ຮອງລັດຖະມົນຕີ ກະຊວງ ປກສ ຮຽກຮ້ອງໃຫ້ກົມກວດກາ-ກວດການ ພ້ອມກັນຍົກສູງຄວາມຮັບຜິດຊອບໃນໜ້າທີ່ການເມືອງຂອງຕົນ

ວາລະສານປ້ອງກັນຄວາມສະຫງົບລາຍງານໃຫ້ຮູ້ວ່າ: ກົມກວດກາ-ກວດການ ກົມໃຫຍ່ການເມືອງ ປກສ ຈັດກອງປະຊຸມສະຫລຸບຕີລາຄາການເຄື່ີອນໄຫວວຽກງານກວດກາ-ກວດການ ປະຈຳປີ 2022 ແລະ ທາງທິດແຜນການປີ 2023 ຂຶ້ນໃນວັນທີ 21 ມີນາ 2023 ເປັນກຽດເຂົ້າຮ່ວມໂດຍ ທ່ານ ພົຕ ວັນທອງ ກອງມະນີ ກໍາມະການສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ປກສ ທັງເປັນຜູ້ຊີ້ນຳວຽກງານກວດກາ-ກວດການ ກະຊວງ ປກສ.

ທ່ານຮອງລັດຖະມົນຕີ ກະຊວງ ປກສ ກ່າວວ່າ: ຮຽກຮ້ອງມາຍັງບັນດາຜູ້ແທນທີ່ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບໃນໜ້າທີ່ການເມືອງຂອງຕົນ, ສຸມທຸກສະຕິປັນຍາ ແລະ ນຳເອົາບົດຮຽນຈາກພຶດຕິກຳຕົວຈິງ ເຂົ້າໃນການປະກອບຄຳຄິດເຫັນ, ສິ່ງສໍາຄັນຕ້ອງຈຳແນກໃຫ້ເຫັນດ້ານດີຜົນງານ, ດ້ານອ່ອນຂໍ້ຄົງຄ້າງ, ສາເຫດຕົ້ນຕໍ ແລະ ວິທີແກ້ໄຂໃຫ້ຈະແຈ້ງ ເພື່ອເຮັດໃຫ້ກອງປະຊຸມມີເນື້ອໃນເລິກເຊິ່ງ, ໜັກແໜ້ນ ແລະ ມີບົດຮຽນທີ່ອຸດົມສົມບູນ ເຮັດໃຫ້ວຽກງານຕິດຕາມ-ກວດກາ ຢູ່ກໍາລັງປ້ອງກັນຄວາມສະຫງົບປະຊາຊົນໃນຕໍ່ໜ້າມີຄວາມເຕີບໃຫຍ່ເຂັ້ມແຂງ ແລະ ມີປະສິດທິພາບສູງຂຶ້ນ.

ທ່ານ ພັອ ບຸນລຽນ ສະອາດສີ ຮອງຫົວໜ້າກົມກວດກາ-ກວດການ ຜ່ານບົດສະຫຼຸບຕີລາຄາການເຄືີ່ອນໄຫວວຽກງານກວດກາ-ກວດການ ປະຈຳປີ 2022 ແລະ ທາງທິດແຜນການປີ 2023 ເຊິ່ງມີເນື້ອໃນບາງຕອນວ່າ ທົ່ວອົງຄະນະພັກກະຊວງປ້ອງກັນຄວາມສະຫງົບມີ 13 ອົງຄະນະພັກກົມໃຫຍ່ ແລະ ທຽບເທົ່າ, 2 ຄະນະພັກຮາກຖານ, ມີຮາກຖານພັກທັງໝົດ 299 ໜ່ວຍພັກ; ມີສະມາຊິກພັກທັງໝົດ 8.867 ຄົນ, ຍິງ 2.008 ຄົນ, ສະມາຊິກພັກສຳຮອງ 1.317 ຄົນ, ຍິງ 332 ຄົນ. ຜ່ານການຕີລາຄາແບ່ງປະເພດ ໃນປີ 2022 ເຫັນໄດ້ການຈັດຕັ້ງພັກທີ່ມີເງື່ອນໄຂຕີລາຄາແບ່ງປະເພດທັງໝົດ 271 ໜ່ວຍພັກ, ບໍ່ໄດ້ແບ່ງປະເພດ 6 ໜ່ວຍພັກ (ໜ່ວຍພັກທີ່ສ້າງຂຶ້ນໃໝ່); ໜ່ວຍພັກໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ 209 ໜ່ວຍ ເທົ່າກັບ 77,12%, ທຽບໃສ່ປີ 2021 ເພີ່ມຂຶ້ນ 16 ໜ່ວຍ ເທົ່າກັບ 8,29%; ສະມາຊິກພັກທີ່ມີເງື່ອນຕີລາຄາຈັດແບ່ງປະເພດມີ 8.281 ຄົນ, ຍິງ 1.908 ຄົນ, ບໍ່ໄດ້ແບ່ງ 586 ຄົນ, ຍິງ 100 ຄົນ (ຍ້ອນໄປສຶກສາ ແລະ ຍົກຍ້າຍມາໃໝ່), ຜ່ານການຕີລາຄາແບ່ງປະເພດມີສະມາຊິກພັກປະເພດແຂງ 7.963 ຄົນ, ຍິງ 1.841 ຄົນ ເທົ່າກັບ 96,15%, ສະມາຊິກພັກກາງ 283 ຄົນ, ຍິງ 61 ຄົນ ເທົ່າກັບ 3,41%, ສະມາຊິກພັກອ່ອນ 29 ຄົນ, 6 ຄົນ ເທົ່າກັບ 0,35% ແລະ ເສຍທາດ 6 ຄົນ ເທົ່າກັບ 0,07%. ອັນທີ່ພົ້ນເດັ່ນ ແມ່ນສາມາດກວດພົບສະມາຊິກພັກຈໍານວນໜຶ່ງຄຸນທາດການເມືອງບໍ່ໜັກແໜ້ນ, ຄຸນສົມບັດສິນທຳປະຕິວັດບໍ່ປອດໃສ, ເຄື່ອນໄຫວຜິດຕໍ່ກົດລະບຽບຂອງພັກ ແລະ ຖືກວິໄນຄື: ສະມາຊິກພັກຖືກວິໄນທັງໝົດ 16 ຄົນ, ຍິງ 4 ຄົນ; ໃນນີ້, ວິໄນອອກຈາກພັກ 4 ຄົນ, ລຶບຊື່ອອກຈາກພັກ 7 ຄົນ, ຍິງ 3 ຄົນ, ໂຈະຮ່ວມຊີວິດພັກ 6 ເດືອນ 5 ຄົນ, ຍິງ 1 ຄົນ.

