ແມນຊິຕີ ກຽມຍື່ນຕໍ່ສັນຍາສະບັບໃຫມ່ ຮາແລນ ໃຫ້ຄ່າເມື່ອຍຫລາຍທີ່ສຸດໃນພຣີເມຍລີກ

ສື່ລາຍງານວ່າ ແມນເຊສເຕີ ຊິຕີ ກຽມຍື່ນຕໍ່ສັນຍາກັບ ເອີຣິງ ຮາແລນ ກອງໜ້າຄົນເກ່ັງດ້ວຍການໃຫ້ຄ່າເມື່ອສູງສຸດໃນລີກ ຫລັງມີຂ່າວວ່າ ຣຽວ ມາດຣິດ ກຽມດຶງນັກເຕະຄົນນີ້.

ໂດຍ ຮາແລນ ສ້າງຜົນງານກັບ ແມນຊິຕີ ໄດ້ຢ່າງໂດດເດັ່ນໃນລະດູການທຳອິດທີ່ຍ້າຍມາຮ່ວມທີມ ຫລັງຍິງໄປແລ້ວ 42 ປະຕູ ຈາກການລົງສະໜາມ 37 ເກມລວມທຸກລາຍການ.

ຈາກຜົນງານທີ່ເກີດຂຶ້ນເຮັດໃຫ້ກ່ອນໜ້ານີ້ “ ອາສ ” ສື່ໃນສະເປນລາຍງານວ່າ ຣຽວ ມາດຣິດ ຕ້ອງການເຊັນສັນຍາກັບ ຮາແລນ ໄປເສີມທີມໃນປີ 2024 ເຊິ່ງເປັນໄລຍະເວລາດຽວກັນກັບທີ່ຄ່າຈີກສັນຍາຂອງດາວເຕະອາຍຸ 22 ປີ ລາຍນີ້ ເຊິ່ງມີມູນຄ່າ 212,2 ລ້ານປອນ ຈະເລີ່ມໃຊ້ງານໄດ້.

ແຕ່ຫລ້າສຸດ The Sun ສື່ໃນອັງກິດລະບຸວ່າ ແມນເຊສເຕີ ຊິຕີ ບໍ່ຕ້ອງການເສຍ ຮາແລນ ໃຫ້ກັບ ຣຽວ ມາດຣິດ ເຮັດໃຫ້ພວກເຂົາກຽມຍື່ນຂະຫຍາຍສັນຍາໃຫມ່ກັບດາວຍິງທີມຊາດນໍເວລາຍນີ້ຈາກປີ 2027 ໄປອີກ 12 ເດືອນ ພ້ອມຈ່າຍຄ່າເມື່ອຍເພີ່ມຈາກ 375,000 ປອນ/ອາທິດ ເຊິ່ງຫລາຍທີ່ສຸດໃນພຮີເມຍລີກຂະນະນີ້ຮ່ວມກັບ ເຄວິນ ເດິ ບຣອຍ ກອງກາງຫມູ່ຮ່ວມທີມ ແລະ ດາບິດ ເດ ເຄອາ ຜູ້ຮັກສາປະຕູ ແມນເຊສເຕີ ຢູໄນເຕັດ ເປັນ 500,000 ປອນ/ອາທິດ.

ຖ້າຫາກມີການຕົກລົງຈະເຮັດໃຫ້ ຮາແລນ ກາຍເປັນນັກເຕະທີ່ໄດ້ຮັບຄ່າເມື່ອຍສູງສຸດໃນລີກແບບຄົນດຽວທັນທີ.