ລີໂອເນລ ເມສຊີ ໃຈດີແຈກ ໄອໂຟນຄຳ ໃຫ້ນັກເຕະ-ຄູຝຶກ ອາເຈນຕີນາສະຫລອງແຊ໊ມໂລກ

ລີໂອເນລ ເມສຊີ ຈົກທຶນຕົນເອງໃນການຊື້ໄອໂຟນຄຳ ຈຳນວນ 35 ເຄື່ອງໃນການແຈກໃຫ້ກັບນັກເຕະ ແລະ ຄະນະຄູຝຶກທີມຊາດອາເຈນຕີນາເພື່ອເປັນຂອງຂວັນສະຫລອງແຊ໊ມບານໂລກ 2022.

ສຳລັບ ເມສຊີ ພ້ອມກັບທີມຊາດອາເຈນຕີນາຄວ້າລາງວັນແຊ໊ມບານເຕະໂລກ 2022 ໄປຄອງຫລັງເອົາຊະນະການຍິງລູກໂທດກັບຝຣັ່ງ ໃນຮອບຊີງຊະນະເລີດ ພ້ອມເປັນແຊ໊ມໂລກສະໄຫມທຳອິດຂອງດາວເຕະອາຍຸ 35 ປີລາຍນີ້ນຳອີກ.

ຫລ້າສຸດມີລາຍງານວ່າ ເມສຊີ ໄດ້ທຸ່ມເງິນກວ່າ 175,000 ປອນ ໃນການຊື້ໄອໂຟນ 14 ຄຳ ຈຳນວນ 35 ເຄື່ອງເຊິ່ງມີການອອກແບບພິເສດທີ່ໃສ່ໂລໂກ້ຂອງສະມາຄົມບານເຕະອາເຈນຕີ ເພື່ອແຈກຫມູ່ຮ່ວມທີມອາເຈນຕີນາ ລວມເຖິງທີມຄະນະຄູຝຶກໃນການສະຫລອງແຊ໊ມບານໂລກ.

ນອກຈາກນັ້ນ ໄອໂຟນຂອງນັກເຕະອາເຈນຕີນາ ທີ່ ເມສຊີ ມອບໃຫ້ນັ້ນຈະມີການສະລັກຊື່ຂອງຕົວເອງລົງໄປເພື່ອຄວາມເປັນເອກະລັກນຳອີກ.

ແຫລ່ງຂ່າວລະບຸວ່າ ເມສຊີ ຕ້ອງການຕ້ອງການທຳບາງສິ່ງທີ່ພິເສດ ແລະ ສະໜຸກສະໜານ ເພື່ອສະເຫລີມສະຫລອງໄລຍະເວລາທີ່ລາວພາກພູມໃຈທີ່ສຸດ ພ້ອມຮ່ວມອອກແບບນຳອີກ.