ດັອດມຸນ ເປີດບ້ານເອົາຊະນະ ໄລບຊິກ ແຊງ ບາເຢີນ ຂຶ້ນຈ່າຝູງ ບຸນເດສລິກາ

ການແຂ່ງຂັນບານເຕະ ບຸນເດສລິກາ ເຢຍລະມັນ ລະດູການ 2022-2023 ເມື່ອຄືນວັນສຸກທີ 3 ມີນາ 2023 “ເສືອເຫລືອງ” ໂບຣຸສເຊຍ ດັອດມຸນ ເປີດສະໜາມ ໄອດູນາ ປາກ ຕ້ອນຮັບການມາຢາມຂອງ ອາບີ ໄລບຊິກ.

ເປີດເຄິ່ງເວລາທຳອິດມາຮອດນາທີ 13 ດັອດມຸນ ເກືອບໄດ້ປະຕູຂຶ້ນນຳ ເມື່ອ ຈູລຽນ ແບຣນດ໌ ຍິງເຂົ້າປະຕູ ແຕ່ VAR ກວດວ່າບານໄດ້ຖືກມືກ່ອນແລ້ວ.

ຈາກນັ້ນ, ໃນນາທີ 21 ດັອດມຸນ ໄດ້ລູກຈຸດໂທດ ແລະ ມາໂກ ຣອຍສ ຮັບໜ້າທີ່ຍິງປະຕູ ເຮັດໃຫ້ ດັອດມຸນ ຂຶ້ນນໍາ 1-0.

ມາເຖິງນາທີ 39 ດັອດມຸນ ໜີຫ່າງເປັນ 2-0 ເມື່ອ ມາໂກ ຣອຍສ ເປີດບານເຂົ້າກອບເຂດໂທດ. ຜູ້ຫລິ້ນທີມຢາມໄດ້ສະກັດເອົາທາງ ເອມເນລ ຊານ ແລະ ຍິງເຂົ້າປະຕູໄດ້ ກ່ອນຈົບເຄິ່ງເວລາທໍາອິດດ້ວຍຄະແນນນີ້.

ກັບມາຫລິ້ນໃນເຄິ່ງເວລາທີສອງ, ໃນນາທີ 74, ໄລບຊິກ ໄລ່ມາເປັນ 1-2 ຈາກການຍິງຂອງ ຟອສເບີກ.

ໃນຊ່ວງເວລາທີ່ເຫລືອທັງສອງທີມບໍ່ສາມາດເຮັດຫຍັງໄດ້ອີກ ທ້າຍເກມ ດັອດມຸນ ເອົາຊະນະ ໄລບຊິກ 2-1 ເກັບເພີ່ມເປັນ 49 ຄະແນນ, ແຊງ ບາເຢິນ ມິວນິກ ຂຶ້ນນໍາເປັນທີ 1 ແຕ່ແຂ່ງຫລາຍກວ່າ 1 ນັດ.