ປະຊາຊົນ ພົບປາຫລາຍລ້ານຕົວຕາຍໃນແມ່ນ້ໍາ ອົດສະຕຣາລີ ຜົນມາຈາກຄື້ນຄວາມຮ້ອນ

ສຳນັກຂ່າວຕ່າງປະເທດລາຍງານວ່າ: ວັນທີ 17 ມີນາ ຜ່ານມາ, ປະຊາຊົນໃນເມືອງ ເມນິນດີ ລັດນິວເຊົາເວລ ປະເທດອົດສະຕຣາລີ ພົບປາຕາຍຈຳນວນຫລາຍລ້ານຕົວ ໃນແມ່ນ້ຳດາຣລິງ-ບາກາ, ດ້ານໜ່ວຍງານດ້ານແມ່ນ້ຳຂອງລັດກ່າວວ່າ: ເປັນຜົນມາຈາກຄື້ນຄວາມຮ້ອນ ປະຊາຊົນເລົ່າວ່າເຫດການໃນຄັ້ງນີ້ ເປັນເຫດການປາຕາຍຄັ້ງໃຫຍ່ທີ່ສຸດທີ່ເກີດຂຶ້ນໃນເມືອງ ເຊິ່ງເກີດຂຶ້ນໃນລັກສະນະນີ້ເມື່ອສາມປີກ່ອນ.

ສຳນັກງານອຸດສາຫະກຳພື້ນຖານຂອງລັດກ່າວວ່າ: ບັນຫາຄື້ນຄວາມຮ້ອນມີຄວາມຖີ່ຫລາຍຂຶ້ນ ຮຸນແຮງຂຶ້ນ ແລະ ຍາວນານຂຶ້ນ ເນື່ອງຈາກການປ່ຽນແປງສະພາບອາກາດທີ່ເກີດຈາກມະນຸດ ໂດຍພົບວ່າໂລກຮ້ອນເພີ່ມຂຶ້ນປະມານ 1,1 ອົງສາ ນັບແຕ່ຍຸກອຸດສາຫະກຳເລີ່ມຕົ້ນຂຶ້ນ ແລະ ອຸນຫະພູມຈະສູງຂຶ້ນເລື້ອຍໆ ເວັ້ນແຕ່ວ່າລັດຖະບານທົ່ວໂລກຈະຮ່ວມກັນຫລຸດການປ່ອຍມົນລະພິດລົງ.