ຣຽວ ມາດຣິດ ຕັ້ງເປົ້າຄວ້າຕົວ ຮາແລນ ຮ່ວມທີມໃນປີ 2024
March 24, 2023 - 8:40 PM
ຣຽວ ມາດຣິດ ຕັ້ງເປົ້າທີ່ຈະເຊັນສັນຍາກັບ ເອີລິງ ຮາແລນ ກອງໜ້າ ແມນເຊສເຕີ ຊິຕີ ມາຮ່ວມທີມໃນປີ 2024 ເຊິ່ງເປັນໄລຍະທີ່ຄ່າຈີກສັນຍາຂອງນັກເຕະມີຜົນໃຊ້ງານ.
ສຳລັບ ຮາແລນ ສ້າງຜົນງານໃຫ້ກັບ ແມນ ຊິຕີ ໄດ້ຢ່າງໜ້່າປະທັບໃຈໃນລະດູການທຳອິດທີ່ຍ້າຍມາຮ່ວມທີມ ຫລັງລາວຍິງໄປແລ້ວ 42 ປະຕູຈາກການສະໜາມ 37 ເກມທຸກລາຍການ.
ຈົນຫລ້າສຸດ ອາສ ສື່ສະເປນລາຍງານວ່າ ຣຽວ ມາດຣິດ ໄດ້ລ໊ອກເປົ້າ ຮາແລນ ເປັນເປົ້າຫມາຍຫລັກໃນການເສີມທີມໃນປີ 2024 ເຊິ່ງເປັນໄລຍະເວລາດຽວກັນກັບທີ່ຄ່າຈີກສັນຍາຂອງດາວເຕະອາຍຸ 22 ປີ ລາຍນີ້ເຊິ່ງມີມູນຄ່າ 240 ລ້ານຢູໂຣ ຈະເລີ່ມໃຊ້ງານໄດ້.
ນອກຈາກນັ້ນແລ້ວ ຣຽວ ມາດຣິດ ຕັ້ງໃຈທີ່ຈະດຶງຕົວ ຮາແລນ ມາເສີມເກ່ັງໃຫ້ໄດ້ ໂດຍບໍ່ຄຳນຶງວ່າພວກເຂົາຈະຄວ້າ ຄີລຽນ ເອັມບັບເປ ກອງໜ້າ ປາຣີສ ແຊງ ແຊັກແມັງ ມາຮ່ວມທີມໄດ້ ຫລື ບໍ່ກໍຕາມ ເນື່ອງຈາກພວກເຂົາເບິ່ງວ່າ ດາວຍິງທີມຊາດນໍເວນີ້ຄືຕົວແທນທີ່ເຫມາະສົມຂອງ ຄາຣິມ ເບນເຊມາ.
