ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ

- IMG 0357 - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ
- kitchen vibe - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ

ຕາມການລາຍງານຂອງທ່ານ ເລັດ ໄຊຍະພອນ ເຈົ້າແຂວງອັດຕະປື ຕໍ່ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ II ໃນວັນທີ 7 ກຸມພາ 2023 ໃຫ້ຮູ້ວ່າ: ແຜນທິດທາງ ແລະ ໜ້າທີ່ລວມຂອງແຜນພັດທະນາເສດຖະກິດ-ສັງຄົມ ປີ 2023 ຂອງອົງການປົກຄອງແຂວງອັດຕະປື ໄດ້ກໍາເອົາ 8 ວຽກຈຸດສຸມ ຄື:

  1. ເພີ່ມທະວີຄວາມສາມັກຄີເປັນປຶກແຜ່ນທົ່ວພັກ-ອົງການລັດ ທຸກຂັ້ນ, ກໍາລັງປະກອບອາວຸດ ແລະ ທົ່ວປວງຊົນຊາວແຂວງອັດຕະປື ພາຍໃຕ້ການນໍາພາຂອງຄະນະບໍລິຫານງານພັກແຂວງ ເພື່ອຮັບປະກັນໃຫ້ມີສະຖຽນລະພາບດ້ານການເມືອງໜັກແໜ້ນ,ສັງຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ເຊີດຊູນ້ຳໃຈຮັກຊາດເປັນເຈົ້າຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ. ພ້ອມທັງສຸມໃສ່ຈັດຕັ້ງປະຕິບັດ 2 ວາລະແຫ່ງຊາດ.
  2. ສືບຕໍ່ຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນ ຢ່າງຮອບດ້ານ, ກໍ່ສ້າງ ແລະ ປັບປຸງກຳລັງປະກອບອາວຸດທ້ອງຖິ່ນໃຫ້ມີຄວາມໜັກແໜ້ນເຂັ້ມແຂງ, ມີລະບຽບວິໄນ, ມີແບບແຜນທັນສະໄໝ ຮັບປະກັນກຽມພ້ອມສູ້ຮົບ ແລະ ແກ້ໄຂສະຖານະການທີ່ເກີດຂຶ້ນທັນເວລາ.
  3. ສືບຕໍ່ພັດທະນາເສດຖະກິດຕະຫລາດ ທີ່ມີການນໍາພາຂອງພັກ, ການຄຸ້ມຄອງ ແລະ ດັດສົມຂອງລັດສ້າງໃຫ້ປະຊາຊົນຢູ່ດີກິນດີຕາມທິດສ້າງສັງຄົມນິຍົມມາແຕ່ຮາກຖານ,ໂດຍການຊຸກຍູ້ສົ່ງເສີມການສ້າງກຸ່ມການຜະລິດ ຕິດພັນກັບການປຸງແຕ່ງ ແລະ ການບໍລິການ-ການຕະຫລາດ, ສ້າງຖານລາຍຮັບໃຫ້ໜັກແໜ້ນໝັ້ນຄົງ ເພື່ອກຸ້ມຕົນເອງເທື່ອລະກ້າວ, ພັດທະນາເງື່ອນໄຂ ແລະ ພື້ນຖານທີ່ຈຳເປັນ ເພື່ອເຊື່ອມຈອດ-ເຊື່ອມໂຍງ ກັບພາກພື້ນ ແລະ ສາກົນ.
  4. ສືບຕໍ່ສ້າງຊັບພະຍາກອນມະນຸດ ໂດຍຖືເອົາການສ້າງຄົນເປັນໃຈກາງ,ຕັ້ງໜ້າປະຕິບັດເປົ້າໝາຍການພັດທະນາແບບຍືນຍົງ ເພື່ອບັນລຸຕາມຄາດໝາຍທີ່ວາງໄວ້, ສ້າງບ້ານ-ເມືອງ ໃຫ້ມີຄວາມເປັນລະບຽບຮຽບຮ້ອຍ ແລະ ສວຍງາມ.
  5. ສືບຕໍ່ປັບປຸງ ແລະ ສ້າງຄວາມເຂັ້ມແຂງ ໃຫ້ແກ່ການຈັດຕັ້ງພັກ-ລັດທຸກຂັ້ນ, ມີປະສິດທິພາບ, ຄວາມໂປ່ງໃສ, ໂຄງປະກອບການຈັດຕັ້ງກະທັດຮັດສົມເຫດສົມຜົນ, ແບ່ງສິດແບ່ງຄວາມຮັບຜິດຊອບຕາມທິດສາມສ້າງ ແລະ ຫັນໄປສູ່ການຄຸ້ມຄອງດ້ວຍກົດໝາຍ,ຕັ້ງໜ້າປັບປຸງຂອດການການບໍລິການ ແລະ ກົນໄກການປະສານງານ-ຄຸ້ມຄອງ ວຽກງານສົ່ງເສີມການລົງທຶນ, ລະບົບຂໍ້ມູນສະຖິຕິ, ຫັນການບໍລິຫານລັດໄປສູ່ອີເລັກໂຕຣນີກເທື່ອລະກ້າວ.
  6. ສືບຕໍ່ຫັນລົງກໍ່ສ້າງຮາກຖານການເມືອງໃຫ້ແຂງແຮງຕິດພັນກັບການພັດທະນາຊົນນະບົດຮອບດ້ານ ແລະ ແກ້ໄຂຄວາມທຸກຍາກ ໃຫ້ຫລຸດລົງຫຼາຍທີ່ສຸດ,ສ້າງບ້ານພັດທະນາຕາມສີສັນຂອງຕົວເມືອງ ໃນຊົນນະບົດໃຫ້ຫຼາຍຂຶ້ນ.
  7. ສືບຕໍ່ເພີ່ມທະວີ ແລະ ເປີດກ້ວາງການຮ່ວມມືກັບຕ່າງປະເທດ, ບົນຫລັກການຕ່າງຝ່າຍຕ່າງມີຜົນປະໂຫຍດເປັນຕົ້ນ: ການຮ່ວມມືກັບບັນດາແຂວງ,ຫົວໜ່ວຍທຸລະກິດ ຂອງ ສສ ຫວຽດນາມ ແລະ ສປ ຈີນ.
  8. ລວມຍອດຜະລິດຕະພັນພາຍໃນ (GDP) ເພີ່ມຂຶ້ນບໍ່ຫລຸດ: 6,42%,ສະເລ່ຍລວມຍອດຜະລິດຕະພັນພາຍໃນຕໍ່ຫົວຄົນ 26,14 ລ້ານກີບ ຫລື ເທົ່າກັບ 1.538 ໂດລາ.
- 4 - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ
- 3 - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ
- 5 - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ
- Visit Laos Visit SALANA BOUTIQUE HOTEL - ປີ 2023 ແຂວງອັດຕະປື ຈະສຸມໃສ່ 8 ວຽກງານຈຸດສຸມໃນການພັດທະນາເສດຖະກິດ-ສັງຄົມ