ຄຣິສຕຽນໂນ ໂຣນັລໂດ ຍັງມີຊື່ຕິດທີມຊາດໂປຣຕຸເກສ ຊຸດຄັດເລືອກຢູໂຣ 2024
March 16, 2023 - 11:09 AM
ສື່ລາຍງານ ໂຣແບໂຕ ມາຕີເນສ ຜູ້ຈັດການທີມຄົນໃຫມ່ທີມຊາດໂປຣຕຸເກສຈະຮຽກ ຄຣິສຕຽນໂນ ໂຣນັລໂດ ກອງໜ້າຊຸບເປີສະຕາ ມາຕິດທີມຊາດ ຊຸດສູ້ເສິກບານເຕະຢູໂຣ 2024 ຮອບຄັດເລືອກທີ່ພວມມາເຖິງ.
ໂດຍອະນາຄົດຂອງ ໂຣນັລໂດ ກັບທີມຊາດໂປຣຕຸເກສ ຍັງເຕັມໄປດ້ວຍເຄື່ອງຫມາຍຄຳຖາມຫລັງລາວສ້າງຜົນງານໄດ້ບໍ່ຄ່ອຍດີໃນບານໂລກ 2022 ທີ່ຜ່ານມາ ແລະ ປັດຈຸບັນລາວກໍມີອາຍຸສູງເຖິງ 38 ປີແລ້ວ.
ຫລ້າສຸດ The Athletic ສື່ຊັ້ນນຳລະບຸວ່າ ມາຕີເນສ ຫົວໜ້າທີມຄົນໃຫມ່ໂປຣຕຸເກສ ຈະຮຽກຕົວ ໂຣນັລໂດ ກອງໜ້າ ອັລນາສເຊີ ມາຕິດທີມຊາດໃນການຫລິ້ນຮອບຄັດເລືອກບານເຕະຢູໂຣ 2024 ທີ່ພວກເຂົາຈະພົບກັບ ລິກເກນສະໄຕ ແລະ ລັກແຊມເບີກ ວັນທີ 23 ມີນາ ແລະ 26 ມີນາ ຕາມລຳດັບ ຫລັງມີການໄດ້ເຈລະຈາກັບນັກເຕະໃນໄລຍະອາທິດນີ້.
ປັດຈຸບັນ ໂຣນັລໂດ ລົງຫລິ້ນໃຫ້ໂປຣຕຸເກສໄປແລ້ວທັງຫມົດ 196 ນັດລວມທຸກລາຍການໄດ້ 118 ປະຕູ.
