ປະໂຫຍດຂອງການສີດໂບທັອກ ຕົວຊ່ວຍເຮັດໃຫ້ນານເຖົ້າ

ຫລາຍທ່ານອາດຈະຮູ້ຈັກ ໂບທັອກ ຫລື Botulinum Toxin ເປັນຢ່າງດີ ເພາະ Botulinum Toxin ຖືກເອົາມາໃຊ້ໃນດ້ານຄວາມງາມກັນຢ່າງແຜ່ຫລາຍໃນປັດຈຸບັນ ເພາະມັນຊ່ວຍຫລຸດຮອຍຫ່ຽວຍານ, ຮອຍຕີນກາ ແລະ ປັບຮູບໜ້າທີ່ໄດ້ຜົນຈະແຈ້ງ ແລະ ໃຊ້ເວລາໃນການຮັບການສີດບໍ່ດົນ. ມື້ນີ້ພວກເຮົາມີຂໍ້ມູນກ່ຽວກັບໂບທັອກ Botulinum Toxin ຕົວຊ່ວຍຫລຸດຮອຍຫ່ຽວ ເຮັດໃຫ້ນານເຖົ້າມານຳສະເໜີ.

• ຊ່ວຍຫລຸດຮອຍຫ່ຽວຍານຂອງໃບໜ້າ ເຊັ່ນ: ຮອຍຕີນກາ, ຮ່ອງຫ່ວາງກາງຄິ້ວ, ຮອຍຫ່ຽວເທິງໜ້າຜາກ ສາມາດແກ້ໄຂບັນຫາເລື່ອງຮອຍຫ່ຽວຍານທີ່ໄດ້ຜົນໄວ.
• ເປັນການປິ່ນປົວທີ່ສະດວກ,​ ວ່ອງໄວ ທັງນີ້ການສັກ Botulinum Toxin ໃຊ້ເວລາພຽງແຕ່ 15 – 20 ນາທີເທົ່ານັ້ນ ໂດຍບໍ່ຕ້ອງພັກຟື້ນ.
• ເຫັນຜົນຫລັງສັກພາຍໃນ 1 – 2 ອາທິດ ແລະ ຢູ່ໄດ້ດົນ 4 – 6 ເດືອນ (ຜົນທີ່ໄດ້ຂຶ້ນຢູ່ກັບແຕ່ລະບຸກຄົນ).
• ສາມາດສະຫລາຍເອງໄດ້ 100%, ມີມີສານຕົກຄ້າງ, ມີຄວາມປອດໄພສູງ.
• ເພີ່ມຄວາມໝັ້ນໃຈໃຫ້ກັບຕົວເອງ,​ ການສັກ Botulinum Toxin ເປັນການດູແລຕົວເອງໃຫ້ງາມຂຶ້ນ, ໜຸ່ມສາວຂຶ້ນ ແລະ ເປັນຮູບແບບໜຶ່ງທີ່ຊ່ວຍເພີ່ມຄວາມໝັ້ນໃຈໃຫ້ແກ່ທ່ານໄດ້ອີກທາງໜຶ່ງນັ້ນເອງ.