ສປ ຈີນ ສົ່ງມອບກຳປັ່ນບັນທຸກຕູ້ເກັບສິນຄ້າ ໃຫຍ່ທີ່ສຸດໃນໂລກ
March 15, 2023 - 8:00 AM

ຕາມຂ່າວຈາກ China Media Group(CMG),ສປ ຈີນ ສົ່ງມອບ ກຳປັ່ນ ບັນທຸກ ຕູ້ເກັບ ສິນຄ້າ ໃຫຍ່ທີ່ສຸດ ໃນໂລກ ໃຫ້ລູກຄ້າແລ້ວ ໂດຍມີ ການຕິດຕັ້ງ ອຸປະ ກອນ ທັນສະໄໝຕ່າງໆ ທີ່ຊ່ວຍ ໃຫ້ບັນທຸກ ສິນຄ້າ ໄດ້ຫລາຍຂຶ້ນ ແຕ່ຫລຸດ ການໃຊ້ ເຊື້ອເພີງ ແລະ ພະລັງງານ ຄາບອນ ໂດຍສາມາດ ຫລຸດການປ່ອຍ ອາຍແກັສ ຄາ ບອນໄດ້ 3-4% ຫລື ປະມານ 6.000ໂຕນຕໍ່ປີ. “Mediterranean Tessa” ແມ່ນກຳປັນ ບັນທຸກ ຕູ້ເກັບ ສິນຄ້າ ຂະໜາດ ໃຫຍ່ທີ່ສຸດ ມີຄວາມຈຸ 24.116 TEUsໄດ້ຮັບການສົ່ງມອບແລ້ວ ທີ່ນະຄອນຊຽງໄຮ້ ມີຄວາມຍາວ ເກືອບ 400 ແມັດ ມີພື້ນທີ່ ເທິງດາດຟ້າ ເທົ່າກັບ 4 ສະໜາມ ກິລາ ບານເຕະ ມາດຕະຖານ ສາມາດ ບັນຈຸ ສິນຄ້າ ໄດ້ເຖິງ 240.000ໂຕນ.ກຳປັ່ນລຳນີ້ ສາມາດ ບັນທຸກ ສິນຄ້າ ຕັ້ງແຕ່ ສິນຄ້າ ອຸດສາຫະກຳໜັກ ຈົນເຖິງ ສິນຄ້າ ທົ່ວໄປ ຖືກສົ່ງມອບ ໃຫ້ກັບ ບໍລິສັດ Mediterranean Shipping ຈຳກັດ ທີ່ເຈນີວາ ປະເທດ ສະວິດ ຊຶ່ງເປັນ ບໍລິສັດ ຂົນສົ່ງ ແຫ່ງໃຫຍ່ສຸດ ໃນໂລກ ເພື່ອນຳໃຊ້ ການຂົນສົ່ງ ສິນຄ້າ ລະຫວ່າງ ອາຊີ ແລະ ເອີຣົບ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