ສິງໂຕຄຳຣາມ ບຸກຊະນະ ອີຕາລີ ເຖິງບ້ານ 2-1 ຄວ້າ 3 ແຕ້ມທຳອິດ ຢູໂຣ 2024 ຮອບຄັດເລືອກ

ການແຂ່ງຂັນຮອບຄັດເລືອກ ຢູໂຣ 2024, ໃນວັນພະຫັດ 23 ມີນາຜ່ານມາ, ເກມຂອງກຸ່ມ C ຂອງອິຕາລີເປີດຢູ່ທີ່ສະຫນາມກິລາ ດີອາໂກ ອາມັນໂດ ມາຣາໂດນາ ໃນເມືອງເນເປີ້ນ. ຕ້ອນຮັບການມາຢາມຂອງ ອັງກິດ ເຊິ່ງຖືເປັນເກມລ້າງຕາ ຫລັງຈາກທີ່ “ແອສຊູຣີ” ບຸກໄປຢາມ “ສິງໂຕ” ດ້ວຍການຍິງຈຸດໂທດຢູ່ ເວມບລີ ໃນຮອບຊິງຊະນະເລີດ ຢູໂຣ 2020.

ເກມນີ້ “ສິງໂຕຄຳຣາມ” ເລີ່ມເກມໄດ້ດີໃນເຄິ່ງທໍາອິດ. ໄດ້ປະຕູຂຶ້ນນໍາ 1-0 ໃນນາທີ 13 ຈາກການຍິງຂອງ ດີແຄນ ໄຣຊ ກ່ອນທີ່ ແຮຣີ ເຄນ ຈະຍິງຈຸດໂທດໃຫ້ທີມຢາມ ໜີຫ່າງເປັນ 2-0 ໃນນາທີ 44, ເຊິ່ງເປັນປະຕູທີ 54 ຂອງລາວກັບທີມຊາດ ສົ່ງຜົນໃຫ້ເຂົາກາຍເປັນດາວຊັນໂວສູງສຸດຄົນໃໝ່ຂອງທີມຊາດອັງກິດ ແຊງໜ້າ ເວນ ຣຸນີ່ ທີ່ຍິງໄວ້ 53 ປະຕູຂອງ.

ເຂົ້າສູ່ເຄິ່ງເວລາທີ 2 “ແອສຊູຣີ” ໄດ້ປະຕູຂຶ້ນນຳ 1-2 ຈາກການຍິງຂອງ ມາເຕໂອ ເຣເຕກີ ໃນນາທີ 56, ຫລັງຈາກນັ້ນ ທີມເຈົ້າບ້ານກໍ່ບຸກໂຈມຕີຢ່າງໜັກ ຈົນມາເຖິງນາທີ 80 ທີມຢາມເຫລືອ 10 ຄົນ ລຸກ ຊໍ ໄດ້ຮັບໃບເຫລືອງທີສອງ ກາຍເປັນໃບແດງ, ໄລ່ອອກຈາກສະໜາມ. ແຕ່ສຸດທ້າຍທາງຝ່າຍເຈົ້າບ້ານ ທີ່ມີທ່າໄດ້ປຽບຜູ້ຫລິ້ນກໍ່ບໍ່ສາມາດຕີສະເໝີໄດ້, ຈົບເກມ ທີມຊາດອັງກິດ ບຸກໄປຊະນະ 2-1 ເກັບ 3 ຄະແນນໄດ້ສຳເລັດ.