນບໍລິເວນຫ້ວຍຕະເງົ້ານີ້. ດັ່ງນັ້ນ, ໃຫ້ທັງສອງຝ່າຍລົງໄປພື້ນທີ່ຕົວຈິງ, ໄປນອນຢູ່ພຸ້ນເລີຍ, ຕົກລົງກັນຮອດຈຸດໃດ, ປັກຫລັກໝາຍໃສ່ຈຸດນັ້ນໂລດ ແລະ (4) ນາຍົກລັດຖະມົນຕີທັງສອງຄື: ພະນະ ທ່ານ ທອງລຸນ ແລະ ຂ້າພະເຈົ້າ ຈະເຮັດຈົດໝາຍເຖິງປະທານາທິບໍດີຝຣັ່ງ ເພື່ອຊ່ວຍມອບແຜນທີ່ມາດຕາ 1/100.000 ແລະ ມາດຕາ 1/50.000 ຂໍໃຫ້ຝຣັ່ງຊ່ວຍເອົາເອກະສານອື່ນໆອີກທີ່ກ່ຽວຂ້ອງກັບຊາຍແດນກໍາປູເຈຍ ແລະ ລາວ.

+ສອງນາຍົກລັດຖະມົນຕີລາວ ແລະ ກຳປູເຈຍ ເຫັນດີແກ້ໄຂບັນຫາຊາຍແດນຮ່ວມກັນດ້ວຍສັນຕິ

- 1 1 - ນາຍົກລັດຖະມົນຕີລາວ-ກໍາປູເຈຍຮ່ວມຖະແຫລງຂ່າວກ່ຽວກັບບັນຫາຊາຍແດນສອງຝ່າຍ
- Tiger Head 728x90 - ນາຍົກລັດຖະມົນຕີລາວ-ກໍາປູເຈຍຮ່ວມຖະແຫລງຂ່າວກ່ຽວກັບບັນຫາຊາຍແດນສອງຝ່າຍ

ທັງສອງປະເທດພວກເຮົາ ຫລື ອາດເວົ້າໄດ້ວ່າທັງສາມເຄີຍເປັນເມືອງຂື້ນຂອງຝຣັ່ງ, ກ່ອນຝຣັ່ງອອກໄປ, ຝຣັ່ງໄດ້ມອບມໍລະດົກນັ້ນມາໃຫ້ພວກເຮົາ, ດັ່ງນັ້ນ, ຝຣັ່ງຕ້ອງມີຄວາມຮັບຜິດຊອບຕໍ່ພວກເຮົາ, ຊ່ວຍພວກເຮົາໃນບັນຫານີ້. ແຕ່ວ່າການກໍານົດເສັ້ນຊາຍແດນບໍ່ສາມາດຈະເອົາແຜນທີ່ 1/100.000 ມາກໍານົດໄດ້, ຕ້ອງໃຊ້ແຜນທີ່ 1/50.000. ສະນັ້ນ, ວິທີທີ່ດີກວ່າໝູ່ແມ່ນຂໍນັກວິຊາການແຜນທີ່ຝຣັ່ງມາຊ່ວຍຈາກແຜນທີ່ 1/100.000 ຖ່າຍທອດເປັນ 1/50.000 ຊຶ່ງແຜນທີ່ສະບັບຕົ້ນຂອງຝຣັ່ງ ແລະ ສະເໜີຂໍແຜນທີ່ມີກ່ຽວຂ້ອງກັບຊາຍແດນ ກໍາປູເຈຍ-ລາວ ອື່ນໆອີກຈາກຝລັ່ງມາພິສູດຕົວຈິງແມ່ນຈະເປັນການດີທີ່ສຸດ.

error: Content is protected !!