ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່

- Untitled design - ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່

- Gangs 300x185 - ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່     ແຫລ່ງຂ່າວທ້ອງຖິ່ນລາຍງານວ່າ: ໃນວັນທີ 21 ມີນານີ້, ເຈົ້າໜ້າທີ່ຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍລິຄຳໄຊ ໄດ້ລົງສົມທົບອຳນາດການປົກຄອງ ແລະ ເຈົ້າໜ້າທີ່ເມືອງທ່າພະບາດ ພາຍໃນແຂວງຂອງຕົນ ເຂົ້າກວດຄົ້ນເຮືອນເປົ້າໝາຍຫລັງໜຶ່ງຢູ່ເມືອງດັ່ງກ່າວ ສາມາດຢຶດຂອງກາງປະເພດຢາບ້າຈຳນວນ 12.000 ເມັດ, ກັນຊາອັດແທ່ງ 2 ແທ່ງໃຫຍ່ ແລະ 12 ແທ່ງນ້ອຍ, ອາວຸດປືນ (ປືນສັ້ນ) 2 ກະບອກ, ລູກປືນ 27 ລູກ, ມີດ 1 ດວງ, ພ້ອມໂທລະສັບມືຖື 5 ໜ່ວຍ, ເງິນກີບ 640.000 ກີບ, ເງິນບາດໄທຈຳນວນ 2.000 ບາດ, ລົດຈັກ 4 ຄັນ ພ້ອມວັດຖຸມີຄ່າຈຳນວນໜຶ່ງ ແລະ ສາມາດຈັບຕົວຜູ້ຕ້ອງຫາໄດ້ 10 ຄົນຄື: 1. ທ້າວ ນັດທະພົງ ອາຍຸ 22 ປີ ຢູ່ບ້ານໜອງແສງ, 2. ທ້າວ ນັນທະວັດ ອາຍຸ 19 ປີ ຢູ່ບ້ານຄຳແສນ, 3. ທ້າວ ພົງເທບ ອາຍຸ 22 ປີ ບ້ານນາຈະເລີນ, 4. ນາງ ກິລາຄອນ (ປາ) ອາຍຸ 17 ປີ ບ້ານໂນນສະຫວ່າງ ທັງ 4 ຄົນນີ້ຢູ່ເມືອງບຶງການ ແຂວງບຶງການ ປະເທດໄທ, 5. ທ້າວ ບຸນມາ ແກ້ວບົວບານ ອາຍຸ 37 ປີ ຢູ່ບ້ານເລົ່າ ເມືອງທ່າແຂກ ແຂວງຄຳມ່ວນ, 6. ທ້າວ ດາລານີ ອາຍຸ 25 ປີ ຢູ່ບ້ານສີວິໄລ ເມືອງໂພນໂຮງ ແຂວງວຽງຈັນ, 7. ນາງ ມຸກ ອາຍຸ 18 ປີ ຢູ່ບ້ານໂພນສີ ເມືອງນາຊາຍທອງ ນະຄອນຫລວງວຽງຈັນ ແລະ 8. ທ້າວ ລຳເງິນ ອາຍຸ 50 ປີ ບ້ານທ່າບົກ ເມືອງທ່າພະບາດ, 9. ນາງ ຄູນຄຳ ອາຍຸ 17 ປີ ຢູ່ບ້ານຄຳບອນ ເມືອງປາກຊັນ, 10. ນາງ ນິ້ມ ອາຍຸ 19 ປີ ຢູ່ບ້ານສົມສະໜຸກ ເມືອງປາກກະດິງ. ດັ່ງນັ້ນ ທາງເຈົ້າໜ້າທີ່ ປກສ ແຂວງບໍລິຄຳໄຊ ຈຶ່ງໄດ້ກັກຕົວຜູ້ກະທຳຜິດທັງໝົດມາດຳເນີນການສືບສວນ-ສອບສວນຕາມຂັ້ນຕອນຂອງກົດໝາຍ ເພື່ອຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີ.

ຂ່າວໃຫ້ຮູ້ອີກວ່າ: ໃນວັນທີ 26 ມີນານີ້, ກອງກໍ່ສ້າງຮາກຖານ 912 ປະຈຳບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ສົມທົບກັບເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດເມືອງດັ່ງກ່າວ ເຂົ້າຈັບກຸມເປົ້າໝາຍຄ້າຂາຍຢາເສບຕິດຈຳນວນ 2 ຄົນຄື: ທ້າວ ພັນ ເພັດພິລາ ອາຍຸ 46 ປີ ພ້ອມທັງຂອງກາງຢາບ້າ 2.326 ເມັດ ແລະ ນາງ ອຸ່ນແກ້ວ ອາຍຸ 55 ປີ ອາຊີບຊາວນາ ພ້ອມຂອງກາງຢາບ້າ 4.600 ເມັດ ທັງສອງຢູ່ບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ. ຜ່ານການກວດຄົ້ນເຮືອນຂອງນາງ ອຸ່ນແກ້ວ ຍັງພົບແປ້ງສີແດງຈຳນວນ 22 ກິໂລ, ແປ້ງຝຸ່ນສີຂາວ 10 ກິໂລ, ແປ້ງຝຸ່ນສີນ້ຳຕານ 0,5 ກິໂລ, ໂທລະສັບ 4 ໜ່ວຍ, ເງິນໂດລາປອມ 50.400 ໂດລາ, ເງິນບາດໄທຈຳນວນ 110.000 ບາດ ແລະ ອາວຸດເສິກປະເພດປືນສັ້ນ 1 ກະບອກ ພ້ອມລູກປືນ 36 ລູກ, ລູກປືນເບີ 2 ລູກ, ລູກປືນ AK 1 ລູກ.

- Wave100S AD to Website 2020 0 - ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່

ຜ່ານການສືບສວນ-ສອບສວນ ເບື້ອງຕົ້ນພວກກ່ຽວຮັບສາລະພາບວ່າ: ຂອງກາງຈຳນວນດັ່ງກ່າວແມ່ນຂອງພວກກ່ຽວແທ້ ເຊິ່ງໄດ້ຮັບມາຈາກຄົນມູເຊີ ຢູ່ປະເທດເພື່ອນບ້ານ. ປັດຈຸບັນ ເຈົ້າໜ້າທີ່ໄດ້ກັກຕົວພວກກ່ຽວ ເພື່ອສືບຕໍ່ດຳເນີນການສືບສວນ-ສອບສວນຫາຂະບວນການຄ້າຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍຕໍ່ໄປ.

- WhatsApp Image 2020 05 27 at 5 - ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່
- WhatsApp Image 2020 05 27 at 5 - ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່
error: Alert: ເນື້ອຫາຂ່າວມີລິຂະສິດ !!