ພຣີເມຍລີກ ຕັ້ງຂໍ້ຫາເອຟເວີຕັນ ລະເມີດກົດການເງິນ ສົ່ງເລື່ອງເຂົ້າຂັ້ນຕອນພິຈາລະນາແລ້ວ

ພຣີເມຍລີກ ເຮັດການສົ່ງເລື່ອງຂອງເອຟເວີຕັນ ໄປໃຫ້ກັບຄະນະກຳມະການອິດສະລະພິຈາລະນາ ຈາກກໍລະນີຖືກຕັ້ງຂໍ້ຫາລະເມີດກົດການເງິນ ດ້ານສະໂມສອນປະຕິເສດວ່າບໍ່ໄດ້ກະທຳຜິດ.

ພຣີເມຍລີກ ອັງກິດ ເຮັດການສົ່ງເລື່ອງຂອງ ເອຟເວີຕັນ ໄປໃຫ້ກັບຄະນະກຳມະການອິດສະລະພິຈາລະນາ ຈາກກໍລະນີທີ່ສະໂມສອນແຫ່ງນີ້ຖືກຕັ້ງຂໍ້ຫາລະເມີດກົດການເງິນ.

ໂດຍພຣີເມຍລີກ ບໍ່ໄດ້ລະບຸຈະແຈ້ງວ່າເອຟເວີຕັນເຮັດຜິດກົດຂໍ້ໃດແດ່ ບອກພຽງວ່າການກະທຳຜິດເກີດຂຶ້ນໃນໄລຍະທ້າຍລະດູການ 2021-22 ຂະນະທີ່ທາງສະໂມສອນອອກມາປະຕິເສດວ່າບໍ່ໄດ້ກະທຳຜິດຂໍ້ໃດທັງນັ້ນ.

ຖະແຫລງການຈາກເອຟເວີຕັນ ລະບຸວ່າ : “ ສະໂມສອນຂໍປະຕິເສດຂໍ້ກ່າວຫາທີ່ວ່າລະເມີດກົດ ແລະ ຂໍໃຫ້ຄວາມຮ່ວມມືກັບຜູ້ຊ່ຽວຊານອິດສະລະ ດ້ວຍຄວາມຫມັ້ນໃຈຢ່າງຍິ່ງວ່າສະໂມສອນປະຕິເສດຕາມຂໍ້ບັງຄັບທາງການເງິນທຸກປະການ ”.

ສຳລັບ ເອຟເວີຕັນ ເຄີຍເປີດເຜີຍຜົນປະກອບການປະຈຳລະດູການ 2020-21 ເຊິ່ງຂາດທຸນໄປ 120,9 ລ້ານປອນ ແລະ ເຮັດໃຫ້ຍອດລວມຂາດທຶນ 3 ປີຕໍ່ເນື່ອງເປັນຈຳນວນສູງເຖິງ 372 ລ້ານປອນ ເກີນຈຳນວນທີ່ພຣີເມຍລີກ ອະນຸຍາດຫລາຍກວ່າ 3 ເທົ່າເລີຍ.

ສຳລັບສະໂມສອນທີ່ຖືກຕັດສິນວ່າມີຄວາມຜິດທາງດ້ານການເງິນນັ້ນ ອາດຖືກລົງໂທດໄດ້ທັງຕັກເຕືອນ, ປັບເງິນ ຫລື ຕັດຄະແນນ.