ບາຊາ ສ່ຽງສູນເສຍ ກາບີ ອີກຮອບ ຫລັງສານຄືນຄຳຕັດສິນບໍ່ໃຫ້ລົງທະບຽນ ເປັນນັກເຕະໃນທີມຊຸດໃຫຍ່

ຍັງເປັນບັນຫາທີ່ຍັງເຄ່ຍກັນບໍ່ຈົບລະຫວ່າງ ບາເຊໂລນາ ກັບທາງ ລາລີກາ ສະເປນ ເມື່ອມີລາຍງານວ່າ ສານແຫ່ງປະເທດສະເປນ ໄດ້ປິີ້ນຄຳຕັດສິນໃຈດັ່ງກ່າວບໍ່ໃຫ້ ກາບີ ນັກເຕະດາວຮຸ່ງປະຈຳທີມໄດ້ລົງທະບຽນເປັນຜູ້ຫລິ້ນໃນທີມຊຸດໃຫຍ່ຂອງ “ເຈົ້າບຸນທຸ່ມ” ອີກຄັ້ງ

ຍ້ອນໄປກ່ອນນີ້ ກາບີ ໄດ້ເຊັນສັນຍາສະບັບໃຫມ່ຢູ່ທີ່ ແຄັມນູ ຈົນກ່ວາ 2026, ແຕ່ທາງ ລາລີກາ ບໍ່ອະນຸຍາດໃຫ້ດາວຮຸ່ງຊາວສະເປນ. ໄດ້ລົງທະບຽນເປັນຜູ້ຫລິ້ນໃນລີກຍ້ອນ ບາຊາ ລະເມີດກົດລະບຽບທາງດ້ານການເງິນ ຈ່າຍເກີນຄ່າຈ້າງໃນທີມເກີນກວ່າກຳນົດ ແລະ ຖ້າຫາກຈະລົງທະບຽນໃຫ້ ກາບີ ມີຊື່ລົງຫລິ້ນໃນລີກ ກໍ່ຕ້ອງໄປຫລຸດຄ່າຈ້າງຂອງນັກເຕະໃນທີມລົງອີກ 200 ລ້ານປອນ

ຢ່າງໃດກໍຕາມ, ຕົວແທນຈາກທາງ ບາເຊໂລນາ ແຈ້ງວ່າພວກເຂົາບໍ່ໄດ້ຊັກຊ້າໃນການຍື່ນຟ້ອງ ແລະ ຢືນຢັນວ່າ ກາບີ ຈະມີຊື່ກັບທີມຊຸດໃຫຍ່ຄືເກົ່າ ລວມທັງຈະຕໍ່ສູ້ເພື່ອເຮັດໃຫ້ນັກເຕະທີ່ພວກເຂົາເຈົ້າບໍາລຸງລ້ຽງມາຕະຫລອດເປັນກໍາລັງສໍາຄັນຂອງທີມໃນອະນາຄົດ.