ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ

- IMG 4477 - ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ
- kitchen vibe - ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ

ວັນທີ 10 ກຸມພາ 2023, ພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ ສົມທົບກັບຫ້ອງການອຸດສາຫະກຳ ແລະ ການຄ້າເມືອງ ຈັດກອງປະຊຸມປຶກສາຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ທີ່ເມືອງປາກທາ, ໂດຍການເປັນປະທານຂອງ ທ່ານ ຄຳໄຊ ວິໄລສຸກ ຮອງຫົວໜ້າພະແນກອຸດສາ ຫະກຳ ແລະ ການຄ້າ ແຂວງບໍ່ແກ້ວ.

ທ່ານ ກອງມີ ສຸດເທດລັດ ຫົວໜ້າຂະແໜງຊັບສິນທາງປັນຍາ,ມາດຕະຖານ ແລະ ວັດແທກພະແນກອຸສາຫະກຳ ແລະ ການຄ້າແຂວງໄດ້ເຜີຍແຜ່ນິຕິກຳການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟການປິດເປີດປ້ຳນໍ້າມັນ, ການນຳເຂົ້າຊື້-ຂາຍ, ຂໍ້ຫ້າມ ແລະ ລະບຽບການຂົນສົ່ງນ້ຳມັນ ທີ່ບໍ່ຖືກຕ້ອງ, ການຂຶ້ນທະບຽນເປັນຫົວໜ່ວຍທຸລະກິດ ແລະ ອື່ນໆ. ຈາກນັ້ນບັນດາຜູ້ປະກອບການໄດ້ປະກອບຄຳຄິດຄຳເຫັນປຶກສາຫາລື ແລະ ສະເໜີໃຫ້ພະແນກ ແລະ ຫ້ອງການອຸດສາຫະກຳ ແລະ ການຄ້າເມືອງເຖິງການ ຊື້-ຂາຍນ້ຳມັນ,ການເຊັນສັນຍາກັບບັນດາບໍລິສັດຂາຍນ້ຳມັນ ມີຄວາມຫຍຸ້ງຍາກຍ້ອນວ່າບໍລິສັດມາສົ່ງລາຄ່າສູງ ແລະ ບໍ່ສາມາດຂາຍຕາມລາຄາທີລັດກຳນົດໄວ້ໄດ້ ແລະ ການເກັບຄ່າທຳນຽມຕ່າງໆ ຄ່າອາກອນສູງເຮັດໃຫ້ຜູ້ປະກອບການຂາດທຶນ ການປັບຂື້ນລາຄານ້ຳມັນບໍ່ປົກກະຕິ.

ໂອກາດນີ້, ທ່ານ ຄໍາໄຊ ວິໄລສຸກ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງບໍ່ແກ້ວ ມີຄຳເຫັນຊີ້ນຳໃຫ້ຫ້ອງການອຸດສາຫະກຳ ແລະ ການຄ້າເມືອງລົງເກັບກຳຂໍ້ມູນໃຫ້ລະອຽດສາເຫດ ແລະ ລາຄານ້ຳມັນແລ້ວລາຍງານໃຫ້ພະແນກຮັບຊາບ, ກວດກາຄືນປ້ຳທີ່ບໍ່ມີຫົວໜ່ວຍທະບຽນທຸລະກິດປ້ຳປັ່ນຂາຍ ແລະ ການຂາຍນ້ຳມັນໃສ່ຕຸກທີ່ເຮັດໃຫ້ບໍ່ໄດ້ມາດຖານ ແລະ ສ່ຽງຕໍ່ການເກີດອັກຄີໄພສົມທົບກັບພະແນກກວດກາບໍລິສັດຂົນສົ່ງນ້ຳມັນທີ່ເຊັນສັນຍາກັບບັນດາປໍ້າມີຄວາມເປັນລະບຽບ ແລະ ຖືກຕ້ອງຕາມລັດໄດ້ກຳນົດໄວ້.

- 5 - ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ
- 4 - ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ
- 3 - ຫາລືການຄຸ້ມຄອງຫົວໜ່ວຍທຸລະກິດນ້ຳມັນເຊື້ອໄຟຢູ່ແຂວງບໍ່ແກ້ວ ເພື່ອຈັດຄວາມເປັນລະບຽບຮຽບຮ້ອຍ