ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ

- IMG 1153 - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ
- kitchen vibe - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ

ກອງປະຊຸມ “ກອງເລຂາຄະນະກໍາມະການອໍານວຍຄວາມສະດວກທາງດ້ານການຄ້າ ຂັ້ນສູນກາງ ຄັ້ງທີ V” ໄດ້ມີຂຶ້ນໃນວັນທີ 8 ກຸມພາ 2023 ທີ່ ນະຄອນຫລວງວຽງຈັນ, ໂດຍການເປັນປະທານຂອງ ທ່ານ  ມະໂນທອງ ວົງໄຊ, ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ຫົວໜ້າກອງເລຂາຄະນະກໍາມະການອໍານວຍຄວາມສະດວກທາງດ້ານການຄ້າ ຂັ້ນສູນກາງ ພ້ອມດ້ວຍແຂກທີ່ຖືກເຊີນຈາກຂະແໜງການທີ່ກ່ຽວຂ້ອງໃນທົ່ວປະເທດ ມີທັງເຂົ້າຮ່ວມແບບເຊິ່ງໜ້າ ແລະ ທາງໄກ.

ທ່ານ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ກ່າວວ່າ: ວຽກງານອໍານວຍຄວາມສະດວກທາງດ້ານການຄ້າ ແມ່ນວຽກງານໜຶ່ງໃນການຜັນຂະຫຍາຍເນື້ອໃນຈິດໃຈຂອງວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ເປັນການຈັດຕັ້ງປະຕິບັດຕາມສັນຍາ ວ່າດ້ວຍການອໍານວຍຄວາມສະດວກທາງດ້ານການຄ້າ ໃນຂອບອົງການການຄ້າໂລກ (WTO-TFA). ໂດຍກະຊວງອຸດສາຫະກໍາ ແລະ ການຄ້າ  ໄດ້ມີຄວາມພະຍາຍາມປັບປຸງ ແລະ ແກ້ໄຂບັນຫາທີ່ຫຍຸ້ງຍາກ ເພື່ອອໍານວຍຄວາມສະດວກໃຫ້ແກ່ການດໍາເນີນທຸລະກິດ ຢູ່ພາຍໃນປະເທດໃຫ້ດີຂຶ້ນ ແນໃສ່ຍົກລະດັບຄວາມອາດສາມາດໃນການແຂ່ງຂັນຂອງພາກທຸລະກິດ ກໍຄືການສົ່ງເສີມການດຶງດູດການລົງທຶນຈາກຕ່າງປະເທດທີ່ມີຄຸນນະພາບ ແລະ ທັງເປັນການຈັດຕັ້ງປະຕິບັດພັນທະສັນຍາ ແລະ ສົນທິສັນຍາ ທີ່ ສປປ ລາວ ທີ່ມີຕໍໍ່ພາກພື້ນ ແລະ ສາກົນ.

- Visit Laos Visit SALANA BOUTIQUE HOTEL - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ

- IMG 1159 - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ

ໃນປີ 2022 ຜ່ານມາ, ສາມາດສະຫລຸບຜົນຂອງການຈັດຕັ້ງປະຕິບັດວຽກອໍານວຍຄວາມສະດວກທາງດ້ານການຄ້າໄດ້ຄືດັ່ງນີ້:

  1. ການຈັດຕັ້ງປະຕິບັດແຜນດໍາເນີນງານວຽກອໍານວຍຄວາມສະດວກທາງດ້ານການຄ້າ (Trade Facilitation Roadmap: TFRM) ໄລຍະ 5 ປີ 2017-2022;
  2. ການປັບປຸງຄະນະກໍາມະການຊີ້ນໍາລວມອໍານວຍຄວາມສະດວກທາງດ້ານການຄ້າ.
  3. ການຜັນຂະຫາຍຄໍາສັ່ງ ເລກທີ 12/ນຍ.
  4. ການປັບປຸງການອອກອະນຸຍາດ, ຢັ້ງຢືນການນໍາເຂົ້າ-ສົ່ງອອກ, ການນໍາເຂົ້າ-ສົ່ງອອກຊົ່ວຄາວ, ການນໍາເຂົ້າເພື່ອສົ່ງອອກຕໍ່ ແລະ ການຜ່ານແດນສິນຄ້າ.
  5. ການດໍາເນີນງານຢູ່ດ່ານ.
  6. ການຂົນສົ່ງສິນຄ້າ.
  7. ການແກ້ໄຂບັນຫາຂອງພາກທຸລະກິດ.
  8. ວຽກງານສູນຂໍ້ມູນຂ່າວສານທາງດ້ານການຄ້າ (LTP)
  9. ການຊຸກຍູ້ວຽກງານຂອງກອງເລຂາອໍານວຍຄວາມສະດວກທາງດ້ານການຄ້າ.

ນອກນີ້, ກໍຍັງມີບາງຂໍ້ຄົງຄ້າງ, ສິ່ງທ້າທາຍ ແລະ ຂໍ້ສະເໜີປັບປຸງ ທີ່ຕິດພັນກັບການຈັດຕັ້ງປະຕິບັດຄຳສັ່ງ ເລກທີ 12/ນຍ. ພ້ອມທັງແຜນວຽກທີ່ຈະສືບຕໍ່ຈັດຕັ້ງປະຕິບັດວຽກອໍານວຍຄວາມສະດວກທາງດ້ານການຄ້າ ໃນປີ 2023 ໃຫ້ສໍາເລັດຕາມແຜນການທີ່ກໍານົດໄວ້.

- 4 - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ
- 3 - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ
- 5 - ກະຊວງອຸດສາຫະກໍາ ແລະ ການຄ້າ ເລັ່ງແກ້ໄຂບັນຫາຫຍຸ້ງຍາກ ເພື່ອອໍານວຍຄວາມສະດວກທາງດ້ານການຄ້າຢູ່ພາຍໃນປະເທດໃຫ້ດີຂຶ້ນ