7 ເຄັດລັບໃນການທ້ອນເງິນທີ່ຈະເຮັດໃຫ້ທ່ານມີເງິນຫລາຍຂຶ້ນ

- advert banner 728 90 728x90 - 7 ເຄັດລັບໃນການທ້ອນເງິນທີ່ຈະເຮັດໃຫ້ທ່ານມີເງິນຫລາຍຂຶ້ນ

ທ່ານເຄີຍເປັນຫລືບໍ່ ເວລາຕັ້ງໃຈຈະທ້ອນເງິນຊື້ຫຍັງຈັກອັນ ແຕ່ມັນກໍບໍ່ເຖິງເປົ້າໝາຍຈັກເທື່ອ ຍ້ອນມ່ວນຊື່ນກັບເງິນເດືອນກັນແຕ່ຕົ້ນເດືອນ ບໍ່ວ່າຈະກິນ, ທ່ຽວ, ເລາະຫ້າງ ກໍທຸ້ມໃສ່ທຸກຢ່າງ ຈົນທ້າຍເດືອນກໍຕ້ອງອາໄສຕົ້ມໝີ່, ບາງເທື່ອຕ້ອງແກະເອົາເງິນທ້ອນອອກມາໃຊ້ນຳ ຖ້າປະສົບບັນຫານີ້ຕ້ອງລອງໃຊ້ 7 ເຄັດລັບການທ້ອນເງິນເຫລົ່ານີ້ໄດ້ເລີຍ.

- new3 - 7 ເຄັດລັບໃນການທ້ອນເງິນທີ່ຈະເຮັດໃຫ້ທ່ານມີເງິນຫລາຍຂຶ້ນ
  1. ຫ້າມໃຊ້ເງິນໃບ 5.000 ກີບ : ຫາກໄດ້ເງິນທອນມາເປັນໃບ 5.000 ກີບຍາມໃດໃຫ້ສະກົດຈິດໂຕເອງເລີຍວ່າ : ຫ້າມໃຊ້ ເດັດຂາດ. ໃຫ້ລອງທ້ອນເບິ່ງປະມານ 2 – 3 ເດືອນກ່ອນ ແລ້ວຈຶ່ງມານັບເບິ່ງ ແລ້ວທ່ານຈະຮູ້ວ່າທ່ານທ້ອນເງິນໄດ້ຫລາຍແສນ.

2.​ ເອົາເງິນໃສ່ກ່ອງທ້ອນເທົ່າກັບຄ່າເຂົ້າສວາຍທຸກມື້ : ກິນເຂົ້າສວາຍ 15.000 ກີບ ໃຫ້ເອົາເງິນໃສ່ກ່ອງທ້ອນ 15.000 ກີບ ບໍ່ວ່າທ່ານຈະໃຊ້ເງິນໄປເທົ່າໃດກໍໃຫ້ທ້ອນເຂົ້າກ່ອງໄປເທົ່ານັ້ນ ທັງນີ້ຕ້ອງບໍ່ຂີ້ໂກງລັກເອົາເງິນໃສ່ກ່ອງທ້ອນໜ້ອຍກ່ວາຄ່າເຂົ້າສວາຍໃນຄາບນັ້ນເດັດຂາດ ເຖິງວ່າໃນຄາບນັ້ນອາດຈະບໍ່ຫລາຍ, ແຕ່ເມື່ອຄົບເດືອນມາ ລອງແກະກ່ອງມາເບິ່ງໄດ້ເລີຍ.

