ກຳປູເຈຍ-ສິງກະໂປ ລົງນາມຂໍ້ຕົກລົງ ການສົ່ງອອກພະລັງງານໝູນວຽນ

ສຳນັກຕ່າງປະເທດລາຍງານ: ວັນທີ 17 ມີນາ 2023, ບໍລິສັດ ໂຣຢອນ ກຣຸບ ພາວເວີຣ ຄອມປານີ ຈຳກັດ (RGP) ຂອງ ກຳປູເຈຍ ແລະ ບໍລິສັດ ເຄບເພລ ເອັນເນີຣຈີ ຈຳກັດ (KE) ຂອງ ສິງກະໂປ ໄດ້ລົງນາມຂໍ້ຕົກລົງ ກ່ຽວກັບການຈັດຊື້ພະລັງງານ ເພື່ອຈຳໜ່າຍ ແລະ ສົ່ງອອກ ພະລັງງານໝູນວຽນ ທີ່ຜະລິດຢູ່ພາຍໃນກຳປູເຈຍ ໄປຍັງສິງກະໂປ.

ຂໍ້ຕົກລົງດັ່ງກ່າວ ເປັນການຊຸກຍູ້ການພົວພັນ ລະຫວ່າງ ສອງຝ່າຍກ່ຽວກັບການພັດທະນາ ແລະ ດຳເນີນໂຄງການ ພະລັງງານໝູນວຽນ ຮ່ວມກັນໃນກຳປູເຈ ເພື່ອສົ່ງອອກ ພະລັງງານໝູນວຽນ ໄປຍັງສິງກະໂປ ຜ່ານສາຍສົ່ງໄຟຟ້າແຮງດັນສູງ ໃຕ້ນໍ້າໂດຍມີ ບໍລິສັດ ເຄບເພລ ເອັນເນີຣຈີ ຈຳກັດ (KE) ຂອງ ສິງກະໂປ ເປັນຜູ້ຮັບຊື້.