ນອກຈາກນີ້, ໄດ້ເປັນເຈົ້າການໃນການຕິດຕາມ, ກວດກາຮາກຖານພັກຢູ່ກົມກອງທ້ອງຖິ່ນທັງໝົດ 18 ຮາກຖານພັກ, 478 ໜ່ວຍພັກ. ໃນນີ້, ໜ່ວຍພັກທີ່ໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະເພດແຂງ 286 ເທົ່າ 81,25%, ປະເພດກາງ 25 ໜ່ວຍພັກ ເທົ່າກັບ 7,10%, ປະເພດອ່ອນ 1 ໜ່ວຍພັກ ເທົ່າກັບ 0,29% ແລະ ບໍ່ໄດ້ຈັດປະເພດໜ່ວຍພັກ 40 ໜ່ວຍພັກ ເທົ່າກັບ 11,36% (ເປັນໜ່ວຍພັກສ້າງໃໝ່). ໃນນີ້, ມີແຂວງທີ່ບໍ່ໄດ້ຈັດແບ່ງປະເພດໜ່ວຍພັກຄື: ກອງບັນຊາການ ປກສ ແຂວງໄຊຍະບູລີ, ປກສ ບໍລິຄຳໄຊ, ປກສ ຄຳມ່ວນ, ປກສ ຈຳປາສັກ; ມີສະມາຊິກພັກທັງໝົດ 16.260 ຄົນ, ຍິງ 3.084 ຄົນ; ໃນນີ້, ມີສະມາຊິກພັກຜູ້ທີ່ມີເງື່ອນໄຂໃນການຕີລາຄາຈັດແບ່ງປະເພດທັງໝົດ 13.581 ຄົນ, ຍິງ 2.977 ຄົນ. ຜ່ານການຕີລາຄາຈັດແບ່ງປະເພດເຫັນວ່າມີສະມາຊິກພັກໄດ້ປະເພດແຂງ 11.955 ຄົນ, ຍິງ 2.368 ຄົນ ກວມ 88,03%, ປະເພດກາງ 777 ຄົນ, ຍິງ 77 ຄົນ ເທົ່າກັບ 5,72%, ປະເພດອ່ອນ 181 ຄົນ, ຍິງ 21 ຄົນ ເທົ່າກັບ 1,33% ແລະ ບໍ່ໄດ້ຈັດປະເພດ 668 ຄົນ, ຍິງ 230 ຄົນ. ບັນຫາທີ່ພົ້ນເດັ່ນກວດພົບສະມາຊິກພັກຈຳນວນໜຶ່ງທີ່ມີພຶດຕິກໍາຜິດຕໍ່ກົດລະບຽບຂອງພັກ, ກົດໝາຍຂອງລັດ ແລະ ຖືກວິໄນໃນຮູບການຕ່າງໆທັງໝົດ 120 ຄົນ, ຍິງ 8 ຄົນ. ໃນນີ້, ວິໄນອອກຈາກພັກ 35 ຄົນ, ຍິງ 2 ຄົນ, ລຶບຊື່ອອກຈາກພັກ 34 ຄົນ, ຍິງ 5 ຄົນ, ໂຈະຮ່ວມຊີວິດພັກ 6 ເດືອນ 51 ຄົນ, ຍິງ 1 ຄົນ.