ຕົວເລືອກເສີມເກມບຸກ, ແມນຢູ ສົ່ງນັກສືບສ່ອງຜົນງານຂອງ ຄາໂອຣຸ ມິໂຕມະ

ສື່ລາຍງານວ່າ ແມນເຊສເຕີ ຢູໄນເຕັດ ສົ່ງນັກສືບໄປເຝົ້າເບິ່ງຜົນງານຂອງ ຄາໂອຣຸ ມິໂຕມະ ປີກຕົວຫລັກຂອງ ໄບຣຕັນ ຫລາຍຄັ້ງ ໃນລະດູການນີ້ ຫລັງນັກເຕະສ້າງຜົນງານໄດ້ໂດດເດັ່ນກັບຕົ້ນສັງກັດ.

ໂດຍ ມິໂຕມະ ຍ້າຍຈາກ ຄາວາຊາກິ ຟຣຕອນຕາເລ ມາຢູ່ກັບ ໄບຣຕັນ ຕັ້ງແຕ່ປີ 2021 ກ່ອນຍ້າຍໄປຫລິ້ນໃຫ້ກັບ ອູນີຢົງ ແຊງ ຊິລລົວ ແບບຢືມຕົວເມື່ອລະດູການຜ່ານມາ.

ກ່ອນໃນລະດູການນີ້ດາວເຕະອາຍຸ 25 ປີຫາກໍໄດ້ຮັບໂອກາດລົງສະໜາມໃຫ້ ໄບຣຕັນ ແບບເຕັມຕົວ ແລະ ລາວກໍສ້າງຜົນງານໄດ້ຢ່າງໂດດເດັ່ນ ຈົນກາຍເປັນນັກເຕະທີ່ທີມຂາດບໍ່ໄດ້ ດ້ວຍສະຖິຕິຍິງ 9 ປະຕູ ກັບ 6 ແອສຊິສ ລວມທຸກລາຍການ.

ຈົນຫລ້າສຸດ ເດິ ຊັນ ສື່ໃນອັງກິດ ລະບຸວ່າ : ເອຣິກ ເທນ ຮາກ ຜູ້ຈັດການທີມ ແມນເຊສເຕີ ຢູໄນເຕັດ ໄດ້ສົ່ງນັກສືບໄປເບິ່ງຜົນງານຂອງ ມິໂຕມະ ໃນໄລຍະຫລາຍເກມຫລ້າສຸດ.

ໂດຍຄາດວ່າ ເທນ ຮາກ ເບິ່ງ ມິໂຕມະ ເປັນຫນຶ່ງໃນຕົວເລືອກສຳລັບການເສີມເກມບຸກຂອງ ແມນເຊສເຕີ ຢູໄນເຕັດ ໃນລະດູການໜ້າ ຫລັງພກວເຂົາກຽມປ່ອຍນັກເຕະຫລາຍຄົນໃນຕຳແໜ່ງດັ່ງກ່າວ ທັງ ອອງໂຕນີ ມາຊີຢາລ ແລະ ອັນໂຕນີ ອີລັງກາ.

ຈົນຫລ້າສຸດ ພອລ ບາເບີ ຜູ້ບໍລິຫານຂອງ ໄບຣຕັນ ຫາກໍອອກມາໃຫ້ສຳພາດວ່າ : ທີມຂອງພວກເຂົາບໍ່ມີຄວາມຈຳເປັນຕ້ອງຂາຍ ມິໂຕມະ ອອກຈາກທີມແຕ່ຢ່າງໃດ ຫລັງສະຖານະການເງິນຍັງເປັນປົກກະຕິດີ.