ແຈ້ງໃຫ້ຮີບຮ້ອນແກ້ໄຂສາຍໄຟ ແລະ ສາຍສື່ສານຢູ່ໜ້າສະໜາມກິລາແຫ່ງຊາດ  ບໍ່ກາຍວັນທີ 26 ມີນາ 2023

ວັນທີ 17 ມີນາ 2023 ຜ່ານມາ, ພະແນກເຕັກໂນໂລຊີ ແລະ ການສື່ສານ ນະຄອນຫລວງວຽງຈັນ ອອກແຈ້ງການ ເລກທີ 244/ພຕສ ໃຫ້ຊາບວ່າ:  ບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ຢູ່ນະຄອນຫລວງວຽງຈັນ ທີ່ມີສາຍໂທລະສັບ, ສາຍເຄເບີ້ນ, ສາຍອິນເຕີເນັດ ແລະ ລາຍອື່ນໆຂອງຕົນທີ່ເກາະຫ້ອຍຕາມເສົາໄຟຟ້າ ຕາມທາງເລກ 13 ໃຕ້ ເຂດສວນວັດທະນະທໍາລ້ານຊ້າງ ເຊິ່ງຕັ້ງຢູ່ກົງກັນຂ້າມກັບສະໜາມກິລາແຫ່ງຊາດຫຼັກ 16 ຈົ່ງຮີບຮ້ອນລົງໄປແກ້ໄຂ ແລະ ນໍາເອົາລະບົບສາຍໂທລະຄົມມະນາຄົມ ຂອງຕົນອອກ ຫຼື ເອົາລົງດິນ ໃຫ້ສໍາເລັດກ່ອນ ວັນທີ 26 ມີນາ 2023 ຖ້າ ຫາກກາຍກໍານົດເວລາທາງຄະນະຮັບຜິດຊອບໂຄງການ ຈະຮື້ຖອນເສົາໄຟຟ້າ ອອກຈາກບໍລິເວນດັ່ງກ່າວ ແລະ ຈະບໍ່ຮັບຜິດຊອບຕໍ່ຄວາມເສຍຫາຍໃດໆທີ່ເກີດຂຶ້ນຂອງພວກທ່ານ.

ດັ່ງນັ້ນ, ຈຶ່ງໄດ້ແຈ້ງການມາຍັງບັນດາທ່ານເພື່ອຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້.