ໂຈຊົວ ຢືນຢັນຂຶ້ນຊົກກັບ ປູເລຟ ທ້າຍເດືອນຕຸລານີ້

ແອນໂທນີ ໂຈຊົວ ແຊ໊ມ ໂລກຊາວ ອັງກິດ ຢືນຢັນກຽມ ຂຶ້ນຊົກປ້ອງກັນຕຳແໜ່ງແຊ໊ມໂລກຮຸ່ນເຮຟວີເວດ ຂອງສະ ຫະພັນມວຍນາໆຊາດ ຫຼື (IBF) ແລະ ສະມາຄົມມວຍ ໂລກ ຫຼື (WBA) ກັບ ຄູ ບຣາດ ປູເລຟ ຜູ້ທ້າຊິງຊາວ ບັລແກເຣຍ ທີ່ສະໜາມປຣິນ ຊິປາລິຕີ ໃນນະຄອນຫຼວງຄາ ດິຟ ລັດເວລ ໃນວັນທີ 28 ຕຸລານີ້.
ສຳລັບການຊົກຄັ້ງນີ້ຈະ ເກີດຂຶ້ນຫຼັງຈາກທີ່ ໂຈຊົວ ເອົາ ຊະນະ ວະລາດິເມຍ ຄລິດໂກ ອະດີດແຊ໊ມຊາວ ຢູເຄຣນ ໃນ ເດືອນເມສາຜ່ານມາພຽງ 6 ເດືອນ ໂດຍລາວເອງຢືນຢັນ ວ່າຕ້ອງການທີ່ຈະຂຶ້ນສັງວຽນເຕັມທີ່ແລ້ວ.
“ຂ້ອຍຕ້ອງການທີ່ຈະ ຂຶ້ນສັງວຽນອີກຄັ້ງ ຫຼັງການ ຊົກທີ່ ເວມບລີ ຂ້ອຍຈະຂໍມຸ່ງ ໝັ້ນກັບການຊົກຄັ້ງທີ 20 ໃນ ອີກ 8 ອາທິດຂ້າງໜ້າ ຂ້ອຍ ຕື່ນເຕັ້ນທີ່ຈະໄດ້ສຳຜັດກັບບັນຍາກາດໃນສະໜາມທີ່ປີ້ຂາຍໝົດກ້ຽງ ແລະ ຫວັງຈະມອບ ຄ່ຳຄືນທີ່ດີເດັ່ນໃຫ້ກັບກອງ ເຊຍມວຍທຸກຄົນ” ໂຈຊົວ ກ່າວ.