ເກີດແຜ່ນດິນໄຫວ ຄວາມແຮງ 2,7 ຣິກເຕີ ໃນບໍລິເວນ ແຂວງໄຊຍະບູລີ
February 27, 2023 - 9:23 AM
ກົມອຸຕຸນິຍົມ ແລະ ອຸທົກກະສາດ ລາຍງານສະພາບການເກີດແຜ່ນດິນໄຫວ ຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດ ໃນຂອບເຂດທົ່ວປະເທດ ຄັ້ງວັນທີ 27 ກຸມພາ 2023 ເວລາ 00:19 ໂມງ ໄດ້ພົບສັນຍານເກີດແຜ່ນດິນໄຫວ 1 ຄັ້ງໃນບໍລິເວນ ແຂວງໄຊຍະບູລີ ມີຈຸດສູນກາງ ເສັ້ນຂະໜານທີ່ 19.374 ອົງສາເໜືອ ແລະ ເສັ້ນແວງທີ່ 101.356 ອົງສາ ຕາເວັນອອກ, ຄວາມແຮງສັ່ນສະເທືອນວັດແທກໄດ້ 2.7 ຣິກເຕີ ເຊິ່ງມີຄວາມເລິກຈາກເທິງໜ້າດິນປະມານ 4 ກິໂລແມັດ ຈຸດສູນກາງເກີດ ແຜ່ນດິນໄຫວຢູ່ທີ່ບໍລິເວນບ້ານດອຍກາວ ເມືອງໄຊສະຖານ ແຂວງໄຊຍະບູລີ. ເຊີ່ງຈຸດເກິດແຜ່ນດິນໄຫວແມ່ນຫ່າງຈາກເທສະບານ ເມືອງໄຊສະຖານ ປະມານ 12 ກິໂລແມັດ.
ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
