ຫລຸຍ ດີອາສ ໂຕບຸກຄົນສຳຄັນຂອງ ລິເວີພູລ ກຽມຄືນສະໜາມຊ່ວຍຫົງແດງ ນັດໄປຢາມ ແມນ ຊິຕີ້ ຫລັງເຈັບຍາວແຕ່ເດືອນຕຸລາປີກ່ອນ

ຫລຸຍ ດິອາສ ແນວບຸກຟອມແຮງຂອງ ລິເວີພູລ ກຽມຈະກັບມາລົງຫລິ້ນໃຫ້ກັບ “ຫົງແດງ” ໃນເກມພຣີເມຍລີກ ໄປຢາມ ແມນເຊັສເຕີ ຊິຕີ້ ໃນຕົ້ນເດືອນເມສານີ້.

“ຫົງແດງ” ບໍ່ມີຄິວລົງຫລິ້ນໃນອາທິດນີ້. ເນື່ອງຈາກວ່າມັນເປັນໂປຣແກຣມຂອງ FA Cup ແລະ ຫລັງຈາກນັ້ນກໍ່ເຂົ້າສູ່ການພັກເຕະທີມຊາດ. ເຊິ່ງນີ້ຫມາຍຄວາມວ່າລູກທີມຂອງ ເຈເກັນ ຄຣັອບ ຈະບໍ່ໄດ້ລົງສະໜາມເຖິງ 16 ມື້.

ຢ່າງໃດກໍ່ຕາມ, ລິເວີພູລ, ທີ່ຜິດຫວັງໃນສອງເກມຫລ້າສຸດຂອງພວກເຂົາ (ເສຍໃຫ້ ບອນມັດ ແລະ ເຣອັລ ມາດຣິດ ຕົກຮອບ UEFA Champions League), ຕ້ອງພົບກັບເກມທີ່ໂຫດທັນທີຫລັງຈາກ FIFA Day. ເມື່ອພວກເຂົາຕ້ອງໄປຢ້ຽມຢາມສະຫນາມກິລາ ເອຕິຮັດ ສະເຕດ້ຽມ.

ເຖິງຢ່າງໃດກໍ່ຕາມ ກໍ່ຍັງມີຂ່າວດີເມື່ອ “ເດິ ແອັລເລຕິກ” ສື່ມາດຕະຖານລະດັບສູງ ລາຍງານວ່າ ນາຍໃຫຍ່ຊາວເຢຍລະມັນ ຈະສາມາດໃຊ້ງານ ດິອາສ ທີ່ບໍ່ໄດ້ຊ່ວຍທີມນັບຕັ້ງແຕ່ໄດ້ຮັບບາດເຈັບເມື່ອເດືອນຕຸລາ ໃນ​ເກມ​ທີ່​ສໍາ​ຄັນ​ນີ້​.