ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ

- 4DQpjUtzLUwmJZZPG2s2iQ8g0sLW5eUibXM3u2RWJwEl - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ
- kitchen vibe - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ

ສໍານັກງານສຸຂະພາບນະຄອນຫລວງຮ່າໂນ້ຍຂອງຫວຽດນາມ ເປີດເຜີຍວ່າ: ຮ່າໂນ້ຍໄດ້ກໍານົດເປົ້າໝາຍຫລຸດຈໍານວນຄອບຄົວທີ່ມີລູກຫລາຍກວ່າ 3 ຄົນ. ຂະນະທີ່ຈໍານວນປະຊາກອນໃນເມືອງເພີ່ມສູງເຖິງ 8 ລ້ານຄົນ ສູງເຖິງ 8,4 ລ້ານຄົນ ຫລື 8,4% ຂອງປະຊາກອນທົ່ວປະເທດ ນັບຮອດປີ 2022.

ວັນທີ 15 ກຸມພາ, ໜັງສືພິມຫວຽດນາມ ນິວ ອ້າງອີງທ່ານ ວູ ເກົາ ເກືອງ ຮອງຜູ້ອໍານວຍການສໍານັກງານສຸຂະພາບນະຄອນຫລວງຮ່າໂນ້ຍ ລະບຸວ່າ: ຮ່າໂນ້ຍຈະຫລຸດອັດຕາຄອບຄົວທີ່ມີລູກຫລາຍກວ່າ 3 ຄົນ ແລະ ອັດຕາເດັກຂາດສານອາຫານທີ່ມີອາຍຸຕໍ່າກວ່າ 5 ປີ ລົງ 0,1%. ພ້ອມຊີ້ວ່າ: ຮ່າໂນ້ຍຜະເຊີນຄວາມທ້າທາຍໃໝ່ຫລາຍຢ່າງຈາກປັດໄຈດ້ານປະຊາກອນ ໂດຍຈໍານວນຄອບຄົວທີ່ມີລູກຢ່າງໜ້ອຍ 3 ຄົນຫລຸດໜ້ອຍລົງ ແຕ່ຢູ່ໃນອັດຕາບໍ່ຄົງທີ່.

- Visit Laos Visit SALANA BOUTIQUE HOTEL - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ

ທ່ານ ວູ ເກົາ ເກືອງ ກ່າວວ່າ: ປະຊາກອນສູງອາຍຸຍັງເປັນອີກຄວາມທ້າທາຍສໍາຄັນ ເຊິ່ງເຮັດໃຫ້ຮ່າໂນ້ຍຕ້ອງອາໄສການດໍາເນີນແຜນທາງບຸກພ້ອມນະໂຍບາຍທີ່ເໝາະສົມ ເພື່ອຮັບປະກັນສຸຂະພາບ, ສະຫວັດດີການສັງຄົມ ແລະ ຜົນປະໂຫຍດຂອງຜູ້ສູງອາຍຸ.

ຮ່າໂນ້ຍມີແຜນຂະຫຍາຍງານດ້ານການສື່ສານກ່ຽວກັບປະຊາກອນ ໂດຍເນັ້ນອະນາໄມການຈະເລີນພັນຂອງໄວໜຸ່ມ ແລະ ເຍົາວະຊົນ, ການໃຫ້ຄໍາປຶກສາ ແລະ ການກວດສຸຂະພາບກ່ອນແຕ່ງດອງ, ການຄັດເລືອກກ່ອນເກີດ ແລະ ເດັກເກີດໃໝ່ ຕະຫລອດຈົນສຸຂະພາບຂອງຜູ້ສູງອາຍຸ.

ຈໍານວນປະຊາກອນຫວຽດນາມສູງເຖິງ 99,46 ລ້ານຄົນ ນັບຮອດປີ 2022 ເພີ່ມຂຶ້ນ 0,97% ຈາກປີ 2021.

- 4 - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ
- 5 - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ
- 3 - ຮ່າໂນ້ຍຕັ້ງເປົ້າຫລຸດຈໍານວນຄອບຄົວ ມີລູກຫລາຍກວ່າ 3 ຄົນ