ອັບເດດ! ຈຳນວນຜູ້ເສຍຊີວິດເພີ່ມຂຶ້ນສູງເຖິງ 12,000 ຄົນແລ້ວ ຈາກເຫດການແຜ່ນດິນໄຫວ ຕວັກກີ-ຊີເຣຍ

ລາຍງານຫລ້າສຸດ ເຫດແຜ່ນດິນໄຫວຕວັກກີ-ຊີເຣຍ ມາຮອດວັນທີ 9 ກຸມພາ 2023 ນີ້ ພົບຜູ້ເສຍຊີວິດຫລາຍກວ່າ 12,000 ຄົນ ທ່າມກາງການປະເມີນຈາກຜູ້ຊ່ຽວຊານກ່າວວ່າ: ອັດຕາການລອດຊີວິດຂອງຜູ້ທີ່ຕິດຢູ່ລຸ່ມຊາກຕຶກອາຄາກຳລັງຫລຸດລົງເລື້ອຍໆ.

ທ່ານ ​ເຣ​ເຊັບ ເທ​ຢິບ ​ເອີ​ໂດ​ກັນ​ ປະທານາທິບໍດີ ຕວັກກີ ລົງພື້ນທີ່ປະສົບໄພແຜ່ນດິນໄຫວ ພ້ອມຍອມຮັບວ່າ ລັດຖະບານມີບັນຫາໃນການຮັບມືກັບເຫດແຜ່ນດິນໄຫວຮຸນແຮງທີ່ເກີດຂຶ້ນໃນຄັ້ງນີ້ ເຮັດໃຫ້ມີຜູ້ເສຍຊີວິດໃນຕວັກກີ 9,057 ຄົນ ແລະ ຊີເຣຍ 2,992 ຄົນ, ອາຄານເສຍຫາຍທັງໝົດ 6,444 ຫລັງ, ເຈົ້າໜ້າທີ່ຄົ້ນຫາ ແລະ ກູ້ໄພຫລາຍກວ່າ 98,150 ຄົນ, ເຈົ້າໜ້າທີ່ນານາຊາດ 5,309 ຄົນ, ຍານພາຫະນະເປ່ເພ 5,514 ຄັນ, ຈັດຕັ້ງໂຮງໝໍສະໜາມ 77 ແຫ່ງໃນ 10 ແຂວງທີ່ປະສົບໄພພິບັດ.