ປະກາດແຕ່ງຕັ້ງ ທ່ານ ຄູນ ຜາສຸກ ແລະ ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ

- IMG 1328 - ປະກາດແຕ່ງຕັ້ງ ທ່ານ ຄູນ ຜາສຸກ ແລະ  ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ
- kitchen vibe - ປະກາດແຕ່ງຕັ້ງ ທ່ານ ຄູນ ຜາສຸກ ແລະ  ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ

ໃນວັນທີ 16 ກຸມພາ 2023 ນີ້, ຢູ່ສານປະຊາຊົນສູງສຸດ ໄດ້ຈັດພິທີ ປະກາດແຕ່ງຕັ້ງຮອງປະທານສານ ປະຊາຊົນສູງສຸດ, ພາຍໃຕ້ການເປັນປະທານຂອງທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ.

ໃນພິທີ, ໄດ້ຜ່ານລັດຖະດຳລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ວ່າດ້ວຍການແຕ່ງຕັ້ງ ຮອງປະທານສານປະຊາຊົນສູງສຸດ, ໂດຍແຕ່ງຕັ້ງ ທ່ານ ຄູນ ຜາສຸກ ຄະນະປະຈຳພັກຜູ້ພິພາກສາຊັ້ນສີ່ສະມາຊິກສະພາຜູ້ພິພາກສາຫົວໜ້າຄະນະສານແພ່ງ ສານປະຊາຊົນສູງສຸດ ເປັນຮອງປະທານສານປະຊາຊົນສູງສຸດ ແລະ ທ່ານ ອານົງ ຍອຍສາຍຄຳ  ກຳມະການຄະນະບໍລິຫານງານພັກປະທານກວດກາຄະນະພັກ ສານປະຊາຊົນສູງສຸດຫົວໜ້າກົມກວດກາ ສານປະຊາຊົນສູງສຸດ ເປັນຮອງປະທານສານປະຊາຊົນສູງສຸດ.

ໂອກາດນີ້, ທ່ານ ປະທານສານປະຊາຊົນສູງສຸດ ໄດ້ສະແດງຄວາມຊົມເຊີຍຕໍ່ 2 ທ່ານ ທີ່ໄດ້ຮັບການແຕ່ງຕັ້ງໃນຄັ້ງນີ້ຕ້ອງພ້ອມກັບໝູ່ຄະນະປະທານ ເພື່ອປະຕິບັດມະຕິ, ຄຳສັ່ງ, ນິຕິກຳທີ່ກ່ຽວຂ້ອງ ກ່ຽວກັບການແບ່ງງານ, ແບ່ງຄວາມຮັບຜິດຊອບ ພາຍໃນຄະນະປະທານ ທັງ 5 ທ່ານ; ໃນນັ້ນ ຈົ່ງໄດ້ພ້ອມກັນເອົາໃຈໃສ່ຢ່າງແຂງແຮງຕໍ່ວຽກງານການສຶກສາອົບຮົມການເມືອງ-ແນວຄິດໃຫ້ພະນັກງານ-ຜູ້ພິພາກສາ ຕົ້ນຕໍແມ່ນທາງດ້ານແນວຄິດ, ຄຸນທາດການເມືອງ, ຄຸນສົມບັດ ສິນທໍາປະຕິວັດ, ຈັນຍາບັນ-ຈັນຍາທໍາ, ສ້າງຄວາມເຂັ້ມແຂງດ້ານວຽກງານວິຊາສະເພາະ, ວິຊາການ ໃຫ້ນັບມື້ນັບສູງ, ເຮັດໃຫ້ພະນັກງານມີຄວາມຈົງຮັກພັກດີຕໍ່ການຈັດຕັ້ງ ພັກ-ລັດ, ສັດຊື່ບໍລິສຸດຮັບໃຊ້ປະຊາຊົນ ດ້ວຍຄວາມຈິງໃຈ, ມີຄວາມເປັນທໍາ, ເຄົາລົບ ແລະ ປະຕິບັດກົດໝາຍຢ່າງເຂັ້ມງວດ; ມີການກວດກາຕິດຕາມ, ປະເມີນພະນັກງານ ຢ່າງເປັນປົກກະຕິ ແລະ ໃຫ້ມີການສັງເກດຕີລາຄາຄືນຢ່າງເປັນລະບົບຕໍ່ເນື່ອງ.

- 4 - ປະກາດແຕ່ງຕັ້ງ ທ່ານ ຄູນ ຜາສຸກ ແລະ  ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ
- 5 - ປະກາດແຕ່ງຕັ້ງ ທ່ານ ຄູນ ຜາສຸກ ແລະ  ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ
- 3 - ປະກາດແຕ່ງຕັ້ງ ທ່ານ ຄູນ ຜາສຸກ ແລະ  ທ່ານ ອານົງ ຍອຍສາຍຄຳ ຂຶ້ນເປັນຮອງປະທານສານປະຊາຊົນສູງສຸດ