ຂໍ້ລິເລີ່ມຄວາມສິວິໄລຂອງໂລກຈະຊຸກຍູ້ໃຫ້ໂລກມີຄວາມຮຸ່ງເຮືອງເພີ່ມຂຶ້ນຫລາຍກວ່າເກົ່າ
March 18, 2023 - 2:30 PM
ວິທະຍຸສາກົນແຫ່ງປະເທດຈີນ (CRI) ໄດ້ລາຍງານວ່າ: ວັນທີ 15 ມີນາ 2023, ໃນກອງປະຊຸມສົນທະນາລະດັບສູງ ລະຫວ່າງພັກຄອມມູນິດຈີນ ກັບພັກການເມືອງໂລກ, ທ່ານ ສີຈິ້ນຜິງ ຜູ້ນຳສູງສຸດຂອງຈີນ ໄດ້ສະເໜີຂໍ້ ລິເລີ່ມຄວາມສິວິໄລຂອງໂລກ. ນີ້ແມ່ນທັດສະນະສາທາລະນະສາກົນ ທີ່ທ່ານ ສະເໜີອອກອີກຄັ້ງໜຶ່ງພາຍຫລັງໄດ້ສະເໜີຂໍ້ລິເລີ່ມການພັດທະນາຂອງ ໂລກ ໃນເດືອນກັນຍາປີ 2021 ແລະ ຂໍ້ລິເລີ່ມຄວາມໝັ້ນຄົງຂອງໂລກ ໃນ ເດືອນເມສາ ປີ 2022.
ເນື້ອໃນຕົ້ນຕໍຂໍ້ລິເລີ່ມຄວາມສີວິໄລຂອງໂລກລວມມີ ຮ່ວມກັນສົ່ງເສີມ ການເຄົາລົບຄວາມຫລາກຫລາຍສີສັນຂອງຄວາມສີວິໄລ, ຮ່ວມກັນສົ່ງເສີມ ການເສີມຂະຫຍາຍຄຸນຄ່າຮ່ວມຂອງມວນມະນຸດ, ຮ່ວມກັນສົ່ງເສີມການ ໃຫ້ຄວາມສຳຄັນຕໍ່ການສືບທອດ ແລະປະດິດສ້າງໃໝ່ຄວາມສີວິໄລ, ຮ່ວມກັນສົ່ງເສີມການເພີ່ມທະວີການແລກປ່ຽນ ແລະການຮ່ວມມື ດ້ານວັດທະນະທຳສາກົນ.
ທ່ານ ສີຈິ້ນຜິງ ກ່າວວ່າ: ຄວາມສີວິໄລຕ່າງກັນທີ່ຢູ່ຮ່ວມກັນແບບກວມລວມ, ແລກປ່ຽນກັນ ແລະຖອດຖອນບົດຮຽນເຊິ່ງກັນ ແລະກັນ, ມີບົດບາດທີ່ເຂົ້າແທນກັນບໍ່ໄດ້ໃນການຊຸກຍູ້ຂະບວນ ການຫັນສັງຄົມມະນຸດເປັນທັນສະໄໝ ແລະ ສ້າງຄວາມຈະເລີນຮຸ່ງເຮືອງດ້ານຄວາມສີວິໄລ ຂອງໂລກ. ນີ້ແມ່ນແນວຄິດທີ່ທ່ານ ສີຈິ້ນຜິງ ປະຕິບັດມາໂດຍຕະຫລອດ. ເດືອນມີນາ ປີ 2014.
ທ່ານ ສີຈິ້ນຜິງ ໄດ້ຢ້ຽມຢາມອົງການເພື່ອການສຶກສາ, ວິທະຍາສາດ ແລະວັດທະນະທຳແຫ່ງ ສປຊ ຫລື UNESCO ໄດ້ປາຖະກະຖາ ວ່າ ພວກເຮົາຄວນຊຸກຍູ້ໃຫ້ຄວາມສີວິໄລທີ່ຕ່າງກັນເຄົາລົບເຊິ່ງກັນ ແລະ ກັນ, ຢູ່ຮ່ວມກັນຢ່າງກົມກຽວ, ເພື່ອໃຫ້ການແລກປ່ຽນ ແລະການຖອດ ຖອນບົດຮຽນດ້ານຄວາມສີວິໄລກາຍເປັນຂົວຕໍ່ທີ່ເພີ່ມທະວີມິດຕະພາບ ຂອງປະຊາຊົນບັນດາປະເທດ, ເປັນແຮງຂັບເຄື່ອນທີ່ຊຸກຍູ້ຄວາມກ້າວໜ້າ ຂອງສັງຄົມ ແລະສາຍສຳພັນແຫ່ງການປົກປັກຮັກສາສັນຕິພາບໂລກ.
ຄວາມສີວິໄລມີຄວາມຫລາກຫລາຍສີສັນຍ້ອນການແລກປ່ຽນກັນ, ຄວາມສີວິໄລມີ ຄວາມອຸດົມສົມບູນຫລາຍຂຶ້ນຍ້ອນການຖອດຖອນ ບົດຮຽນເຊິ່ນກັນ ແລະກັນ.
ຄວາມທັນສະໄໝແບບຈີນແມ່ນຮູບແບບ ໃໝ່ດ້ານຄວາມສີວິໄລຂອງມວນມະນຸດ, ຄວາມທັນສະໄໝແບບຈີນ ກັບຄວາມສີວິໄລອື່ນໆຢູ່ໃນໂລກຈະຖອດຖອນບົດຮຽນເຊິ່ງກັນ ແລະກັນ，ເຊິ່ງຈະເຮັດໃຫ້ຄວາມສີວິໄລຂອງໂລກມີຄວາມຮຸ່ງເຮືອງເພີ່ມຂຶ້ນ ຫລາຍກວ່າເກົ່າ.
