ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ

- advert banner 728 90 728x90 - ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ

ໃນລະຫວ່າງວັນທີ 31 ສິງຫາ-1 ກັນຍາ 2017 ກະຊວງການເງິນ ໄດ້ຈັດກອງປະຊຸມຄົບຄະນະບໍລິຫານງານພັກຂອງຕົນ ຄັ້ງທີ 4, ສະໄໝທີ II ໂດຍການເປັນປະທານຂອງສະຫາຍ ສົມດີ ດວງດີ ເລຂາຄະນະບໍລິຫານງານພັກກະຊວງ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີບັນດາສະຫາຍເລຂາຄະນະພັກຮາກຖານ, ເລຂາພັກຮາກຖານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

- new3 - ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ

ໃນ​ການ​ດຳ​ເນີນ​ກອງ​ປະຊຸມ​ຄັ້ງນີ້​ແມ່ນ​ໄດ້​ສຸມ​ໃສ່ 2 ວຽກ​ງານໃຫຍ່​ຄື: ເພື່ອສະຫລຸບຕີລາຄາຄືນຄວາມຮັບຜິດຊອບລວມຂອງຄະນະພັກກະຊວງ ໃນບັ້ນດໍາເນີນຊີວິດການເມືອງປັບປຸງປົວແປງທົ່ວອົງຄະນະພັກກະຊວງການເງິນປີ 2017, ທັງເປັນການປັບປຸງດ້ານດີ, ແກ້ໄຂດ້ານອອ່ນ ແລະ ຂໍ້ຄົງຄ້າງຕ່າງໆ ທັງເປັນການຜັນຂະຫຍາຍແຜນຍຸດທະສາດການພັດທະນາຂະແໜງການເງິນຮອດປີ 2025 ແລະ ປະກອບຄຳຄິດຄຳເຫັນໃສ່ຮ່າງແຜນຍຸດທະສາດຄຸ້ມຄອງ ແລະ ພັດທະນາ (ພະນັກງານ-ລັດຖະກອນ) ຂະແໜງການເງິນຮອດປີ 2025 ເພື່ອ​ກຳນົດ​ມາດ​ຕະການ​ແກ້​ໄຂ​ໃນຕໍ່ໜ້າ​ໃຫ້​ສອດຄ່ອງ, ມີ​ປະສິດທິ​ຜົນ ​ແລະ ທັນ​ກຳນົດ​ເວລາ.

ໂອກາດນີ້, ສະຫາຍ ສົມດີ ດວງດີ ເລຂາຄະນະບໍລິຫານງານພັກກະຊວງ,   ໄດ້ຍົກໃຫ້ເຫັນຜົນສຳເລັດການຈັດຕັ້ງດຳເນີນຊີວິດການເມືອງ ປັບປຸງປົວແປງທົ່ວອົງຄະນະພັກກະຊວງການປີ2017, ດ້ານດີ, ດ້ານອ່ອນ, ບັນຫາພົ້ນເດັ່ນໃນການດຳເນີນຊີວິດການເມືອງຂອງຄະນະບໍລິຫານງານພັກ ແລະ ບັນດາຮາກຖານພັກ ແລະ ຜົນໄດ້ຮັບຂອງການດຳເນີນຊີວິດການເມືອງປັບປຸງປົວແປງພັກເຮັດໃຫ້ຄະນະບໍລິຫານງານພັກກະຊວງເຫັນໄດ້ບັນຫາທີ່ເກີດຂຶ້ນໃນການຊີ້ນໍານຳພາຂອງອົງຄະນະພັກຕໍ່ດ້ານດີ, ຜົນສຳເລັດ ແລະ ຈຸດບົກຜ່ອງໃນແຕ່ລະດ້ານທີ່ເກີດຂຶ້ນໃນຂະແໜງການເງິນ ພ້ອມດຽວກັນນີ້, ຍັງໄດ້ມີມາດຕະການ ແລະ ວິທີການແກ້ໄຂໃນຕໍ່ໜ້ຄະນະບໍລິຫານພັກກະຊວງການເງິນຕ້ອງສຸ່ມໃສ່ປະຕິບັດວຽກຢ່າງຮີບດ່ວນ ເພື່ອເພີມທະວີບົດບາດ ແລະ ຍົກສູງຄວາມສາມາດການນຳພາຂອງພັກ, ສ້າງພັກໃຫ້ປອດໃສເຂັ້ມແຂງ ແລະ ໜັກແໜ້ນທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ຕິດພັນກັບການເພີ່ມທະວີຕັດສິນໃຈແກ້ໄຂບາງຈຸດດັ່ງນີ້: ແກ້ໄຂປາກົດການຫຍໍ້ທໍ້ດ້ານແນວຄວາມຄິດໃນຖັນແຖວສະມາຊິກພັກ, ພະນັກງານ-ລັດຖະກອນ, ເພີ່ມທະວີຄວາມຮັບຜິດຊອບໜ້າທີ່ການເມືອງ,​  ຮີບຮ້ອນດຳເນີນການປັບປຸງການຈັດຕັ້ງ ແລະ ການເຄື່ອນໄຫວຂອງບັນກົມອ້ອມຂ້າງ, ເດັດຂາດແກ້ໄຂພະນັກງານຂັ້ນນຳພາ-ຄຸ້ມຄອງພະນັກງານ-ລັດຖະກອນຂະແໜງການເງິນ, ສ້າງ ແລະ ປັບປຸງບັນດານິຕິກຳລຸ່ມກົດໝາຍ, ສືບຕໍ່ ແລະ ຮີບຮ້ອນຄົ້ນຄວ້າແກ້ໄຂປາກົດການຫຍໍ້ທໍ້ໃນຂະແໜງການເງິນ, ເພີ່ມທະວີວຽກງານກວດກາພັກ-ລັດໃນຂະແໜງການເງິນໃຫ້ສູງຂຶ້ນ ແລະ ບັນຫາອື່ນໆ…ທັງນີ້, ກໍ່ເພື່ອເປັນພັດທະນາບຸກຄະລາກອນໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຮັດໃຫ້ບຸກຄະລາກອນຂະແໜງການເງິນມີຄວາມຮູ້ດ້ານລະບົບການຈັດຕັ້ງ ແລະ ເປັນແບບຢ່າງ ໃນການປະຕິບັດລະບຽບວິໄນ,ມີຄວາມເຂັ້ມແຂງທາງດ້ານວິຊາສະເພາະ-ເຕັກນິກວິຊາການ, ສ້າງບຸກຄະລາກອນ ໃຫ້ມີຄວາມອາດສາມາດທາງດ້ານພາສາຕ່າງປະເທດ ແລະ ເຕັກໂນໂລຊີຂໍ້ມູນຂ່າວສານ, ສ້າງລະບົບທີ່ເຮັດວຽກງານຈັດຕັ້ງ ແລະ ພະນັກງານຂອງບັນດາກົມ ແລະ ທຽບເທົ່າໃຫ້ເປັນລະບົບເອກະພາບ, ມີຄວາມເຂັ້ມແຂງ ແລະ ເປັນເສນາທິການທີ່ດີ, ທັງສ້າງບຸກຄະລາກອນໃຫ້ມີຄວາມຮູ້ທາງດ້ານການພົວພັນຮ່ວມມືກັບຕ່າງປະເທດ, ພາກພື້ນ ແລະ ສາກົນ.

- lattana 1 - ກອງປະຊຸມຄົບຄະນະບໍລິຫານງານພັກກະຊວງການເງິນ ເລັ່ງແກ້ໄຂບັນຫາຄົງຄ້າງຕ່າງໆ
error: Content is protected !!