40 ປະເທດພ້ອມຂວຳ້ບາດ ໂອລິມປິກ ປາຣີສ 2024 ຫາກໃຫ້ ຣັສເຊຍ-ເບລາຣຸສ ຮ່ວມແຂ່ງຂັນ
ຄາມິລ ບອດນິສຊຸກ ລັດຖະມົນທ່ອງທ່ຽວ ແລະ ກິລາຂອງ ໂປແລນ ເປີດເຜີຍວ່າ 40 ປະເທດຮ່ວມຂ້ຳບາດການແຂ່ງຂັນໂອລິມປິກ ປາຣີສ 2024 ຫາກຄະນະກຳມະການໂອລມິປິກສາກົນ ຫລື IOC ອະນຸຍາດໃຫ້ ຣັສເຊຍ ແລະ ເບລາຣຸສ ສອງຊາດເຂົ້າຮ່ວມແຂ່ງຂັນລາຍການນີ້.
ກ່ອນໜ້ານີ້ ໂປແລນ, ລິທົວເນຍ ແລະ ລັດເວຍ ຢືນຢັນຈະແຈ້ງວ່າຈະບໍ່ຮ່ວມແຂ່ງຂັນ ໂອລິມປິກ ປາຣີສ 2024 ຫລັງຈາກ IOC ເປີດທາງໃຫ້ນັກກິລາຈາກ ຣັສເຊຍ ແລະ ເບລາຣຸສ ເຊ່ິງກໍ່ສົງຄາມຮຸກຮານຢູເຄຣນເຂົ້າຮ່ວມທີມແຂ່ງຂັນ ຫລ້າສຸດທັງສອງຊາດຈະເຂົ້າແຂ່ງຂັນໃນເອຊຽນເກມ ທີ່ຫາງໂຈ ປະເທດຈີນ ເພື່ອເກັບຄະແນນສະສົມເພື່ອຄົວລີຟາຍ ໂອລິມປິກ ໂດຍ ບອດນິດຊຸກ ລັດຖະມົນຕີກິລາໂປແລນລະບຸວ່າ ໄວໆນີ້ມະຫາອຳນາດຢ່າງ ສະຫະລັດອາເມລິກາ, ແຄນາດາ ແລະ ອັງກິດ ຈະເຂົ້າຮ່ວມຂະບວນຂວຳ້ບາດ ກ່ອນການປະຊຸມ IOC 10 ກຸມພານີ້.
“ ເມື່ອພິຈາລະນາເຖິງເລື່ອງນີ້ແລ້ວ ຂ້ອຍຄິດວ່າເຮົາຕັດສິນໃຈບໍ່ຢາກ ຫາກເຮົາຈະຂວຳ້ບາດການແຂ່ງຂັນ ແນວຮ່ວມຂອງເຮົາຫລາຍພໍທີ່ຈະ ດຳເນີນການເພື່ອຕອບໂຕ້ ”.
ສ່ວນທາງດ້ານ ກັດເຊັ ລັດຖະມົນຕີກິລາຢູເຄຣນ ໄດ້ອອກເປີດເຜີຍກ່ອນໜ້ານີ້ວ່າ ການຕັດສິນໃຈຂອງ IOC ທີ່ໃຫ້ນັກກິລາ ຣັສເຊຍ-ເບລາຣຸສ ເຂົ້າຮ່ວມແຂ່ງຂັນນັ້ນບໍ່ຕ່າງຫຍັງກັບການສະໜັບສະໜູນການກໍ່ສົງຄາມຂ້າຜູ້ບໍລິສຸດ.
