ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ

ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - IMG 088 - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ
ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - kitchen vibe - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ

ວັນທີ 10 ມີນາ 2023 ນີ້, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານອວຍພອນເຖິງ ສະຫາຍ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງ ພັກກອມມູນິດຈີນ, ປະທານປະເທດ ແຫ່ງ ສາທາລະນະລັດ ປະຊາຊົນຈີນເນື່ອງໃນໂອກາດທີ່ສະຫາຍໄດ້ຮັບການເລືອກຕັ້ງຈາກກອງປະຊຸມຄົບຄະນະຄັ້ງທີ 1 ຂອງສະພາຜູ້ແທນປະຊາຊົນທົ່ວປະເທດ ຈີນ ສະໄໝທີ XIV ໃຫ້ດຳລົງຕໍາແໜ່ງເປັນປະທານປະເທດ ແຫ່ງ ສາທາລະນະລັດ ປະຊາຊົນຈີນ ອີກວາລະໜຶ່ງ ເປັນສະໄໝທີ 3.

ເນື້ອໃນສານລະບຸວ່າ: ຕາງໜ້າໃຫ້ລັດຖະບານ ແລະ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າຂໍຖືເປັນກຽດສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງສະຫາຍ, ການທີ່ ສະຫາຍໄດ້ຮັບເລືອກຕັ້ງ ໃຫ້ດຳລົງຕຳແໜ່ງອັນສູງສົ່ງອີກໜຶ່ງສະໄໝ ເປັນການສະແດງເຖິງຄວາມໄວ້ເນື້ອເຊື່ອໃຈ ແລະ ການຕີລາຄາສູງ ຂອງພັກ, ລັດ ແລະ ປະຊາຊົນຈີນ ຕໍ່ບົດບາດ ແລະ ຄວາມປີຊາສາມາດໃນການຊີ້ນຳນຳພາ ທີ່ເຕັມໄປດ້ວຍປະສົບການອັນອຸດົມສົມບູນ ແລະ ຜົນງານອັນໂດດເດັ່ນ ຂອງ ສະຫາຍ ໃນພາລະກິດສ້າງສາພັດທະນາ ປະເທດຈີນ ຕາມທິດທາງ ແລະ ສີສັນພິເສດ ຂອງພັກກອມມູນິດຈີນ ໄດ້ວາງອອກ.

ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - Visit Laos Visit SALANA BOUTIQUE HOTEL - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ

ຂ້າພະເຈົ້າເຊື່ອໝັ້ນຢ່າງໜັກແໜ້ນວ່າພາຍໃຕ້ການນຳພາອັນສະຫລາດສ່ອງໃສ ຂອງພັກກອມມູນິດຈີນ ທີ່ມີສະຫາຍເປັນແກນກາງນັ້ນຈະເຮັດໃຫ້ພາລະກິດສ້າງສາປະເທດຈີນ ເຕັມໄປດ້ວຍທັດສະນະໃໝ່, ແນວຄິດໃໝ່ ແລະ ຍຸດທະສາດໃໝ່ ເພື່ອປົກຄອງລັດ-ບໍລິຫານປະເທດ ໃຫ້ມີຄວາມເຂັ້ມແຂງຮອບດ້ານ, ເຊິ່ງຈະເຮັດໃຫ້ພາລະກິດສ້າງສາສັງຄົມນິຍົມແບບສີສັນພິເສດຂອງຈີນນັ້ນປະສົບຜົນສຳເລັດຢ່າງໃຫຍ່ຫລວງ, ຮອບດ້ານ, ມີລັກສະນະປະຫວັດສາດ ແລະ ກາຍເປັນພື້ນຖານອັນໜັກແໜ້ນ ເພື່ອບັນລຸເປົ້າໝາຍສູ້ຊົນ 100 ປີ ເຫດການທີສອງ ແລະ ຄວາມຝັນຂອງຈີນ ໃນການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງປະຊາຊາດຈີນ ຢ່າງຮອບດ້ານ, ສ້າງສາປະເທດຈີີນ ໃຫ້ເປັນປະເທດສັງຄົມນິຍົມທີ່ທັນສະໄໝ, ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມມີຄວາມສາມັກຄີກົມກຽວປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ ໃຫ້ປະກົດຜົນເປັນຈິງ.

ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອ ແລະ ຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ແລະ ການເປັນຄູ່ຮ່ວມຊະຕາກໍາ ລາວ-ຈີນ, ຈີນ-ລາວ ຈົ່ງໄດ້ຮັບການເສີມຂະຫຍາຍໃຫ້ແຕກດອກອອກຜົນຢ່າງບໍ່ຢຸດຢັ້ງ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ຈີນ ກໍຄື ເພື່ອພາລະກິດສັນຕິພາບ, ມິດຕະພາບ ແລະ ການພັດທະນາແບບຍືນຍົງຢູ່ໃນພາກພື້ນ ແລະ ໃນໂລກ.

ອວຍພອນໃຫ້ ສະຫາຍ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດອັນໃໝ່ ໃຫຍ່ຫລວງກວ່າເກົ່າ ໃນພາລະກິດອັນສູງສົ່ງ ແລະ ມີກຽດສະຫງ່າ ຂອງສະຫາຍ.

ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - 5 - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ
ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - 4 - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ
ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ - 3 - ປະທານປະເທດ ແຫ່ງ ສປປ ລາວ ສົ່ງສານອວຍພອນ ສະຫາຍ ສີຈິ້ນຜິງ ທີ່ໄດ້ດຳລົງຕຳແໜ່ງປະທານປະເທດ ສປ ຈີນ ອີກວາລະໜຶ່ງ