ອາເຈນຕິນາ ຕໍ່ສັນຍາ ສະກາໂລນີຢູ່ຄຸມທີມຕໍ່ ລຸ້ນປ້ອງກັນແຊ້ມບານໂລກ 2026 ສະຫລອງ ລາງວັນໂຄ໋ດແຫ່ງປີ 2022 ຂອງຟີຟາ
February 28, 2023 - 11:00 AM
ວັນທີ 28 ກຸມພາ 2023, ສະຫະພັນບານເຕະອາເຈນຕິນາ (ເອເອຟເອ) ປະກາດຂະຫຍາຍສັນຍາກັບ ລີໂອເນລ ສະກາໂລນີ ຄູຝຶກສອນອາຍຸ 44 ປີ ອອກໄປຈົນເຖິງປີ 2026 ຫລັງຈາກສ້າງຜົນງານໄດ້ຢ່າງໂດດເດັ່ນດ້ວຍການພາທີມຄວ້າແຊ້ມບານໂລກ 2022 ທີ່ກາຕ້າ ຖືເປັນແຊ້ມໂລກສະໄໝທີ 3 ຂອງ “ຟ້າຂາວ” ຕໍ່ຈາກ 1978 ແລະ 1986.
ທັງນີ້ ທ່ານ ເຄລາດີໂອ ທາເປຍ ປະທານ AFA ໄດ້ເດີນທາງໄປເມືອງປາຣີ ປະເທດຝຣັ່ງ, ພ້ອມກັບ ສະກາໂລນີ ຜູ້ທີ່ຊະນະລາງວັນຄູຝຶກສອນທີ່ດີທີ່ສຸດຂອງປີສໍາລັບຜູ້ຊາຍ ໃນພິທີມອບລາງວັນນັກເຕະດີເດັ່ນແຫ່ງປີ “The Best FIFA Football Awards 2022” ເພື່ອຈັດການຂະຫຍາຍສັນຍາໃຫ້ສຳເລັດກ່ອນການປະກາດຢ່າງເປັນທາງການ.
