ສື່ອີຕາລີຕີຂ່າວ “ຢູເວນຕຸສ” ບໍ່ພໍໃຈກຽມຂາຍ “ປັອກບາ”

ພອລ ປັອກບາ ອາຍຸ 29 ປີ ຍ້າຍມາຢູກັບ ຢູເວນຕຸສ ໃນລະດູຮ້ອນທີ່ຜ່ານມາ. ພາຍຫລັງທີ່ໝົດສັນຍາກັບ ແມນເຊັສເຕີ ຢູໄນເຕັດ, ແນວໃດກໍຕາມ ປັອກບາ ມີອາການບາດເຈັບທີ່ໜ້າເປັນຫ່ວງລົບກວນຈົນຍັງບໍ່ໄດ້ລົງຫລິ້ນເລີຍພຽງແຕ່ນັດດຽວ.

Gazzetta dello Sport ໄດ້ລະບຸວ່າ ຄວາມເປັນໄປໄດ້ທີ່ ຢູເວນຕຸສ ຈະຂາຍ ປັອກບາ ອອກຈາກທີມ ຍ້ອນວ່າພວກເຂົາບໍ່ພໍໃຈກັບການບາດເຈັບທີ່ເກີດຂື້ນຊ້ຳຊາກຂອງ ປັອກບາ ແລະ ບໍ່ຮູ້ວ່າຈະດີເຕັມທີ່ເມື່ອໃດ. ຄາດວ່າ ເມເຈີ ລີກ ຊັອກເກີ USA ອາດຈະເປັນສະຖານີຕໍ່ໄປຂອງ ປັອກບາ.

ຫລັງ​ຈາກ​ຂ່າວ​ໄດ້​ຖືກ​ພິມ​ເຜີຍ​ແຜ່​ອອກໄປ ແຟນບານຂອງ ແມນເຊັສເຕີ ຢູໄນເຕັດ ຕ່າງກໍພາກັນສະແດງຄວາມຄິດເຫັນພ້ອມກັນວ່າ ບໍ່ຢາກເຫັນນັກເຕະຄົນນີ້ກັບມາຮ່ວມທີມອີກແລ້ວ.