- lattana 1 - 7 ເຄັດລັບໃນການທ້ອນເງິນທີ່ຈະເຮັດໃຫ້ທ່ານມີເງິນຫລາຍຂຶ້ນ
  1. ເອົາເງິນໃບໃໝ່ໄວ້ບໍ່ຕ້ອງໃຊ້ : ໄດ້ເງິນໃບໃໝ່ໆມາ ໂດຍສະເພາະເງິນທີ່ຍັງບໍ່ທັນໄດ້ຜ່ານການໃຊ້ງານມາໃຫ້ເກັບມ້ຽນເລີຍ, ແຕ່ຖ້າໃບໃຫຍ່ໆ ເຊັ່ນ : ໃບລະ 1 ແສນກີບ ບາງຄົນອາດຕ້ອງໃຊ້. ດັ່ງນັ້ນກໍບໍ່ຕ້ອງຝືນສາມາດໃຊ້ໄດ້ ທ້ອນແຕ່ໃບນ້ອຍໆຢ່າງດຽວກໍຍັງດີ.
  2. ແບ່ງເງິນໃສ່ຖົງ : ວິທີພື້ນຖານທີ່ສຸດ ພຽງແຕ່ຄຳນວນເງິນຈາກລາຍຮັບຂອງເຮົາ ແລ້ວແບ່ງແຍກໃສ່ຖົງໃນຈຳນວນເທົ່າໆກັນ ບ່ອນນີ້ຈະເຮັດໃຫ້ເຮົາຮູ້ຂອບເຂດການໃຊ້ເງິນໃນແຕ່ລະມື້ ເຊິ່ງເຮັດໃຫ້ສາມາດວາງແຜນການໃຊ້ເງິນລ່ວງໜ້າໄດ້ ທ້າຍເດືອນກໍມີເງິນໃຫ້ໃຊ້ສະບາຍໆຄືກັບຕົ້ນເດືອນ.
  3. ແຍກກ່ອງທ້ອນ : ແນະນຳເປັນຢ່າງຍິ່ງສຳລັບຄົນມັກທ່ຽວ ຫລື ຢາກໄດ້ອັນນັ້ນອັນນີ້ສາລະພັດຢ່າງ ໃຫ້ໄປຫາຊື້ກ່ອງທ້ອນເງິນຫລາຍໆໜ່ວຍ ແລ້ວຂຽນໃສ່ກ່ອງນັ້ນ ເຊັ່ນ : ຍີ່ປຸ່ນ, ເອີຣົບ, ໄອໂຟນ, ໂນດບຸກ, ເກີບ, ກະເປົ໋າ ແລະ ອື່ນໆ ໄດ້ເງິນມາແລ້ວຢາກໄດ້ອັນໃດກ່ອນກໍປ່ອນລົງກ່ອງນັ້ນກ່ອນ ເຊື່ອເລີຍວ່າຫລາຍໆເດືອນໄປທ່ານກໍຈະໄດ້ເທື່ອລະອັນໂດຍບໍ່ຕ້ອງໄປລົບກວນເງິນເດືອນຂອງທ່ານເລີຍ.
  4. ແຕ່ລະມື້ເຫລືອເງິນນ້ອຍມາເທົ່າໃດຈັບຍັດໃສ່ກ່ອງທ້ອນໃຫ້ໝົດ : ຂໍ້ນີ້ຄ້າຍຄືຂໍ້ທຳອິດ, ແຕ່ປ່ຽນມາເປັນເງິນໃບນ້ອຍ ເຊັ່ນ : ໃບລະ 1.000 ກີບ ຫລື 2.000 ກີບ ເຊິ່ງເຫລືອເທົ່າໃດໃນແຕ່ລະມື້ໃຫ້ເອົາຢັດໃສ່ກ່ອງທ້ອນໄປເລີຍ ເຖິງວ່າມັນຈະບໍ່ຫລາຍ ແຕ່ຫລາຍເດືອນໄປເອົາອອກມານັບທ່ານກໍຈະໄດ້ຫລາຍແສນ.
  5. ຫັກເສດເງິນເດືອນ : ເລີ່ມຕົ້ນການທ້ອນເງິນທີ່ສົດໃສໃນແຕ່ລະເດືອນໂດຍການຫັກເອົາເສດເງິນເດືອນອອກມາທ້ອນໄວ້ ເຊັ່ນ: ໄດ້ເງິນເດືອນ 2.272.000 ກີບ ກໍໃຫ້ຫັກເອົາ 72.000 ກີບ ອອກມາແຍກໄວ້ ເຊິ່ງບ່ອນນີ້ແນະນຳໃຫ້ເປີດບັນຊີໃໝ່ເພື່ອການທ້ອນເງິນເດືອນໄວ້ສະເພາະເລີຍຍິ່ງດີ.

– ການທ້ອນເງິນບໍ່ແມ່ນເລື່ອງຍາກ ພຽງແຕ່ທ່ານມີລະບຽບວິໄນການທ້ອນທີ່ດີ ແບບນີ້ໄດ້ຜົນຕອບແທນທີ່ທ່ານຕ້ອງການແນ່ນອນ.

error: Content is protected !!