ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ

- 329522700 702080088264568 1995994246569815229 n - ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ
- kitchen vibe - ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ
ວັນທີ 9 ກຸມພາ 2023 ນີ້, ພັອ ອຸບົນ ຈຸນລະມະນີ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ລາຍງານຊີ້ແຈງກ່ຽວກັບການຈັບໂຕຮຽກຄ່າໄຖ່ ຕໍ່ກອງປະຊຸມສະຫຼຸບວຽກງານຕໍາຫຼວດປະຈໍາປີ 2022 ແລະ ວາງທິດທາງແຜນການປີ 2023 ຂອງກົມໃຫຍ່ຕໍາຫລວດ ວ່າ: ໃນປີ 2022 ຜ່ານມາ ຢູ່ນະຄອນຫລວງວຽງຈັນ ຍັງມີເຫດການຈັບຕົວຮຽກຄ່າໄຖ່ເກີດຂຶ້ນຢ່າງຕໍ່ເນື່ອງ ເຊິ່ງສ່ວນຫລາຍແມ່ນຄົນຕ່າງຊາດທີ່ກໍ່ເຫດລັກພາໂຕຮຽກຄ່າໄຖ່ ຈົນກ້າວໄປເຖີງການຄາດຕະກໍາ ເນື່ອງມາຈາກບັນຫາໜີ້ສິນ, ການພະນັນເຖື່ອນ; ສະເພາະປີຜ່ານມາມີເຫດການລັກພາໂຕເກີດຂຶ້ນ 11 ເລື່ອງ, ເຈົ້າໜ້າທີ່ສາມາດແກ້ໄຂໄດ້ 10 ເລື່ອງ, ກັກຕົວຕ້ອງຫາໄດ້ 20 ຄົນ ຍິງ 1 ຄົນ.
ຄະດີທີ່ພົ້ນເດັ່ນໃນປີຜ່ານມາທີ່ເຈົ້າໜ້າທີ່ວິຊາສະເພາະ ນະຄອນຫລວງວຽງຈັນ ສົມທົບກັບພາກສ່ວນກ່ຽວຂ້ອງແກ້ໄຂໄດ້ ປະກອບມີ: ເຫດການຄາດຕະກໍາ 2 ສົບ ແລ້ວຝັງດິນຢູ່ປ່າແຄມທາງ ເຂດບ້ານໃໝ່ເມືອງ ສີໂຄດຕະບອງນະຄອນຫລວງວຽງຈັນ; ເຊິ່ງເຫດການດັ່ງກ່າວ ແມ່ນເຫດການລັກພາຕົວຮຽກຄ່າໄຖ່, ຖືກລັກພາຕົວໄປແຕ່ຄັ້ງວັນທີ 18 ມີນາ 2022 ຈົນຮອດວັນທີ 26 ມີນາ 2022 ຈຶ່ງພົບຜູ້ກ່ຽວທັງສອງຖືກຄາດຕະກຳຝັງດິນ; ມາຮອດປັດຈຸບັນ, ສາມາດຕິດຕາມຈັບເປົ້າໝາຍທີ່ມີສ່ວນຮ່ວມໃນການລັກພາຕົວ ແລະ ຄາດຕະກຳໄດ້ທັງໜົດ 13 ຄົນ ຍິງ 1 ຄົນ; ໃນນີ້, ເປັນຄົນລາວ 8 ຄົນ ຍິງ 1 ຄົນ, ຄົນສັນຊາດຈີນ 4 ຄົນ.
ອີກເຫດການໜຶ່ງເກີດຂຶ້ນໃນວັນທີ 10 ກັນຍາ 2022 ມີເຫດການລັກພາຕົວ ແລະ ຄາດຕະກຳຄົນຈີນ ຢູ່ໂຮງງານຫລອມເຫລັກ ຕັ້ງຢູ່ບ້ານຫ້ວຍນໍ້າເຢັນ, ເມືອງນາຊາຍທອງ, ນະຄອນຫລວງວຽງຈັນ, ຜູ້ເຄາະຮ້າຍ ເປັນນັກທຸລະກິດ, ພາຍໄຕ້ການຊີນໍາຢາງໄກ້ສິດ ຂອງກົມໃຫຍ່ຕໍາຫລວດ ມາຮອດວັນທີ 24 ກັນຍາ 2022 ສາມາດກັກຕົວຜູ້ກະທຳຜິດໄດ້ 2 ຄົນ ຍິງ 1 ຄົນ, ຊື່ ທ້າວ ເລີນຢູເວີນ ອາຍຸ 30 ປີ, ນັກທຸລະກິດ ສັນຊາດຈີນ ແລະ ນາງ ມາລີ ອາຍຸ 27 ປີ ສັນຊາດລາວ ທັງສອງເປັນຜົວເມຍ, ພັກເຊົາຢູ່ບ້ານໜອງບົວທອງເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ.
- 5 - ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ
- 3 - ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ
- 4 - ການລັກພາໂຕຮຽກຄ່າໄຖ່ ສ່ວນຫລາຍແມ່ນ ມາຈາກບັນຫາໜີ້ສິນ ແລະ ການພະນັນເຖື່ອນ