ເປີດຕົວ Logitech Craft ຄີບອດໄຮ້ສາຍ ມາພ້ອມປຸ່ມໝຸນໃນຕົວ

Logitech Craft ຄີບອດໄຮ້ສາຍ ທີ່ມາພ້ອມປຸ່ມໝຸນປັບຄ່າແທນເມົາ ໃຫ້ເຮົາໃຊ້ຮ່ວມກັບງານອອກແບບໄດ້ງ່າຍຂຶ້ນ.

ໃຜທີ່ເປັນນັກອອກແບບ ອາດຈະເຄີຍພົບບັນຫາໃຊ້ເມົາບໍ່ລຶ້ງ ຄືເວລາປັບຄ່າສີ, ຄ່າແສງ ຫຼື ເລື່ອນຕໍາແໜ່ງຕ່າງໆ ເວລາໃຊ້ເມົາຕ້ອງຄ່ອຍໆເລື່ອນ ຖ້າບໍ່ດັ່ງນັ້ນຫຼຸດ ເພື່ອໃຫ້ຊີວິດງ່າຍຂຶ້ນ ຈຶ່ງເປັນທີ່ມາຂອງ Logitech Craft ຄີບອດໄຮ້ສາຍ ຈາກ  Logitech ມາພ້ອມປຸ່ມ Dial (ຄ້າຍຄື Surface Dial) ຫຼື ຕົວໝຸນຕິດຄີບອດ ເອົາໄວ້ຊ່ວຍໝຸນປັບຄ່າແທນເມົາ ໃຫ້ເຮົາໃຊ້ໂປຣແກຣມດ້ານອອກແບບໄດ້ງ່າຍຂຶ້ນ.

            ຕົວຄີບອດ Logitech Craft ເປັນແບບ Full-Size ໜ້າຕາອອກແບບລຽບໆ ແຕ່ແຝງຄວາມພຣີມ້ຽນເລັກນ້ອຍ ດ້ວຍແຄບ Bar ໂລຫະດ້ານເທິງນັ້ນເອງ ​ເຊິ່ງມີປຸ່ມໝຸນຢູ່ມຸມຊ້າຍສຸດ ທີ່ຮອງຮັບການໃຊ້ເທິງໂປຣແກຣມຕະກຸນ Adobe ທັງຫຼາຍ ດ້ວຍນໍ້າໜັກໂດຍລວມຢູ່ທີ່ 960 ກຣາມ ໃຊ້ການເຊື່ອມຕໍ່ໄຮ້ສາຍຜ່ານ Bluetooth LL ຫຼື Bluetooth Low Energy 4.0 ພະລັງງານຕໍ່າ ເຮັດໃຫ້ໃຊ້ງານໄດ້ດົນ ​ເຊິ່ງຮອງຮັບການເຊື່ອມຕໍ່ທັງ Windows 7 ແລະ MacOS 10.11 ຂຶ້ນໄປ ແລະ ສາກຜ່ານ USB-C ໄດ້ຢ່າງວ່ອງໄວ.

https://www.youtube.com/watch?v=qY-FmTQQhEk