ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ

- IMG 2180 - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ
- kitchen vibe - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ

ກອງປະຊຸມວຽກງານຕິດຕາມກວດກາການດຳເນີນຄະດີອາຍາ ທົ່ວປະເທດ ຄັ້ງທີ I ໄຂຂຶ້ນໃນວັນທີ 13 ກຸມພາ 2023 ທີ່ນະຄອນຫລວງວຽງຈັນໂດຍການເປັນປະທານຂອງ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ.

ທ່ານ ບຸນທັນ ບຸນທະວີໄລ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ຂຶ້ນຜ່ານບົດສະຫລຸບຕີລາຄາວຽກງານຕິດຕາມກວດກາການດຳເນີນຄະດີອາຍາໃນໄລຍະ 33 ປີ ຜ່ານມາ. ພ້ອມທັງໄດ້ປະກອບຄໍາເຫັນກ່ຽວກັບວຽກງານຕິດຕາມກວດກາການດຳເນີນຄະດີອາຍາຂອງ ອົງການສືບສວນ-ສອບສວນ, ໄຈ້ແຍກປະເພດການກະທຳຜິດ, ກຳນົດຂໍ້ກ່າວຫາ, ການປະກອບຫລັກຖານ, ການນຳໃຊ້ມາດຕະການສະກັດກັ້ນ, ການສັ່ງຟ້ອງ, ການພິຈາລະນາຄະດີຂອງສານ ແລະ ການປະຕິບັດຄຳຕັດສິນຂອງສານຢ່າງເປັນຂະບວນ ແລະ ມີເນື້ອໃນເລິກເຊິ່ງ.

- Visit Laos Visit SALANA BOUTIQUE HOTEL - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ

ໂອກາດນີ້, ຫົວໜ້າອົງການໄອຍະການປະຊາຊົນສູງສຸດ ໄດ້ໃຫ້ທິດຊີ້ນໍາວ່າ ວຽກງານຕິດຕາມກວດກາການດຳເນີນຄະດີອາຍາ ເປັນວຽກງານໜຶ່ງທີ່ມີຄວາມສຳຄັນຂອງອົງການໄອຍະການປະຊາຊົນ, ເປັນພາລະບົດບາດ, ສິດ ແລະ ໜ້າທີ່ຂອງອົງການໄອຍະການປະຊາຊົນ ໃນການຕິດຕາມກວດກາ ເຮັດໃຫ້ການດຳເນີນຄະດີອາຍາ ຂອງອົງການສືບສວນ-ສອບສວນ, ການພິຈາລະນາຄະດີຂອງສານ ແລະ ການປະຕິບັດຄຳຕັດສິນຂອງສານຖືກຕ້ອງ ແລະ ເປັນເອກະພາບ, ຮອບດ້ານ, ຄົບຖ້ວນ ແລະ ພາວະວິໄສ. ນັບແຕ່ໄດ້ຮັບການສ້າງຕັ້ງ ໃນປີ 1990 ເປັນຕົ້ນມາ ອົງການໄອຍະການປະຊາຊົນໄດ້ເອົາໃຈໃສ່ຈັດຕັ້ງປະຕິບັດວຽກງານຕິດຕາມກວດກາການດຳເນີນຄະດີອາຍາດ້ວຍຄວາມຮັບຜິດຊອບ ນັບແຕ່ຂັ້ນສູນກາງ ແລະ ທ້ອງຖິ່ນ ມີຜົນສໍາເລັດ ໂດຍພື້ນຖານ ເພື່ອໃຫ້ວຽກງານດັ່ງກ່າວສືບຕໍ່ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ໃນຊຸມປີຕໍ່ໜ້ານີ້ຕ້ອງເພີ່ມທະວີວຽກງານການເມືອງ-ນໍາພາແນວຄິດ ຂອງພະນັກງານ-ສະມາຊິກພັກ ໃນລະບົບອົງການໄອຍະການປະຊາຊົນ ແລະ ອົງການໄອຍະການທະຫານ ໃຫ້ມີຄວາມໜັກແໜ້ນ, ມີຄຸນສົມບັດສິນທໍາປະຕິວັດ ແລະ ຍົກສູງຄວາມຮັບຜິດຊອບຕໍ່ໜ້າທີ່ການເມືອງໃນການຮັບໃຊ້ປະຊາຊົນດ້ວຍຄວາມຊື່ສັດບໍລິສຸດ; ປັບປຸງບູລະນະກົງຈັກການຈັດຕັ້ງອົງການໄອຍະການປະຊາຊົນ, ອົງການໄອຍະການທະຫານ ໃຫ້ມີຄວາມເຂັ້ມແຂງເທື່ອລະກ້າວຕາມທິດ 3 ສ້າງ ດ້ວຍການສົ່ງພະນັກງານອົງການໄອຍະການປະຊາຊົນເຂດ ໄປປະຈໍາຢູ່ເມືອງບ່ອນທີ່ມີເງື່ອນໄຂ ຈໍານວນ 3-5 ຄົນ ໄປປະຈຳການ; ເພີ່ມທະວີການຜັນຂະຫຍາຍເນື້ອໃນມະຕິ ສະບັບເລກທີ 037/ຄບສພ ວ່າດ້ວຍການຍົກສູງປະສິດທິພາບຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ແລະ ມະຕິສະບັບເລກທີ 112 ຂອງກົມການເມືອງສູນກາງພັກ ວ່າດ້ວຍການຍົກສູງຄຸນນະພາບການດຳເນີນຄະດີຕາມຂະບວນການຍຸຕິທຳ ແລະ ການປະຕິບັດ 7 ມາດຕະການສະກັດກັ້ນ; ຍົກສູງຄວາມສາມາດໃນການຕິດຕາມກວດກາການດຳເນີນຄະດີຢູ່ສານ, ການປະຕິບັດຄໍາຕັດສີນ; ສືບຕໍ່ສ້າງກົນໄກປະສານງານ ລະຫວ່າງ ອົງການໄອຍະການປະຊາຊົນ, ສ້າງຄູ່ມື, ຄໍາສັ່ງ ແລະ ຄໍາແນະນໍາ, ຄົ້ນຄວ້ານິຕິກໍາ ກ່ຽວກັບການໂຕ້ຖຽງໃນທີ່ປະຊຸມສານໃນຄະດີອາຍາ, ພັດທະນາພື້ນຖານວັດຖຸເຕັກນິກ, ຮ່ວມມືກັບຕ່າງປະເທດຢ່າງມີປະສິດທິຜົນ.

- 5 - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ
- 3 - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ
- 4 - ວຽກງານຕິດຕາມກວດກາການດຳເນີນຄະດີອາຍາ ຕ້ອງເອົາໃຈໃສ່ປະຕິບັດຢ່າງມີປະສິດທິຜົນ